::اسس اختيار شريك حياتك (اتمنى التفاعل )للمصلحه العامه::

[عاشقة الزين]

السلاام عليكم و رحمة الله و بركاته


شحالكم يا عرب الله ..
ربكم إلا بخير و سهاله ..

حبيت اطرح عليكم موضوع بيفيدني انا شخصيا و غيري بشكل عام من بنات و شباب ..


موضوعي اليوم عن الزواج :i008: لأنه هو اساس بناء اسره و بالتالي مجتمع بالكامل طبعا الكل يعرف ان اذا كان اختيار الزوج او الزوجه هب على اسس و كان هذا الزواج فاشل فهشي بيأثر على الأسره اللي تكونت بهذا الزواج و بيأثر على المجتمع بشكل من الأشكال و الكل يعرف المشاكل المترتبه على هذا الزواج الفاشل ..


و عسب نتجنب هالمشاكل و خراب الأسر و المجتمعات المفروض تنحط اسس ثابته عسب نتجنب الزيجات الفاشله و يا كثرها في وقتنا هذا



السؤااااااااااااااااال



هو





كيف تختار شريكة حياتك .. زوجتك .. ام عيالك ؟؟؟



و انتي



كيف تختارين شريك حياتج .. رفيج دربج .. بو عيالج ؟؟؟






اتمنى التفاعل



لأهمية الموضوع


خويتكمم عـــــــاشقة الزين

[x_5]

هلا وسهلا اختي
الوضع الحاصل عندنا بالدولة انه الشخص لما يتزوج مب هو اي يختار 90بالمائة من الشباب الي يتزوجون اهله يخطبون له بس هو يشوف شكل العروس والعروس نفس الشي تشوف شكله وخلاص بعدين كل واحد يخطب الثاني

[بـو راشـد]

تسلمين اختي عاشقه الزين على هذا الموضوع المهم

اهم شي تكون الحرمه تصارحني بكل شي وتكون تخاف ربها ومحافضه على صلاته وتهتم فيني مثل ما انا اهتم فيها

[عاشقة الزين]

تسلم اخويه بوراشد واكس فايف على المرور والرد


واتمنى من الكل يشارك ومايبخل بالاجابه علينا


والسموحه منكم

[سراب]

يسلمواا عالموضوع خيتوا

امممممم انا ما بقول استحي بصراحه لووووووول

لا صج.. ان شاء الله يعني

1- يكون يصلي وما يترك فرض من الفرائض ( وصلاته تكون بالمسيد )

2- حسن المعامله .. ولين الطباع... والمصارحه والثقه بالنفس وبالغير..

3- ما يكون يدخن .. ( بس مب شرط اساسي لان اذا اخترته وهو يدخن ان شاء الله احاول امنعه منه لوول )

4- يساعد ويعاون في البيت ( وهذا مب عيب لان الرسول عليه السلام كان يساعد زوجاته رضي الله عنهن اجمعين )

5- ما يكون بخييل .. ويعطي وما يمن على عطائه.. وما ينسى انه يتصدق للفقراء..

6- قلبه حنون على اليهال.. يلعب وياهم ويساعدني ابهم..

7- يصبحني بخاتم الماس ويمسيني بعقد الماس ههههههه ( بيشرد من اول يوم لووووول )>>> امزح
لا صج على اقل تقدير يصبحني بكلمة حلوة ويمسيني بكلمة حلوة لووووووول طماعه واايد

8- اهم شي عندي واذا هالشرط ما توفر وكل الشروط توفرت ارفضه بتاتا.. اللي هو
* انه ما يتغير على امه بعد الزواج...
( لان في ازواج وهالشي لاحظته واايد كانوا يعاملوا امهاتهم اوكي وما يقصرون وياها
بس من اول ما تزوجوا نسوا الام عشان خاطر الزوجه.. وهالشي غلط ... غلط يا رياييل..
المفروض قبل ما تييب لحرمتك هديه تييب للوالده.. وقبل ما تفكر بحرمتك فكر بالوالده
عيب والله عيب.. الام تتعب في حياتها عشان تستوي ريال واخر شي تنساها لمجرد
انك تزوجت.. )
باختصار لازم يكون تعاملة ويا امه كأحسن ما يكون قبل زواجه وبعده... والزوجه تيي
في المرتبه الثانيه.. وهذا مب معناه ان الزوجه مالها حق عليه.. بس الام اولى .. لان
كل ما ابتعد الريال عن امه ابتعد عن الجنه ( لان الجنه تح اقدام الامهات مب الزوجات )
فالاوى بالاحترام والتقدير الام ثم الزوجه...

والسموووووحه من الجميع

[عاشقة الزين]

بالحــــــــــــــــــــــــــــــــــــــــــــــ ل الشيخه وفديت روحج سراب لاتستحين انا ابا تفاعل لنه لمصلحت الجميع



وتسلمين على مرورج الطيب :h011:

[البوس العيناويه]

تبين الصدق

البنت ما تروم على شي

و اهلها هم الناهين و الآمرين

يعني: حكم القوي عالضعيف

و بعدين ...ماشي

مع تحياتي البوس العيناويه

[عاشقة الزين]

البوس صح كلامج وهاي هيه حياتنا


وتسلمين ختيه على مرورج الطيب

[المنصوريه]

تسلمييين أختي على الموضوع

لان نحن ما بأيدنا شي

ما اقول غير

انه يكون ريال يخاف ربه

[أم خليفة]

تسلمين اختي على الموضوع الفنان..

بخبركم عن تجربتي..!

الصراحه انا شاوروني معنا وياهم نسايب من قبل .. بس كان رايي الاهم بعد راي الوالد والوالده :g039:
وهذا المفروض يصير .. لانه هيه اللي بتعيش وياه مب أهلها , ولو جبروني عليه يمكن ما اكون متقبله الوضع وما اكون مرتاحه..

الحمد لله .. كلها توافيج وأرزاق من الله .. الواحد يدعي في سجوده دوم أنه الله يرزقه الذريه الصالحه والزوج او الزوجه الصالحه , كله يهون عدال الايمان والهدايه!

الله يوفق الجميع ولا يحرمهم من نصف دينهم :h009:

[مستر بندول]

والله
يوم انا ابغي
اعرس
بخلي الوالده
ادور لي بنت الحلال
انا مالي اختيار
لاني ماعرف شي والحريم يعرفون كل شي
وماعتقد الوالده اتيب لي اي بنيه
لازم تسال وجي
اممم
مابعرس اناا اصلن

[عاشقة الزين]

بنت ابوها , ام خليفه :h019:


هو ماباليد حيله شو نسوي نمشي ورا شورهم فالأخر نحن اللي نعاني


والله يوفقج أم خليفه انشــاءلله

[عاشقة الزين]

مستر بندول حياك الله


بصراحه احس انتو مب خسرانين شي كثر البنات

وامتنى التوفيق للجميـــــــــــــــع فحياتهم