ماذا ستفعل اذا خانك من تحب؟

[عسوولة دار زايد]

ماذا ستفعل اذا خانك من تحب؟

--------------------------------------------------------------------------------

ماذا ستفل لو خانك اقرب الناس اليك

لو طعنت بظهرك من اعز الناس لقلبك

لو اكتشفت ان كل الحب الذي وهبته كان لمن لا يستحقه

هل ستبكي مثل الاطفال

هل ستتوسل الشخص الذي خانك بان يعود اليك؟؟

ام ستبادله الخيانة بالخيانة

او ستضعف نفسك وستفكر بالانتقام

نعم الانتقام من الشخص الذي جرحك وخانك وطعنك بالصميم

الانسان الذي احببته من كل قلبك الذي وهبته الحنان

الذي اقسمت له بالوفاء طيلة حياتك الذي مسحت دمعاته وقت بكائه بيديك

الذي ضحيت بنفسك من اجله

ام سترفع كفك لربك وتشتكيه لانه اعلم بحالك

وستطلب منه ان يمدك بالصبر والنسيان

ام ستفتخر بانه هو من خان وانت الذي وفيت

نعم كم هو جميل شعورك بانك وفيت وغيرك من خااان

هاذي اول مشاركة لي وانتظر ردودكم

[x_5]

شوفي اختي
بها الزمن وبها الوقت والدنيا هاي والناس الي حوالينا
ما فيه شي اسمه حب
والله يقولج حب يقص عليج
الحين الكل يركض وراء المصلحة
ولو حد قالج احبج
اعتبريها مصلحة ما فيه شي اسمه حب صافي ما وراءه شي
وخاصة الحب الي ماشي بالايام هاي
الشخص يشوف الثاني بالشات الا يقوله احبك
كيف ومتي وليش ما فيه شي

[عسوولة دار زايد]

مرحباااااا اخوي X_5 انا اوافقك الراي في وايد يحبون ويركضون ورا المصلحة بس فنفس الوقت
في وايد يحبون صدق ومن الخاطر ويكونون اوفياء ومو شرط ان الشخص فينا يحب قبل الزواج لان اكثر العلاقات تكون فاشلة والخيانة موجودة سواء من صديق او حبيب ولا انت شرايك؟
فانشالله محد يخونك لا صديق ولا حبيب

ومشكور اخوي عالمرور

اختك عسوولة دار زايد

[ونة أشعاري]

تسلمين عسولتي على الموضوع الحلو

بصراحه انا مب من النوع اللي يومن بالحب بس ساعات تخونك مشاعرك وتحب غصب عنك فاذا غلطت في يوم وحبيت وخاني اللي احبه اكيد ما راح انتقم منه بس باخذها عبرة وبواصل حياتي وانا معاك اخوي اكس فايف لانه فعلا هالايام الحب مبني على المصلحه و فعلا عسولتي الخيانه موجوده سواء من صديق او حبيب

[@أحــــبــــــك@]

يعطيج العافيه اختي

لا تعليق ^^

[Spoiled Girl]

اولاً اشكرج اختي على الموضوع

ثانياً : شوفي الحب نادر بهالوقت .. اعني الحب الي من الخاطر نادراً ما تلقينة
يعني يمكن يستغلج هالشخص مضيعة للوقت او تسلية .. وكما قال اخوي × فايف
انه ورا هالشي مصلحة .. وانا شخصياً لو جرحني حد او خاني اتركة على الله
وربي يسامحة .. اتعلم من غلطتي واكمل بكمل حياتي .. لازم تتوقعين الخيانة
من اي حد يا اختي .. خصوصاً في هذا الزمن الغدار ..

يعطيج العافية

[@أم هزاع@]

هلا والله بالغاليه عسولة زايد

صدقيني محد يحس بها الا اللي جربها

وأنا جربتها من أعز الناس على قلبي وأقرب الناس لي

وصدقيني ما استحي اني اقولها

فعلا اللي خاني من لحمي ودمي مع أعز صديقه عندي

مش مجرد صديقه وبس

صديقه وأخت وحبيبه وكانت كل شي بالنسبه لي

طعنتني طعنه خلتني بليا روح

جسد من غير روح

عين تشوف ولسان يرمس وايد تتحسس

لكن من غير مبالاه

فقدت الثقه في كل حد

حتى في نفسي للأسف

حيبت بكل احساسي وطاقتي

حبيت من كل خاطري

وللأسف عمري ضاع على حب ما يسوا

على حب ضاع في غمضة عين

واللي ضيعه أقرب الناس لي وأعزهم عندي

واللي طعني الطعنه ربيعت عمري وصديقة طفولتي

يمكن تتحريني أألف قصه من قصص الخيال

لكن فعلا اللي خانتني هي ربيعتي

وانا كنت يا غافل لك الله

بس سبحان الله

الله يمهل ولا يهمل

شاءت الأقدار انه الله يفظح هالانسانه لي

ويبين معدنها لي

وبزلة السان منها

كل شي انكشف كل شي اتضح

صدقيني من الصدمه قلت لها كلمه وحده الله يهنيج ويوفقج

واذا كان لي حق عندج الله بياخذ لي اياه ان شاء الله

واتصلت بالطرف الثاني وقلت نفس الكلام وبالحرف الواحد

وانا في خاطري احترق

بركان يثور في داخلي

لكن الصدمه كانت أقوا بوااايد عليه

صدمه هزتني بعثرتني شلت وجداني كله

طبعا الحمدلله هالسالفه مره عليها اكثر عن 4 سنين

وانا الحمد لله نسيت ووكلت ربي عليهم

وفعلا الله يابلي حقي منهم هم الاثنين

صدق يوم يقولون الله ما يضرب بعصا

والله لو اقول لج بتنصدمين وااايد

سبحان الله

الله راد انه يستويبها شرات ما سوت بي

واللي خانتها اعز صديقه عندها

وهالمره صار الزوااااااج

وماتت من القهر والحسره والندم

واتصلت بعد هالسنين كلها عشان تعتذر

اتخيلي متصله فيه تقول لي سامحيني على اللي سويته بج

انا فعلا نذله

بس لي فات الفوت ما ينفع الصوت

قلت لها اختي انتي غلطانه بالرقم

حاولي مره ثانيه يمكن تظهر لج اللي استغليتي طيبتها في يوم من الايام

وسكرت التيلفون في ويها

وانا من داخلي صدقيني مب فرحانه

بالعكس اقول في خاطري انه الله يمهل عبده ولا يهمله

والله فوق

وانا وكلت أمري لله وفوضته له

والحين لا هي متهنيه ولا هو

لكن انا متهنيه الحمدلله

الله عوضني بريل يسوا الدنيا وما فيها

والحمدلله عسا ان تكرهوا شيئا وهو خيرا لكم

الحمدلله على النعمه اللي الله انعمها عليه

الكل يحسدني عليها

أشكرك يا رب

الله عطاني ريل غير عن كل الرياييل

السموحه منج لاني طولت عليج

بس فعلا موضوعج خلاني اظهر اللي في خاطري كله

اللي من سنين كاتمتنه

واسمحي لي على الاطاله

بس والله غصب عني ظهرت اللي في خاطري

اللي محد يعلم به غير الله وانا وبس

والحين بعد كل هالسنين فضته وظهرته من خاطري

واحس بارتياح كبييييييييير

ومش ندمانه صدقيني بالعكس انا وايد فرحانه انه الله عوضني خير

بعد هالعذاب كله

وشاكره لج اختي

والسموحه منج عاد طولت عليج

أختــــــــــــــــــــج

[بيعاريـ عسل ـه]

مرحباا السااع

مشكوورة حيااتي عالموضوع الراائع
واذا عني انا الصراحه ماراح اسوي شي لان الشخص اللي خاني هو اللي خسرني مب انا اللي خسرته وما راح انزل مستواي حق شخص باعني برخيص حتى لو كنت امووت عليه لان ((الكرامه فوق كل شي))

ويعطيج العافيه حبيبتي عالطرح الجميل

:smile:

[عسوولة دار زايد]

تسلمين حبيبتي شهد عالمرور

وتعجبني وجهة نظرج واحلى شي انج ماراح تنتقمين لان هالشي راح يتعبج انتي قبل غيرج

وانشالله غناتي ماراح تلقين الخيانة بحياتج

[عسوولة دار زايد]

تسلم اخوي احبك عالمرور

وتسلمين حبيبتي Spoiled Girl عالمرور وانا معاج ان الحب نادر بهالوقت لكن موجود ومثل ما قلت في وااايد ناس يحبون صدق ومن الخاطر ويكونون اوفياء ومب كل شخص يحب يركض ورا المصلحة وارد واقول مو شرط ان الشخص فينا يحب قبل الزواج لان اكثر العلاقات تكون فاشلة وحلو انج تتعلمين من غلطتج وما تكررينها مرة ثانية ومشكورة يالغلا عالمرور

[عسوولة دار زايد]

هلا والله بأم هزاع ومشكورة يالغلا عالمرور وانا مصدقة انها قصة حقيقية ومش من الخيال
لان عندي ربيعة مرت باللي مريتي فيه والحمدلله ان الله رزقج بواحد احسن منه واخير عنه والله يوفقج يارب والله خذه حقج منها وصدقيني ان الله بياخذ حقج منه هو بعد لان ومثل ما قلتي الله يمهل ولا يهمل وعسى ايامج كلها فرح وسعادة واسمحيلي اذا اني ذكرتج بجرح جديم

وتسلمين حبيبتي عالمرور

[عسوولة دار زايد]

تسلمين حبيبيتي بيعارية عسل عالمرور

وبصراحة انا معاج ان الكرامة فوق كل شي

[تغريد صلالة]

سلااااااااام

ما أقول الا الله يسامحة وهو الخسران



:i024: تغريد صلالة:i024:

[عسوولة دار زايد]

تغريد صلالة سلمين حبيبتي عالمرور

[زعيمةالعيناويات]

انا عن نفسي بطنشه وبخليه على راحته لين مايعرف قدري وقيمتي

[عسوولة دار زايد]

تسلمين زعيمة العيناويات وجهة نظر احترمهاااا

[الغاوي]

اختي عسولة دار زايد

تقريبا المعظم جرب طعم الخيانه ومرارتها

وصارت لي تجربه

واتمنى اني ما اعيدها

تعرضت للطعن من اعز اصدقائي

انسان عشت معاه اكثر عن عشر سنين

وبكل بساطه طعني في ظهري

وهنت عليه

والقهر انه كان يشوفني اتالم وتم ساكت ما خبرني انه هو الي متكلم عني
لمده 6 شهور

وانا اكتشفت انه هو بالصدفه

وفوق هذا قتله يا فلان انا ما بجازيك على الي سويته فيني مش خوفا منك بس عشان العشره والعيش والملح الي بينا

والي سويته فيني ربي بجازيك عليه

وقتله الله يسامحك ولك يوم يا فلان

وليومنا هذا اناوياه بس ما اقدر اني اامن عليه ابدا

بس فعلا شعور ما اتمناه لاي حد يجربه حتى للي طعني

..

وهاي هي الدنيا

والعمر فتره نعيشها والحياة مواقف وتجارب

واللبيب يتعلم من غلطه

...

وتسلمين اختي على طرحك لموضوع

وننتظر الجديد

والسمووحه

اخوكم

الغاوي

^_^

[SaMaWy]

الحب الحقيقي قليل بهذا الزمن
بس الحمدلله موجود
صعب حدا انج تحسين بالخيانه من اللي حبيتيه واخترتيه وبنيتي معاه حياتج
وبلحظه تخسرين كل شي
والقلب اللي حب عمره ما يكره
وحسبي الله ونعم الوكي

[ذكيه]

مشكوره اختي على الموضوع بس كل الي اقوله انه نادرا نادرا نادرا ما اتحصل انسان يحب من كل قلبه و الناس هاذا الزمان مثل ما قال اكس فايف يقولون كلمه احبك للمصلحه ...