ماذا تفـــــــعل ..عندما يرزعجك الاخرين بالاتصال؟؟؟

[غدير الحب]

السلام عليكم ورحمة الله وبركاته

الكثير منا يتعرض لمواقف منها ان يتصل احد بالخطا

اويكون مقصووود...

وقتها كيف تتصرف؟؟

عندما ياتي رقم للفتاة الجميع يشك بها...؟؟؟

فماذا تتصرف؟؟؟

ولما يعتبر ان تردالفتاة على رقم غريب عيب؟؟؟



نسمع الاراء


اختكم

[x_5]

انا أحيانا أتصل بالغلط ويوم يرد الطرف الثاني سواء كانت بنت او ولد أتاسف واغلق الخط احيانا انهزب واحيانا يتفهمون الموضوع

[بنوتة الامارات]

هلا والله بالغالية غدير الحب

تسلمين ويعطيج العافية على موضوعج المهم ..

عن نفسي لو اتصلت على رقم واكتشفت انه غلط على طول اعتذر واسكر الخط .. :h007:

اما اذا شخص اتصل فيني وعرف انه هذا الموبايل لبنت ..

البعض منهم يعتذر ولا يتصل مرة ثانية .. وبعضهم ما يصدقون يردون يتصلون ..

وصار لي عدة مواقف .. عادي ارد على ارقام غريبة وليش عيب ؟

البنت ما سوت شي غلط ومب عيب لو ترد على رقم غريب يمكن حد من الصديقات او من الاهل .. او حد مغير رقمه ؟! كل شي يجوز ..

اما اذا شاب متصل بالغلط ورد اتصل مرة ثانية افهمه انه الرقم اللي داق عليه بالغلط .. وانه ما يحاول يتصل مرة ثانية

واذا ما تاب رد اتصل مرة ثانية اسلم موبايلي الى السلطات العليا ( اقصد الوالد ) :36_1_1[1]

ويكون من بينهم تفاهم .. لدرجة انه وصل الى حد التهديد ..

وكان المتصل يهدد ان ما رديت عليه فسلمته للشرطة وكتب تعهد ورسالة اعتذار :g021:

وهناك مواقف جدا مضحكة صارت معايه ومنها ..

انه شاب كان متصل على موبايل الوالدة وكان فيه فضول علشان ارد عليه هههههه ورديت وطلع واحد متصل بالغلط .. وتعرفون الشباب لو يسمعون صوت بنت شو يسون جان اسكر الخط في ويهه

ويوم اسكر الخط في ويه شاب استانس وايد :36_7_8[1]

فرد اتصل اكثر من مرة .. فالوالدة كلمته ونصحته انه ما يسوي جيه لانه مب حلوة بحقه .. وقعد يسولف مع الوالدة لانه عجبته السوالف هههههه
وفيه قوة عين ويقول ابي اكلم البنت اللي كانت عدالج فقالت هذي الشغالة مب بنتي :g022:

فرد اتصل مرة ثانية وما تاب الريال .. فظهرنا اسمه والوالدة حبت تخوفه
فيوم اتصل قالت له عن اسمه وانه امي تعرف امه وبتخبر عليه ههههههههه
جان يعتذر وقال خلاص ما بتصل فيكم وسكر الخط ولا اتصل مرة ثانية تاب الريال هههههههههه

لا تلعب مع بنات الناس علشان ما تنحط في مواقف محرجة ..

والله يهدينا ويهدي الجميع يارب

لكي مني كل الاحترام والتقدير

[بـو راشـد]

انا تستوي لي مرات اذا على شاب او بنت اتأسف لانك مره بنت خبرت عليه اخوها واونه متصل علي يبا يهزبني بس مارام خخخ خلييته هو الي يتأسف مني

[غدير الحب]

هلا فيكم

فعلا في مواقف كثيرة تصير

ولكل شخص الحق انه يرد...

بس عندنا استوى انه بنت ردت ع رقم غريب..وسمع اخوها يوم تقول له

انه الرقم غلط

فخذالتلفون وهزب الريال ورد صفع اخته.... وقال محرومة من كل شئ وفعلا
قاعدة بالبيت محديدري عنها....

لذلك انااقووول الي يبي يغلط بيغلط مب كل شخص


يسلموووو ع الرد

[بنوتة الامارات]

بس عندنا استوى انه بنت ردت ع رقم غريب..وسمع اخوها يوم تقول له

انه الرقم غلط

فخذالتلفون وهزب الريال ورد صفع اخته.... وقال محرومة من كل شئ وفعلا
قاعدة بالبيت محديدري عنها....

الولد غلط يوم ضرب اخته .. فهذا يعني انه ليس هناك ثقة بين الاخوان ؟!

وانه يشوف البنات بمنظور واحد واللي هو كلهم نفس الشي ؟ وهذا غلط

فلازم يراجع نفسه شوية ويعرف ويصلح غلطه ..

والله يهديه ان شاء الله

لكي مني كل الاحترام والتقدير

[SaMaWy]

الشغله مش شغله عيب
بس انه واحد دقلك وانتي ما بتعرفي الرقم لشو تردي؟
مافي داعي
لانك اذا رديتي بتفتحي على حالك باب يمكن ما يتسكر
يعني ممكن يضله واحد حاطط مقره من نقرك
وما يفيد معه شي
وبالنهايه حتطلعي انتي الغلاكانه لانه من الاصل مافي داعي انك تردي
واللي بدو اياكي بيبعتلك مسج بيعرف عن حاله
وهديك الساعه لك الحق بانك تردي او ما تردي

[شـ مسقط ـذى]

يسلمـــو ع المـوضوع,,

وبالنسبه للرد على التلفون سواء كان المتصل ولد او بنيه بالنسبه لي لو كان شاب وعرف الرقم

خطا فيسكر ع طول والبعض منهم مادري ليش بس كأنه فاضي حتى لو عرف انه الي يكلمه ولد

فتلاقيه يسأل اساله وافهم القصد منه انه ماعنده شغل وبس يبي يقضى وقت فأعتذرت منه وسكر عادي,,

ومواقف كثيره بنات تتصل ع رقمي بالغلـط ومنهم حق غزل ومنهم يغلطون رقمي مع اختي لانه ف تشابه

فمره موقف اتصلت علي وحده وانا مب راعي هالشغايل,,بس الوقت علمنا ههههه

المهم انا كنت مع الاهل ومن بينهم الحكومه الكبرى الوالد فهي قالت : هلا انت احمد ؟

قلت لها لا الطيبه غلطانه... <<< هاللحظه الوالد ناظرني نظره يعني ( هاا منو تكلم )

البنت قالت لي: ادري اني غلطانه وانا طفشانه وابي اكلمك عندك مانع ؟

انا توقهت معاي العائله والوالد من بينهم عاااد ورطه,,لو بروحي ممكن هههه

المهم قلت لها : لا انا مب احمد مع السلامـه وطاااااااخ :g032:

ولي عوده ان شاءالله اخواني

مع الموده :h009:

شــ مسقط ــذى

[غدير الحب]

هلابكم منورين

شكرا ع الردود

الانسان لازم يزرع الثقة لاهله..لانه ادرى ببهم

وفعلا اي وواحد بيتصل يعرف عن نفسه لو برسالة


وشكرالك

أخــــــــــــــــــــــــــــــــــوي

شذى مسقط

عالرد وان شاءءء الله ماتكون منهم

[شـ مسقط ـذى]

هلابكم منورين

شكرا ع الردود

الانسان لازم يزرع الثقة لاهله..لانه ادرى ببهم

وفعلا اي وواحد بيتصل يعرف عن نفسه لو برسالة


وشكرالك

أخــــــــــــــــــــــــــــــــــوي

شذى مسقط

عالرد وان شاءءء الله ماتكون منهم

هلا فيـج مره ثانيــهـ اختــي غــديــر,,,

ومثل ماقلتــي الثقــهـ لازم تكون مزروعــهـ بينهم الاهــل,,

ومثل ما انا ارد ع التلفووون هم بعـد ماراح اشك ف اختي لما ترد

ع التلفــون,, سواء كان المتصل مخطيء او لا,,,

لاني ادري انها ماسوت شي غلط بمجرد انها تـرد,,

بدل ماكون همجـي ف التـصرف,, ماعتقد انه من الرجوله

اعتدي على اختي واسوي فيها شـرف ومنازع وهي ماقترفت اي ذنب

غير انها ردت ع التلفـــون,,

وان جيتي على الحــق,, انا عن نفـسي مع الاهل ف البيــت

أفضل انه احنـا الشباب نرد ع التلفون لو كنا موجوديــن,,,

علشان مانحط اخواتنا بموقــف,, حتى صار لما يدق التلفون ف البيت

محد من الاخوات تشيلــهـ يا اما يرد اخوي الصغير او الي تحتي او انا,,

بس من باب,, تجنب الكلام,,وماشابــهـ,, الا ف حالة محد ف البيت احنا

الشبـاب فشي طبيعـي الاخت او الوالده ترد بحكم محـد,,والثقـــــهـ

اساس الاحترام المتبادل بين الاخوان,,,

واعتذر عن الاطالــــهـ

بس حلو هالمره كتبتــي أخـــــــــوي جيه بالطوووول,,

اذا عرف السبب بطل العجب هههههههه,,

ولج تحياتي ومودتي أخوكـــم :

شــ مسقط ــذى :h009:

[Makaveli Westside]

انا كم مرة صارت وياى والحمدالله مرت على خير السالفه

[غدير الحب]

حيياك ويانا

لازم تصيرمواقف لناعسب نتعلم منها

[خفقة قلب]

عني انا

ماأرد على ارقام غريبه
وعودت الكل انهم يطرشون مسج
قبل مايتصلون من ارقام ثانيه

واذا اتصلت مكان بالغلط
لازم أعتذر على طول