قيادة المرأة للسيارة

[زهرة البنفسج]

"]السلام عليكم ورحمة الله وبركاته

أردت أن أنشر هذا الموضوع لشدة اهتمامي فيه ولانه يستحق المناقشة...

مازالت بعض الأسر تعارض قيادة الفتاة للسيارة معتبرة ذلك خروجا عن العادات و التقاليد فيما يسمحون لبناتهم في المقابل بالخروج مع السائق لتوصيلها الى الاماكن المختلفة و يبررون ذلك بأن وجودها مع الاخير سيحميها ولن يعرضها للمواقف!

الاعتراض يبرز أكثر من قبل الاشقاء ربما بحكم خروجهم المستمر وادراكهم بما يدور من احاديث الشباب حول الفتيات..

والان اخواني و اخواتي اود ان استطلع آرائكم حول هذا الموضوع و اسباب الاعتراضات

ولكم فائق احترامي...[/COLOR]

[x_5]

أحيارنا السايرة تكون وسيلة نقل مفيدة وخاصة للنساء الي مثل اهلهم يكونو برع للعمل وعندهم ظرف طاري , مو تعال وسوق السيارة وهات تمشي

[مها العنزي]

انا عن نفسي قبل احب اركب معه ابوووى وكان ما يتدمر من مشاويرى

والحين يالله يالله تلقين واحد يوديج


والحمدلله اعتمد على حالي والحمدلله

وما ابي منه خلق الله

[مها العنزي]

ينقل للقسم المناسب

[بنت ديره]

أنا قبل كان اهوية معارض اني اسوق فقلت خلاص كل مشوار انته وصلني تعب تعرفون سوالف الحريم الف مره يمرون ومكان وكذا مره في الاخير قال تعلمي احسن ، بصراحه أعتمد علي عمري قمت اخلص شغلي وشغل البيت بعد ..

[خنفوســه حلوه]

انا عندي سياره الحمدلله احس اني مرتاحه من كل النواحي لامذلة ريال ولاشي اخلص شغلي وبس علشان جيه انا اعتقد ان السياره مهمه للمراه بس في ناس افضلون الدريوليه ليييش؟ اخافون على بناتهم من الشارع وشباب الشارع والعادات والتقاليد ومايخافون عليهن من الدريول هذا شي بعد انا بصراحه اايد ان المرأه تسوق

[شيخۃ آلحسن}~]

صراحه المراة تسوق احسن تساعد اهلها ف المشواير وشغل البيت واذا كانت متزوجه احسن حق عيالها المدارس ومستشفي وجي

تسلمين اختي دمتي....

[بـو راشـد]

لا هو عيب ولا هو حرام انه المراه تسوق السياره مافيها شي

بس الأهم انته تكون بنت مب طايشه وتخاف ربها

لان في بنات الله يستر عليهن عطوهن السياره اختربن لاكن طبعا مب الكل

ف مافي اي مانع اذا البنت تسوق بحترامها

[Gram.a7baab]

انا مب ضد هذا الشي من حقها المرأة تسوق وتساعد اهلها في حالت غياب رب البيت