فتح قسم جديد (مجلس المواضيع المميزه)

[Skinny]

- السلام عليكم -


ان نجاح اي منتدي يعتمد علي الاعضاء،،، الاعضاء هم الي يرفعون راس المنتدي، ومن ملاحظاتي

خلال هذه السنين انه في اعضاء ماشاء الله عليهم مميزين في امور وايده بس محد شجعهم

خاصتا يوم العضو هذه يقعد يكتب في موضوع يوم كامل يحاول انه يبدع فيه وفي الاخير مايحصل

غير كلمة مشكور وتسلم،،، بختصار في هذه المنتدي العضو العادي والعضو المميز كلهم

في خط واحد!! ،،، يعني والله حرام مافي تمييز بينهم،، فانا عندي اقتراح للاداره واتمني انها

توافق عليه لرفع مستوي المنتدي،،،، وخطواته بتكون كالتالي:


اولا: الاداره توافق علي فتح قسم خاص يديد ويكون اسمه (مجلس المواضيع المميزه) يكون

مكانه تحت مجلس الاعضاء الجدد علي طول.


ثانياً: آنا بنفسي اشوف الموضوع المميز في كل مجالس المنتدي واحط وصلت الموضوع الي اشوفه

مميز ويستاهل في قسم المواضيع المميزه واغلق الموضوع بعد ماحط وصلته فقط.


ثالثاً: العضو الي اشوفه مميز في مواضيعه وفي اسلوبه اعينه عضو مميز (لونه آخضر) ولكن مش

هذه بس بيكون بعد تحت اساميهم عدد معين من النجوم علي حسب تميزهم.



رابعاً:وبعد فتره من التميز بعد مثلا مايكون عند العضو 4 نجوم او اكثر تقوم الاداره تشوف العضو

المميز الي يستاهل يكون مشرف.



خامساً: وبعد سنتين من الاشراف علي قسم معين وجتهد في اشرافه

نحن نقوم بترقيته الي مراقب.



الفائده من الموضوع كله هو:


+ آنه اي عضو مستعيل وفي خاطره يدخل موضوع يستاهل القراءه مايحوس في الاقسام

ماعليه الا ان يمر علي مجلس المواضيع المميزه بيشوف العناوين بيدخل الموضوع بيحصل وصله

فقط، الوصله بتوديه الي الموضوع الاساسي،


++ بيكون في تنافس بين الاعضاء المميزين وفي امور ثانيا بعد بخبركم عنها بعدين لانها سر ;-q


.
.
.



- واتمني من كل الاعضاء المشاركه وابداء الرأي -

[الكتبي99]

الصراحه فكره حلوه

انا طرحك الصراحه اعجبني وايد

(((انا اييدك في هاذا الطرح اخوي)))

ع العموم مشكور ع الجهد و التعب

[(( .♥. Ӥăß'9 ǦℓЬў .♥. ))]

بصرآحة فكرة عجيبة وحلوة

وتشجـع الأعضاء ع المشاركــة و المساهمــة

وتسلميــن ع الطرح الغاوي ..

[رهينه الحب]

والله انه كــلامج عين العقل

وان شـــــاء الله ادارة توافق عليه






ارجو الموافقة

[رياض الشرقية]

فكرة حلوة وناجحة لدعم تواجد ونشاط الاعضاء
ان شاء الله الفكرة ترى النور وانا معكم في فكرتها
والاهم طرحها للأدارة وتقبلها
بارك الله فيك

[|| المبدعه ||]

فكـّره حلوؤهْ !!

نتمنى’ تطّبيقـهــآ ^^،

[ąlĥķŏŎŏɱâ]

ناااايس الفكره ..ْ~

وان شاءالله الكل يأيد هاه الشي ..

يعطيج ألف عافيه ..ْ~

لا هنتي ولا هانج ربي ...

لا تحرمينا من يديدج ...ْ~

[صعب تفهمني]

...حلوه الفكره نآآآآآآآيس ... نتريا نحن عاد ...ههههه ... تسلموون ..اداراة احم احم ...

[درب السعادة]

بسم بالله الرحمن الرحيم

لي رجعة لكم بهالموضوع لاني اباادرس الموضوع بتمعن ترا ياجمااعه ادرسوا الموضوع من جميع النواحي مب بس صوتوا وطلعو
حبذاااا كل من يعلق بنعم او لا يقوول اسبابه المقنعه من ناحيتي الرفض والقبول بكل اريحية وبكل سلاسه وبكل منطقيه
ان شا ءالله ف اجرب وقت بحط لكم تعليقي المتواضع والسموحه منكم

[راقي بذوقي]

انا ضد لان في اقسام كافيه و ترومون تنزلون مواضيع في قسم المعلومات

[راقيــہ بذۈقهـآ]

هلـآ الشيخه
.. مـآدري اشوَف ان مـآله داعي فتح قسم عسب هالشي
يكوَن احسن لو المشرفه او المشرف بنفسهم يوم تشوف ان الموضوع صدق مميز بنفسها ف بدايه الموضوع تحط شرات وسام وتكتب موضوع مميز وهم حذال العنوان عسب الكل يعرف ان مميز هالموضوع
وطبعا يكون الموضوع من جهد العضو نفسه
مجرد راي طبعـآ =]

[Skinny]

بسم بالله الرحمن الرحيم

لي رجعة لكم بهالموضوع لاني اباادرس الموضوع بتمعن ترا ياجمااعه ادرسوا الموضوع من جميع النواحي مب بس صوتوا وطلعو
حبذاااا كل من يعلق بنعم او لا يقوول اسبابه المقنعه من ناحيتي الرفض والقبول بكل اريحية وبكل سلاسه وبكل منطقيه
ان شا ءالله ف اجرب وقت بحط لكم تعليقي المتواضع والسموحه منكم



عادي اخويه درب السعاده فكر في الموضوع وادرسه ^ـ^

بس لاتنسا الموضوع، واذا ماكان شرحي مفهوم بعيد صياغته مره ثانيا.

[Skinny]

انا ضد لان في اقسام كافيه و ترومون تنزلون مواضيع في قسم المعلومات



رآيك ونحن نحترم اخويه راقي بس مافهمت عليك وايد تراني ...

قسم معلومات يعني لازم يكون موضوع معلومات، صح؟

اذا كان مثلا موضوع مميز في الطبخ مايصير نحطه في المعلومات ياخويه...


- مشكور علي المشاركه -

[Skinny]

هلـآ الشيخه

يكوَن احسن لو المشرفه او المشرف بنفسهم يوم تشوف ان الموضوع صدق مميز بنفسها ف بدايه الموضوع تحط شرات وسام وتكتب موضوع مميز وهم حذال العنوان عسب الكل يعرف ان مميز


مجرد راي طبعـآ =]



مشكوره اختي راقيه علي المشاركه بس فكرج مطبقه في كل المنتديات ،،،،

ياليت لو تعطينا فكره يديده ورآيج بناخذ بعين الاعتبار وبناقشه ان شاء الله ^ـ^

[Skinny]

- الاعضاء الباقين -


مشكورين علي التفاعل واذا عندكم فكره يديده حابين تقولونها حتي لو كانت

غريبه شوي لايتردد بطرحها هنا ونحن كلنا بناقشها معاه ^ـ^

[صدى الحرمان]

السلام عليكم ورحمة الله وبركاته
فالبدايه اشكرج على تقاعلج المستمر واهتمامج الكبير لرقي المنتدى
عن جد تستاهلين وسام عالمجهود اللي اسوينه لرقي المنتدى ووصوله الــى الاعلى
قلمي يعجز عن مدح لان المدح قليل في حقكِ
عزيزتي،
وجهة نظري واتنمى تقبلينها بكل رحب
الموضوع اللي طرحتيه حلو والاقتراح بعد حلو
بس لازم نعطي الاعضاء فرصه يعني يثبتون لنا ان عندهم مواهب ومواضيع مميزه
و نبي اعضاء (منتدى احم احم )
اللي عنده مواهب وابداعات اتميزه عن غيره يطلعه فالبدايه فالاقسام الموجوده اللي عندنا وراح يحصل على اوسمه على الابداع وتميز اللي قاعد يسويه واكيد الاداره ما راح اتقصر معاه
مايصير نفتح اي قسم ثاني الا بعد ما نشوف ابداعهم وتميزهم وادري الكل اهني له مواهب كبيره بس لازم فالبدايه يثبت لنا هشي فالاقسام اكيد الكل قدهاا صدقين جي راح يكون فيه تفاعل اكثر
وبعد ما يشوفون الاداره الابداع والمواهب اللي موجوده عند الاعضاء اكيد بنفسهم بيفتحون قسم خاص للمتميزين
لو الاداره تعطي اشوي اهتمام للمنتدى وتشجع الاعضاء وتحفيزهم اكيد راح يكون المنتدى غير لان الاداره لهاا دور كبير
اتنمى تقبلين نقدي
ولي عوده اذا اذكرت شي ثاني

[راعي فزعه]

انا الصرااحه عني اجووف هالقسم في اكثريت المنتديات والتفاعل فيه شي عجيب
انا راايه انه يخصص هالقسم
امممم مااعرف افكر توقييييييييييييعج يابلي صداع هههههههههههههههههه
من وين تبيين هالتووواقييع << برررررررررررررررررع الموضوع متفيج الصرااحه

[Skinny]

انا الصرااحه عني اجووف هالقسم في اكثريت المنتديات والتفاعل فيه شي عجيب
انا راايه انه يخصص هالقسم




صدق موجوده؟؟


.
.


اهااااا ...


ماكنت ادري والله ....



زين زين






امممم مااعرف افكر توقييييييييييييعج يابلي صداع هههههههههههههههههه
من وين تبيين هالتووواقييع << برررررررررررررررررع الموضوع متفيج الصرااحه




ههههههههه والله انت دومك متفييييييييج ههه :s019:

الناس في ضبره ومشتطه وهو سرحان في التوقيع خخخخ :s070:

بس ان شاء الله مايابلك التوقيع الحول لانه للقطه تنعاد طول الوقت هه:s081:

شكله التكسي مضيع العنوان خخخخ :s013:

.
.
.

المهم ،،،،

دام انه الفكره مطبقه قبل وناجحه ليش مانطبقها حق منتدانا :s027:

[Skinny]

بس لازم نعطي الاعضاء فرصه يعني يثبتون لنا ان عندهم مواهب ومواضيع مميزه
و نبي اعضاء (منتدى احم احم )





في اعضاء دوم مميزين في المنتدي وبعدلج كمن عضو اتذكره ،،

صدى الحرمان (مش مجامله)
درب السعاده
سناد الامارات
المرسيدس
رياض الشرقية
|| المبدعه ||
طبعي شيوخي
راعي فزعه
إنسـ حسـاسي ـان
بنت ديره
لولو الكبيره
ملاك الليل
أميرة القوافي
اعصار الامارات
ظبيانية
حامل المسك
Gram.a7baab (انقطع فتره ورد)
جني (انقطعت)

وغيرهم مختفيين ...


وراح يحصل على اوسمه على الابداع وتميز اللي قاعد يسويه واكيد الاداره ما راح اتقصر معاه


حركة الاوسمه موجوده في كل المنتديات الا اذا كنتوا مصرين اطبقونها





مايصير نفتح اي قسم ثاني الا بعد ما نشوف ابداعهم وتميزهم وادري الكل اهني له مواهب
كبيره بس لازم فالبدايه يثبت لنا هشي فالاقسام اكيد الكل قدهاا صدقين جي راح يكون
فيه تفاعل اكثر وبعد ما يشوفون الاداره الابداع والمواهب اللي موجوده عند الاعضاء اكيد
بنفسهم بيفتحون قسم خاص للمتميزين




ياليت لو الاداره تعطينه شوي من وقتها ....

- عالعموم مشكوره اختيه صدي علي الرد الطيب والمفيد ^ـ^

[صدى الحرمان]

الغاليه انا ماقلت ما اوافقج الراي بالعكس اقتراحج حلو بس لو يكون على جدام اشوي مب الحين
واشكرج من قلبي على اهتمامج الكبير
كل اللي ذكرتيهم لهم لمسه سحريه فالمنتدى
مب شرط يكون اوسمه فيه اشياء ثانيه وان شاء الله من افضى بنزل لج
عندج وايد اشياء للتحفيز
والاخوان اللي ذكرتيهم يقدرون يبدعون فالاقسام ومن بعدها تفتحون القسم اللي تبونه
اسموحه عالاطاله

[حامل المسك]

وعليكم السلام ورحمة الله وبركاته ..

شكراً لكي اختي السكني ع طرح هالفكره الجميله ويزاج ربي كل خير ع ماتبذلينه من اجل المنتدى ..:s024: ..

ولاكن :s066: وايد محتار في هالموضوع ..

لانه لين الحين انا هب مستوعب الموضوع عدل :s055: ..

لانه انا شايف مثل هالاقتراح في منتديات ثانيه وموجود ولاكن هب نفس اقتراحج :s056: ..

بس اقتراحج عقدني شويه :s014: ..

يعني قسمج بيكون عباره عن روابط وليست المواضيع ذاتها .. والمنتديات الثانيه حاطه المواضيع ناقله المواضيع المتميزه من كل الاقسام وحاطتنهن في قسم المواضيع المتميزه ..

ولاكن انتي اقتراحج بس وضع رابط :s035: وهذا إلي مينني عدل ومخبل راسي .. هب مستوعب الفكره بعدني :s044: ..

يعني اتخيل هالقسم موجود وفيه روابط فقط .. شو فايدة هالقسم .. بس روابط :s077: بس مادري هل هي فكره حلوه ولا لآاااا ..

انا ما اعرف شو إلي يدور ببالج :s066: .. بس اتوقع انج بتبدعين في هذا القسم دامها فكرج .. ما عندي ما نع اني انفذ هالشيء واسويه وبعدين نحكم اذا كانت الفكره جميله ولا لآاااا ..

لانه الفكره يديده بالنسبه لي في قضية طرحها .. لانه إلي انا شفته نوعين وأنتي النوع الثالث ..

النوع الأول هو :

وجود موضوع مثبت في كل الاقسام بداخله روابط المواضيع المتميزه بقسمه ومغلق ..

النوع الثاني هو :

وجود قسم يحمل جميع المواضيع المتميزه وليست الروابط ..

والنوع الثالث هو :

هو اقتراحج بان يوجد قسم خاص للروابط المواضيع المتميزه .. وهذه بالنسبه لي فكره يديده :s024: احييج عليها ..

ليش ما نجربها وبعدين نحكم عليها بالنجاح أو بالفشل دامها فكره يديده .. وبخليج انتي المسؤوله عن هذا القسم طبعن بيكون قسم مغلق من المشاركات بس المسؤوله هي الوحيده إلي تحط المشاركات لتضع الروابط المتميزه ..

هذا وجهة نظري بالنسبه للفكره :s064: خويج دهن العود

[كشوخة]

الفكرة حلووووة

انا مواققــــــة ^^

[Skinny]

[CENTER]

وعليكم السلام ورحمة الله وبركاته ..

شكراً لكي اختي السكني ع طرح هالفكره الجميله ويزاج ربي كل خير ع ماتبذلينه من اجل المنتدى ..:s024: ..

ولاكن :s066: وايد محتار في هالموضوع ..

لانه لين الحين انا هب مستوعب الموضوع عدل :s055: ..

ولاكن انتي اقتراحج بس وضع رابط :s035: وهذا إلي مينني عدل ومخبل راسي .. هب مستوعب الفكره بعدني :s044: ..




[SIZE="4"]انا بقولك ليش روابط لانه اذا نقلنا مواضيع مميز في هالقسم اليديد اول شي:

[COLOR="Black"]اولاً: بتصير زحمه علي القسم اليديد والاقسام ومواضيع الاعضاء العاديين محد بيدخلهن! :s077:


ثانياً: منو الاداري الفاضي اللي بييلس ينقل مواضيع :s066:


اما اذا كانت وصله فقط فهي بسيطه اللهم copy & past :s050: واي عضو ممكن يسويها هب لازم

اكون مراقب فجي انا بتم نفس ما انا بما اني المتبرعه (عضو شرف) مالي اي صلاحيات :s027:


ثالثاً: بالقسم اليديد تقدر نخلق حركه سريعه في المنتدي بدون مايدخل ويظهر العضو اللهم هي صفحه

ويقرا عناوينها :s056:



هاه وضحت الصوره ولا بعدها؟ ^^"

سير اشربلك كوب ناسكافي وصحصح معايا شوي ;-q


امزح ^ـ^

[Skinny]

الغاليه انا ماقلت ما اوافقج الراي بالعكس اقتراحج حلو بس لو يكون على جدام اشوي مب الحين





اهاااا،،،، سوري والله لاني مافهمتج صح ^^"

المهم اني كنت بس ابا اقول انه نحن نبا اي فكره تشجع الاعضاء

[miss.ferrari]

وبعد سنتين من الاشراف علي قسم معين وجتهد في اشرافه

نحن نقوم بترقيته الي مراقب. :s035:

[Skinny]

وبعد سنتين من الاشراف علي قسم معين وجتهد في اشرافه

نحن نقوم بترقيته الي مراقب. :s035:




ليش وايد؟.....

عيل كم عضو في هذه المنتدي تم سنين مشرف والين اليوم ماصار مراقب؟ ^ـ^

ماله داعي اعد اسامي ....

[درب السعادة]

+ آنه اي عضو مستعيل وفي خاطره يدخل موضوع يستاهل القراءه مايحوس في الاقسام

ماعليه الا ان يمر علي مجلس المواضيع المميزه بيشوف العناوين بيدخل الموضوع بيحصل وصله

فقط، الوصله بتوديه الي الموضوع الاساسي،


++ بيكون في تنافس بين الاعضاء المميزين
اذااا هالفاايده المرجووه طبقت ف القسم المميزز انا موافق وبشده

خاصه الموضووع الاصلى يكون في القسم المطرووح عشان ماانظلم القسم من مواضيعه الممميزه وكذلك اغلاق الموضوع ف قسم المووضووع المميز


زين ذكرتي كل نقطه مهمه ف المووضووع ذكرتي اول شى الموضووع الاساسي وهوو فتح القسم وليش والاسباب ووفق ظوبط معينه اذا طبق هالموضووع بحذافره اعتقد هالشى يساعد فيه تطوير المنتدى واعطااء زي جميل وبريق للمنتدى

[Skinny]

+ [color="red"]

زين ذكرتي كل نقطه مهمه ف المووضووع ذكرتي اول شى الموضووع الاساسي وهوو فتح القسم وليش والاسباب ووفق ظوبط معينه اذا طبق هالموضووع بحذافره اعتقد هالشى يساعد فيه تطوير المنتدى واعطااء زي جميل وبريق للمنتدى

فكرتك الاوليه الي كتبتها في موضوع حامل المسك كانت ممتاز انه نحط ايقونه فوق

[Link nur für registrierte Benutzer sichtbar]

مثل هذيل للمواضيع المميزه^^

[سنادالامارات]

تصويتي معاالفكره بشروط

ان يكون الموضوع خاص بلعضوء نفسه يعني هوصاحب الموضوع

لايمكن ان يكون موضوع مميز من تعب اخر واناانقله واكون متميز

الفكره حلوه بس ماظن تحتاج لقسم خاص لها

هذه رايي وشكرالج اخت سكني

[Skinny]

خلاص عيل ،،،، حالياً الفكره المعتمده نفس ماقترح اخويه درب السعاده

انه اي موضوع مميز انحطه كآيقونه فوق مثل هذيل

[Link nur für registrierte Benutzer sichtbar]

اخونه حامل المسك هو تبرع انه كل اسبوع يغير ويحط موضوع مميز عند الايقونات

طبعا هذه بيكون مجهود شخصي وليس هاك معين ^ـ^

[امبراطور الذوق]

بسم الله الرحمن الرحيم ..

يمكن هذي اول مشاركة لي فالمنتدى ,, بس انا مسجل من فترة وكنت احب اتصفح بس .

انا ومن خلال تجاربي السابقة فالمنتديات ,
ومن خلال امتلاكي لمنتدى سابقا , اعتقد انها فكرة جميلة من الناحية الفكرية
, إلى انني صوت ب " ضد الفكرة "

لما اعلمة من خلال التجارب من ان كثرة الاقسام وكثرة تشعب المواضيع ليس لها فوائد ملموسه على المنتدى .
كما وانها تعتمد على نشاط ذاتي لسموكم وبثبوط همتكم تلغى هذه الامتيازات والقرارات بشكل غير مقصود .
وهي بلا شك ستشكل حمل كبير عليكم ومسؤولية صعبة .

ومن ناحية اخرى إقتصر تقييم الموضوع والعضو المميز على رأيك الشخصي ,
مع احترامي وتقديري لكم ولرأيكم ,
إلى انها طريقه غير منصفه , فنحن بشر لنا ميولنا القلبية والعاطفية والفكرية ولا نملك زمام الامور بنسبة عالية ,
لذلك يصعب تقييم الاعضاء والمواضيع من غير لجنة مختصه للتقييم تظم اكثر من كاتب ومشرف وناقد .

لا اقصد الاثباط ولكن , المادة الرابعه والخامسة بها تحديد زمني طويل جدا جدا اعتقد برأيي القاصر انه لا فائدة منه .

عذرا ان لم يعجبكم قلمي , ولكن هذا ما جاد به ,
واتمنى لكم التوفيق ,

[Skinny]

يمكن هذي اول مشاركة لي فالمنتدى ,, بس انا مسجل من فترة وكنت احب اتصفح بس.

انا ومن خلال تجاربي السابقة فالمنتديات ,ومن خلال امتلاكي لمنتدى سابقا , اعتقد
انها فكرة جميلة من الناحية الفكرية



هلا فيك أخويه امبراطور الذوق في المنتدي، وصح كلامك هي فكره جميله من

الناحية الفكرية << كلام عقال^^"




وهي بلا شك ستشكل حمل كبير عليكم ومسؤولية صعبة .



صح هي مسؤوليه صعبه شوي اذا سويناها علي فكرتيه الاساسية بس فوق أنا كتبت أنه الفكره

بنغيرها شوي وأنه خلاص نحن بس بين فتره وفتره اي موضوع نشوفه مفيد بنحطه فوق في الهيدر

مثل الدروس وغيره




عذرا ان لم يعجبكم قلمي , ولكن هذا ما جاد به , واتمنى لكم التوفيق ,



قلمك كان ممتاز أخويه أمبراطوز وأنت عطيتنا وجهة نظرك ونحن نحترمها

وأتمني نشوف مواضيع لك في المنتدي ^ـ^

[Sk!nny]

المواضيع المميزه موجوده في أعلي المنتدي وهذه مثال:

[Link nur für registrierte Benutzer sichtbar] ([Link nur für registrierte Benutzer sichtbar])

وبعد رفع المنتدي للرخصة الرابعة سوف يكون هنالك مزيد من الاعلانات لمواضيع الاعضاء المميزين

- أشكر كل عضو شارك في هذه الموضوع -



يغلق الموضوع