المساعد الشخصي الرقمي

مشاهدة النسخة كاملة : "استار اكادمي" ((هشام)).....ارجو من الجميع الدخول؟؟


بـو راشـد
03_04_05, 10:28 PM
السلام عليكم ورحمة الله وبركاته

كيفكم حبايب قلبي عساكم طيبين

باختصار عندي سؤال عن استار اكدمي:

لاحظت في البيت وفي الشارع وفي العمل وفي المدرسه وفي النت

في كل مكان يتكلمون عن استار اكدمي وعن ((التصويت)) لهشام وغيره

ابي اسالكم سؤال واحد واتمنى الجميع يرد علي ويقلي وجهة نظره:

ما الفائده التي تجنيها من التوصيت لستار اكادمي ((هشام)) خاصه ؟؟

يعني اسمع الي يغلق بطاقة الرصيد 200 على التصويت

والي فاتورته 500 تنفصل من ورا التصويت كلها تروح له

انزين شو الي بتجنيه من ورا الشي هذا

هل تتوقعون هشام لا فاز بيجي ويسلم عليكم ويشكركم

ويعطيكم حق البطايق والفواتير الي راحت عليكم

ولا وش الي بتستفيدونه من ورا الشي هذا

اسف هعلى الاطاله واتمنى الاجابه من الجميع

وتقبلو مني كل حب واحترام وتقدير

بو راشد

بنت ديره
03_04_05, 11:37 PM
والله يا بوراشـــــــــــــد :h008: هذا كله من قل العقـــــــــل تصويت وغيره وفاتوره وعفسه ما عندهم شغل يلهون الناس


بالبرامـــــج المنحطه والبايخه سوري علي الكلامات جد شي يقهر ..



من عنده حيله فيحتال ..



بنت ديره
:h008:

x_5
03_04_05, 11:42 PM
الحمد لله اني مو متابع للبرنامج السخيف ها ولا خسرت عمري ربع لهم
المشكله تعال حط برنامج ديني ولا مسابقة القراءان اتحدي اي حد من هايل الاشخاص المتابعين للبرنامج ها يعرفون متي اخر مرة اقيمت مسابقة القراءن لكن بالزمن ها لا تتعجب تشوف اشياء كثيرة يشيب لها الراس

inasdfdfv
03_04_05, 11:52 PM
ترى من الملل والله بس الحمدالله احينه استويت ما اشوف


هالسخافه وتهبي الا هم اخسر عمريه عسبتهم

بـو راشـد
04_04_05, 12:29 AM
يسلمو على مروركم وتعليقاتكم

المنصوريه
05_04_05, 02:47 PM
الصراحه اللي يصوتون ناس فاضيه وما عندهم سالفه

في النهايه .. محد بيستفيد منهم

وتسلم على الموضوع

عاشقة الزين
05_04_05, 02:59 PM
بكلمه وحده ماعندهم سالفه والله


جني بخسر فلوسي عشان ناس ماعرفهم ولا فوق ها مايدريبي اذا صوتله ولا لأ
وليش آخذ ذنوبهم بعد


الله يهديهم الي يخسرون فلوسهم عشان هالناس



تسلم اخويه على الموضوع المهم

غدير الحب
05_04_05, 03:39 PM
بالنسبة لكثل هذي البرامج كلها مضيعة وقت

والناس فاضية وتبي تسوي شئ يعتبر مميز....

ام مرايم
05_04_05, 04:01 PM
اصلاً التصويت حرام اظن ..
لان اذا حد صووت لهم يساعدهم على انهم يكونون مغنييين .!!؟!؟!
وصراحه متفيجين يصوتون خساير والله

بنت جميرا
05_04_05, 07:41 PM
الحمدالله بعدني ماتخبلت عشان افر فلوسي على هالاشكال

أم خليفة
05_04_05, 08:08 PM
الصراحه وبدون جذب ساعات أحط عليهم .. بس اطالعهم شويه وأبدل

بس أني اصوت مستحيييييييييل لاني ما أبا أشجع أي حد للعصيان واللييسوونهم اكبر معصيه وهيه الغناء والاختلاص اللا أخلاقي


تسلم أخويه بو راشد على الموضوع اللي يستاهل النقاش والطرح

شيخۃ آلحسن}~
06_04_05, 11:02 AM
تسلم اخووي بو راشد على موضوعك انا عن نفسي اشووف لهم بس اصوت لا مستحيل

الريم
06_04_05, 11:05 AM
والله انهم ما يستاهلون