ذكريــآتنا .. مآضينا .. سوآلــفنآ .. واحلآمنـآ

[رحول]

+[. باسم الله الرحمن الرحيم ابتدي ..

الســــلآم عليكـــم ورحمــــة الله و بركـــآآته .}~


كل ما ادخل هالمنتدى احس اباا اصيح .. اقعد اقلب فالمواضيع والردود اللي مرت عليها سنوات اتذكر الاعضاء والاخوان وكل المواقف اللي جمعتنا .. فالنهايه استسلم واسوي تسجيل خروج بدون كتابه اي رد !!

قررت اليـوم بعد ما لفت انتباهي قسم يوميـآت الاعضاء .. اني ادخل واشخبط شوي واتكلم عن اللي في داخلي
عن الاحساس اللي احسه لحظه تسجيل دخولي في المنتدى عن الشعور اللي امر فيه لما اتجول فاقسام المنتدى ..

مقــدمه .. [ فلسفــتي بالفصـحى ] << دايم في كل مواضيعي كنت احب اتفلسف باللغه الفصحى ..

طبعا .. لكل انسان ذكريآت وماضي قد يحمل الاحزان والافراح ،الهموم و السعاده ، البكاء والضحك و الاسود والابيض .. وهذي سنه الحياه ..
لا تخلوا ذكرياتي من سنةِ الحياة هذه .. بل مررت بتجارب كثيرة علمتني الكثير و استفدت منها الكثير ،
قد تكون سعيده ومليئه بالابتسامات والضحك .. فاستمتع بها وتمر مرور الكرام ، وقد تكون محزنه و كئيبه ولكن فالنهايه لم تقتلني .. ! وهذا هو المهم .. فالاحزان والاخطاء اياً كانت اذا مررت بها قد تقوم بجرحك ولكن ابدا لن تستطيع قتلك ، وهذا ما يجعلك قويا .. بالتعلم من اخطائك بالتعلم واخذ العبره من احزانك وباختصار :

" what doesn't kill me , make me stronger "

بدايــتي مع احـم آحـم كانت بتآريخ 11_10_2006, 02:13 AM

يعني نص الليل .. :p

اللي دخلني للمنتدى الاخ Gram.a7baab ([Link nur für registrierte Benutzer sichtbar])

صديق عزيز غالي ووفي وكل شي .. < لا تصدق عمرك .. :p

احس اني حزين .. ما اعرف ليش مع انه كل ذكرياتي فالمنتدى حلوه و سعيده ، لكن احس اني حزين ..!
يمكن لاني اتمنى اني ارجع للايام الحلوه للذكريات السعيده للاعضاء الحبوبين ولمواضيعنا وردودنا ..

بحاول اني اتكلم بنفس فرفشتي القديمه في ايامي الاولى في المنتدى ..

الحين نشوف اول موضوع لي فالمنتدى وكيف كان .. :-

السلام عليكم ,,

اناااا عضو نيوو ويا قراطيسي
وابا ترحيب يكون من جيد جدا الى ممتاز
المهم
سويت لي توقيع جيه عسبت اقزر فيه
وسجلت وحطيت موضوع
وما باقي الا دعوتكم لبدأ المشاركة
يالله طابور

>< كان اسلوبي غبي بكل ما تحتويه الكلمه من معنى xD
في بدايه تسجيلي كان حلمي الوصول لمراقب للمنتدى .. كنت اتعرف واسولف مع الكل ،
تحسين علاقات للوصول للحلم الكبير والعظيم ( مراقب ) xD
وبعدها بايام تعودت على المنتدى والاعضاء وبدا الحب والسوالف والضحك مع الاعضاء يزيد ..
كان تفكيري بسيط ، كنت ادخل المنتدى بمجرد تسجيل دخولي ابدا ابتسم واضحك .. فعلا كانت ايام وكم اتمنى عودتها ..!

اعضاء الشله والعصابه :- [ طبعا الاعضاء كثار وفي منهم بدلوا نكاتهم فما بقدر اذكرهم كلهم ]

على راسهم رئيسه العصابه الاخت بنت ديره xD
هاديه مرحه فرفوشه وبسيطه لابعد الحدود و ما يطلع منها الا كل خير ..
كانت تتواجد فكل مواضيع المنتدى يعني صدق ما ترحم ام الكيبورد والدليل مشاركاتها الحين : 116166 << لا ورقم مميز بعد xD
اخت عزيزه وغاليه والله اني من اشوف نكها اقعد اتذكر واقلب الماضي واحن له واضايق اخر شي .. xD
مشكلتي اني لما اقعد واتذكر المواقف الحلوه اتمنـى اني ارجعلها واقعد افكر لين ما ينقع مخي واستسلم ..
الله يسلمج ويحظج من كل شر وين ما كنتي ..

مدفع الحماس والردود المشجعه :-

عرفتوها اكيد الاخت : إنسـ حسـاسي ـان

كانت ردودها من العيار الثقيل .. ردود بمعنى الكلمه ..
تحمس الانسان على الرد والاجتهاد ، تختار كلمات قويه في ردودها وتسرد جملها كقنابل وصواريخ
تخلي اللي ما يبا يشارك يشارك .. كنت احب تصاميمها وشغلها فالفوتوشوب ، والمميز فيها حبها في التعلم
كانت تحب تتعلم كل شي ، مثابره ومرحه ..
وهي لها الفضل في بقائي فالمنتدى ..
ثانكس ماي بيق سيستر ، على كل شي ، والله يسعدج فدنياج يا رب ..

نور البرق و ضوء القمر واختهم الاصغر

ثلاثي هادئ .. محترمين ردودهم كانت في قمه الاحترام والادب ..
الاخت ضوء القمر شفت نكها موجود ودخلت عليه وشفت هالصوره :
[Link nur für registrierte Benutzer sichtbar]

صورتها الرمزيه تصيح :sfdbdf1:
هالصوره تعتبر تراث من تراث احم احم .. xD

ام محمد :sfdbdf1: :sfdbdf1:

[Link nur für registrierte Benutzer sichtbar]

صورتها الرمزيه انا مسونلها xD

في موضوعي تصميم لاعضاء المنتدى كتبت :-

طبعا .. تصميم مافي أي شيء .. حلو .. صح .. ..

انزين .. ابي آراء وانتقادات .. وخصوصا من المصممين .. مثل :-

انسانوه و ظبية و الزهره العيناويه و ام محمد <-- داشة عرض .. خخخخخ ..

بدون ذكر الأسامي الكل مبدع في هالمنتدى ..

هي كانت ما يخصها في التصاميم والفوتوشوب ،، xD

وهذا ردها :

احم احم
دشت المصممه العالميه ام محمد
طبعاا انت تترياني ادش اعلق ع التوقيع عسب تستفيد من خبرتي في هالمجال نعم نعم لووول
امم اول شي الاطار ماشي حالك والخطوط يالله بنطوفهاا كونك مبتدأ فهالمجال
هههههههههههههههههههههااي
ويا راسك ماعليه تتمصخر عليه داشه عرض هاا ماعليه
بقول راي يالله
حلو التصميم مشالله عليك الألوان حلوه وهاديه
والحجم عيبني ماعليك منهم لووول

ام حموود

:sfdbdf1:

والله ايام حلوه وما تنسي .. الله يحفظج ويوفقج يا ام حمود وين ما كنتي ..

الاخت نــا نــا ..

من تراث المنتدى المندثر :P بنت مرحه ومشاركه وفعاله فالمنتدى ..
كنت دايما احب اشوف ردودها والحقها وين ما سارت xD
مرت بمشاكل فالمنتدى وطلعت واختفت .. !


اعضاء قدامى ومهمين فالمنتدى :-
بدوي خريش ، الكتامري ، السولعي ، ياقلبيـ صاحبكـ خلاكـ ، الماسة المجروحة ، شــمــه ، ظبيه ، Armani , يتيمة قلب ، اعصار الامارات , شهوده ، strawberry girl , رووح البدو ،
بن خرسان : ملك الاليستريتر :P
ريمـ البداوهـ
Makaveli Westside << كنت دووم ابا اضارب وياه ،، حليله
اعصار الامارات
المرسيدس
اطيب قلب
بو عبدالله
زين السجايا
كعبية وافتخر
تبولة
لولا الامل
مياسه العود
توته
فرعونة
راعي فزعه
المبدع ( الحكوومة )
ليــ ألـم ــلي
الاخت Sk!nny سجلت من فتره فالمنتدى واثبتت وجودها ..



ما انسى طبعا المبدعين :-

زهره الاوركيد .. SaMaWy .. ونه اشعاري ..الزهره العيناويه .. عينـ أصلية ـاوية .. طبعي شيوخي .. مــزيــ بوظبي ــون .. حبيبنا ( رياض الشرقية ) ..+[style-shehhi]+ الوصلاوي xD .. حور العين .. بو شهـــاب .. قلب اسود .. ظبيانية .. الظاهرية .. بنوتـة دبــي .. عيوز استايل .. قناص بن جتب .. درب السعادة

الاخت : ابتسامه الفجر << اعتقد جي كان نكها ..؟؟
ما انساها الله يحفظها ..

اعضاء نخبه وتحفه وما انساهم ابدا ..

صديقي العزيز : صعب المنال ،
كان له الدور الكبير في مساعدتي في الاشراف على قسم الكمبيوتر ..
بعدها تم تعييني كمشرف لقسم الكمبيوتر معاه ..
وعشنا ايام ولا احلى ومرينا بمشاكل وما انسـى هالايام ..

حسوووووون @أحــبــك@

من الاعضاء القدامه اللي عشت معاهم التجارب والمواضيع والذكريات ..

غريب الدار

تحفه هالانسان قمه فالتواضع والاحترام ، فرفوش ووناسه ..
استاذنا الروسي ومراسلنا في موسكو :p

أميرة القوافي

اهم اعضاء المنتدى لي معها ذكريات وردود ومشكلتها فالمسنجر اللي ما تنحل xD

السـwloolـويدي

رشود وحش المنتدى غني عن التعريف .. بس لو ادخل منقوش المنتدى .. :P
صديق عزيز وغالي و خدوم ..

بو راشد

صديق غالي .. دائم التواجد فالمواضيع من اهم اعضاء المنتدى ..

دم الغزال SS

ملك المشاركات فالمنتدى محطم الارقام القياسيه فالردود .. لكن الحين حطموا رقمك ..

اخوي الغالي : سناد الامارات

غني عن التعريف .. عضو فعال جدا ومازال فعال فالمنتدى ..

صديقي الشعباوي .. uaebadboy

الاخ x_5 ..

وطبعا ما ننسى مديرنا الغالي اللي جمعنا ( بن حاضر ) ..

واخيرا صديقي Gram.a7baab ..
قضينا هالايام وهالسنين مع بعض في هالمنتدى .. وما بننساها يا صديقي ..

انا متاكد اني نسيت وايد اعضاء ، ولاني كتبت وايد وعصرت مخي وايد .. ولان النكات تغيرت .. فلا تلوموني ..

اتمنى من كل عضو عنده صوره او رد او اي شي حب يذكرنا فيه يتفضل ..
وسامحوني ياللي نسيتهم .. واللي يتذكر اي عضو يتفضل ويذكرنا فيه ..

الذكريات تبقى فالقلب وما تنمحي .. الله يحفظكم وين ما كنتوا ويهنيكم ويسعدكم في هالدنيا ويعل فالجنه نجتمع ..

كنت ناوي اكتب عن كل عضو لكن الوقت ما يسمح .. لي عوده ان شاء الله ..


تقبلوا تحيتي ،،

اخـ،،،،ـوكم
رحــ,,,,ـول