الهاتف النقال هل هو ضروري للبنات ؟

[زلـ قلب ـة]

أخواي أخواتي قرأت في احد المنتديات هذا الموضوع .....


قد نرى في عالمنا هذا أن الجميع يجري وراء الموضه وبالأخص البنات ......


ونرى أن من مجريات الموضه ان تمتلك الفتاة هاتف نقال .... وخصوصا ً إذا كانت في


الجامعه ... فلماذا ؟؟ هل النقال مهم وضروري للفتاة ؟؟؟؟ أم انه التقليد لبعضهم البعض


والجري وراء المظاهر ؟؟؟؟


إذا كان للهاتف النقال فوائد ..... فهل فوائده أكثر من سلبياته ...


وهل يحتاج الى مراقبة الأهل لهواتف بناتهم؟؟؟ أم تركهم على راحتهم ؟؟؟


هل سن وعمرالفتاة يؤثر على أمتلاكها للهاتف النقال ؟؟؟


هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه ....
اتمنى أن نناقش هذا الموضوع وننصح بعضنا لما فيه مصلحه للجميع



اتريا ردودكم

[الهطالي]

مشكوووره يا اختي لطرحج هالموضوع ومثل ما ذكرتي انه في سلبيات وفي اجابيات بحط الاسئله اللي حطيتهم وبجاوب عليهم براي انا

هل النقال مهم وضروري للفتاة ؟؟؟؟ أم انه التقليد لبعضهم البعض

اذا ييتي انه ضروري ولا لأ فهناك ظروف تحكم كل واحد مننا مثلى بنات عشان يغازلن من ربيعاتهم .... وبعضهن عشان يقلدن ويتعلمن اشياء زينه او شينه من ربيعاتهن


والجري وراء المظاهر ؟؟؟؟

نقدر انقول بعض الاحيان هيه اذا كل ما نزل تلفون صار عندها

إذا كان للهاتف النقال فوائد ..... فهل فوائده أكثر من سلبياته ...

فوائده اقل عن سلبياته يعني لا
وهل يحتاج الى مراقبة الأهل لهواتف بناتهم؟؟؟ أم تركهم على راحتهم ؟؟؟

من نظري انه دام الاهل سووا لها تلفون يراقبونها البنيه ومب بس البنيه حتى الشباب مب كونها بنيه الغلط عليها حرام والغلط على الولد حلال
هل سن وعمرالفتاة يؤثر على أمتلاكها للهاتف النقال ؟؟؟

هيه اذا كانت البنيه عمرها من 15 لين 19 ما تفكر بعقلها تفكر باللي تباه وبس

هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه ....في بنات يوم بتشوفهن يرمسن تلفون بعض الشباب يقولون والله لارقمها يوم تساله ليش قال اطالع كيف يوم ترمس في التلفون هاي لو ما تبا الشباب يطالعونها ما سوت جيه ... اما يوم بتشوفها صوتها مب طالع يوم ترمس ولا تتضحك قدام الناس مثلا في السوق (( المول )) ما تقدر تحكم عليها لانها ما سوت شي يخلي سمعتها شينه

السمووووووحه اذا في كلامي صراحه زياده عن اللزوم لكن اعتبره وجهة نظر لا اكثر ولا أقل


الهطالي :110:

[x_5]

هل النقال مهم وضروري للفتاة ؟؟؟؟ أم انه التقليد لبعضهم البعض
الزمن ها والله صار ضروري وايد بعد مو للفتاة للكل بعد

والجري وراء المظاهر ؟؟؟؟
لا مااعتقد لانه معظم البنات ما يبدلون كثير .

إذا كان للهاتف النقال فوائد ..... فهل فوائده أكثر من سلبياته ...
فوائده كثير اذا استعمل بالشكل الصحيح

وهل يحتاج الى مراقبة الأهل لهواتف بناتهم؟؟؟ أم تركهم على راحتهم ؟؟؟
المفروض من الام انه تشوف موبيل بناتها وتراقبه خاصة البنات اللي بالمدارس عشان تحس البنت انه فيه حد يشوفها ويراقبها .

هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه .
اذا مبطله الشيله ومحطيه السماعه وملفوفة علي الويه وتتحيس هيه ياثر .
واسفين علي الاطالة

[دلوووعة_راك]

هل النقال مهم وضروري للفتاة ؟؟؟؟ أم انه التقليد لبعضهم البعض
والجري وراء المظاهر ؟؟؟؟
اذا سالفة مهم انا اشوف انه مب مهم عندها تلفون البيت هي اذا بتظهر برع البيت بنقول عسب تتصل للاهل بس ربيعاتها اتكلمهم من تلفون البيت واذا سالفة مظاهر بعض البنات هي يحبن المظاهر والبعض عادي السالفه مب سالفة مظاهر ياخي الوحده اتمل من موبايلها فتشتري غيره خخخ اوني عاد


إذا كان للهاتف النقال فوائد ..... فهل فوائده أكثر من سلبياته ... ؟؟؟؟

مادري شو اقول بس دام البنيه معاها موبايل انا بنظري لازم اتكلم مب شرط بس انا اقول جيه هذا اذا ماشي رقابه طبعن واذا ماتكلم تستعبط لازم يعني اتعرفون الشيطان لازم يقص عالبنيه ودام الموبايل عندها بتقول ليش غيري يكلمن وانا لا بس طبعن هب الكل (اصابع الايد مب كلها نفس الشي)


وهل يحتاج الى مراقبة الأهل لهواتف بناتهم؟؟؟ أم تركهم على راحتهم ؟؟؟
اكيييييد يحتاي لازم هالشي بس الحينه منو بيتفيج يراقب كل واحد مهتم بعمره


هل سن وعمرالفتاة يؤثر على أمتلاكها للهاتف النقال ؟؟؟

يعني دامها بسن المراهقه وتشوف ربيعاتها عندهن موبايل فلازم هي بعد تبا والله الواحد يعرس بناته وهن في بداية سن المراهقه احسن خخخخخخ عكيفي

هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه ....
اكيد عاد الشباب مايصدقون يشوفون وحده ترمس بالتلفون حطوووو عليها مب بس الشباب حتى البنات


وعلى فكر مب شرط اذا البنيه رمست في مكان عام بصوت عالي يعني هي اتسوي جيه عسب الشباب يلاحظونها لا يمكن البنيه دفشه (هاي انا طبعن) يعني يوم بتتكلم كل الي حواليها بيسمعوون
واسمحولي ادري اتفلسفت وايد مشكووووووووووره الغاليه على هالاسئله

[زلـ قلب ـة]

تسلمون على ابداء ارائكم
وانا اييد
واقول ان ال كل حاليا محتاي للموبايل مب بس البنات
وما ظنتي ان البنات يركضون ويدورن اخر موبايل طاح فالسوق
الشبابا هم اللي يركضون ورى الموبايلات اليديده وانا ادرى بهالشي
اما عن الرقابه
فانا اعتقد ان البنت اذا تجاوزت ال21 مب حلوه ان الاهل يراقبون تلفونها
انا اللي تحت العشرين ما ظنتي يبون تلفون
خخخخخخخخخخخخ
وبس
مجرد وجهت نظر
ويعطيك العافيه للمشاركه