غرفة تعذيب المشرفين

[Mr: Coool]

الفكره عبارة عن15سؤال لكل مشرف




قوانين الفكره

1- يحق للعضو او المشرف أن يسألب خمس اسئلة فقط لا غير .. السؤال السادس لن يجاب عليه



2- يحق فقط ل3 أعضاء أو مشرفين السؤال لنفس المشرف



يعني 3 أعضاء أو مشـرفين يسأل كل واحد منهم 5 اسئلة يبقي مجموع الاسئلة للمشرف 15 وبعدين ننتقل لمشرف أخر



3- المشرف التالي بيختاره المشرف اللي كان يسأل .



4- لا يحق السؤال طالما توجد اسئلة لم يجاوب عليها المشرف



5- لا تحتوي الاسئلة علي اسئلة تسبب احراج او تدخل عميق بالشئون الشخصية.



6- لا تحتوي الاسئلة علي أكثر من سؤال في سؤال واحد




خلاص كده خلصت شروط الغرفة

اول مشـــــــرف أختــــــاره هو ( إنسـ حسـاسي ـان )




أبــــدا الاسئلة




................................................




1- قول مكونات البطاقة الشخصية كاملة ولو ماشيء بطاقة ممكن شهادة الميلاد


2- شو أكثر شيء ممكن تنرفزك باعتبارك رجل ؟



3ـ أول مرة دخلت المنتدى كان إحساسك شو وبصراحة ؟؟؟




4ـ لو حد خد اميلك وكلمك من ع المنتدى بصراحه بتنخنق منه ؟




5ـ شو هي اصعب لحظه حسيت فيها انك ضعيف ومحتاج انك تبكى ؟



والسموحة منكم جميعا

[ونة أشعاري]

هههههههههههه حليلها انسااااان حساسي


يسلمووووو اخوي

[miss pink]

فكرة جدا Co0o0o0o0ol

و خليج يا لغلا انسانووووو

كوووووووول على طوووووووووول

[بـو راشـد]

الله يعين

[شيخۃ آلحسن}~]

تسلم ع الفكره الله يستر بس

[× ـغـروريـ طيـبتـيـ ×]

الصراحة فكرو حلوة مثل اسمك
أخوي تسلم

يلا الله تطلعوا الاجوبة والمعلومات اللى عندكم

[بو شهـــاب]

2- شو أكثر شيء ممكن تنرفزك باعتبارك رجل ؟ ..ترا انسان حساســـي وحده مب واحد .. اعد صياغه السؤال خخخخ

[بنت ديره]

في انتظار الاجوبة

[إنسـ حسـاسي ـان]

2- شو أكثر شيء ممكن تنرفزك باعتبارك رجل ؟ ..ترا انسان حساســـي وحده مب واحد .. اعد صياغه السؤال خخخخ

هههه زين يوم خبرتهم ^^ كنت يايه اكتب نفس الرد .. هههه :f035: بس تدري خربت عليي كنت يايه أطنش هالسؤال ^^ (بس لاتخبر حد) ههههه

::::::

السلام عليكم و رحمة الله وبركااته

ما شاء الله ، غبت شوي و اخترتوني أول وحده هههه الله يعيـــــــن :bigsmile:


إن شاء الله برد عالأسئلة .. ^^ و تسلم أخوي Coooool


((لنا عودة))

[إنسـ حسـاسي ـان]

بسم الله نبدأ

::::::::::

1- قول مكونات البطاقة الشخصية كاملة ولو ماشيء بطاقة ممكن شهادة الميلاد

شو تبون بها ههههه ممنوع ^^

اسمها بطاقة شخصية ، و انتوا ذكرتوا فوق إني مب شرط أرد على أشيا شخصية :bigsmile: اممم برد باللي أشوفه مناسب ..

الاسم : إنسـ حسـاسي ـان

العمر : أكبر عن أغلبيتكم

البلد : الإمارات

التخصص : هندسة الكمبيوتر = Computer Engineering

العمل : الحمد لله نشتغل ^_^"

الهوايات : الرسم (سابقا، الحين ما عندنا وقت ههه اندثرت المواهب) ، التصميم، الكمبيوتر و الانترنت و تعلم بعض البرامج الجديدة في عالم الكمبوتر و التكنولوجيا :)


2- شو أكثر شيء ممكن تنرفزك باعتبارك رجل ؟

:wavetowel السؤال مب موجه لي ^^ ههه


3ـ أول مرة دخلت المنتدى كان إحساسك شو وبصراحة ؟؟؟

كنت مترددة وااااايد قبل لا أسجل في المنتدى، بس بعدين قلت بشوف الوضع ، و سجلت فيه عشان أفيد و أستفيــد :) وخاصة في مجال التصميم و برامج الكمبيوتر

و الحمد لله طلع أوكي و فناان وأحس إني انسجـــنت فيه هههه ^^

( و على فكرة هذا أول منتدى أسجل فيه ) ^_^ه


4ـ لو حد خد اميلك وكلمك من ع المنتدى بصراحه بتنخنق منه ؟

اممم كيف يعني ؟! خذ ايميلي و كلمني من على المنتدى؟!

قصدكم : حد من المنتدى خذ ايميلي و كلمني عالمسن مثلا ؟!!

أظني ملفي الشخصي يرد على هالسؤال ^_^ لأنه الايميل مب معروض

و ثانيا: اممم ما أحب أعطي ايميلي لأي حد ، أو أضيف أي شخص على المسن إلا لبعض البنات للمساعدة و الإفادة..


واللي عندهـ (ا) شي و حابـ (هـ) إني أساعدهـ (ا) ،

ف المنتدى و الرسايل الخاصة موجودين ^^ و أعتقد يوفون بالغرض^^ و أهم شي عندي الاحتـــرام في التعامل.

بتنخنق منه = ؟؟؟؟؟؟

و إذا قصدكم : إن حد كلمني بصراحة أو انتقدني عن خصلة أو صفة فيي ، يمكن أتضايج ثواني بيني وبين نفسي، بس إذا كانت هالصفة صدق فيي فأشكره عليه ^^ و آخذها بعين الاعتبار و أحاول إني أغيرها.

5ـ شو هي اصعب لحظه حسيت فيها انك ضعيف ومحتاج انك تبكى ؟


هممم عدة لحظات في الحيااة ..

بس بجزئ السؤال لجزئين:

::::

(حسيت فيها انك ضعيف ؟)

_ هو مب ضعف .. بس نقدر نقول ما باليد من حيلة _

أمام المواقف اللي ما أقدر أتحكم فيها إلا بالدعاء، مثل مرض أشخاص أو هموم أشخاص ما تتعالج ... (وخاصة إذا كانوا قراب منك )
أو مواقف أشوفها جدامي أو أسمع عنها بس ما باليد من حيلة... الخ

و بشكل عام ،

أحب أتحدى المواقف اللي أمر بها، و ما أخلي الضعف ،على قولتكم ، يسيطر عليي ..


(ومحتاج إنك تبكي ؟)

إنسـ حسـاسي ـان من النوع اللي يستحمل كل شي و يكتمه ^^ و لا يبينه للغير،

بس في مواقف مؤثرة جدااا وما تقدر تمنع الدمع من انسيابه!! بذكر منها موقفين..

1) الوفاة ..

2) موقف أدمعت عيني و ما قدرت أكتم إحساسي ...

لما كنت في إحدى المراحل الدراسية ، وودونا لدار رعاية المسنين .. مواقف تقطع القلب.. آآه لا تذكروني ، تراني على وشك إني أدمع ..

سيروا بس شوفوا أحوالهم واسمعوا كل شايب شو يقول و كيف يتألم من عياله اللي ودروه في هالمكاان بعد كل التضحيات اللي سواها ووفرها لهم..!

هذا و ربكم موصنكم على الوالدين ؟!!

و رسالة أوجهها لكل اللي أقدموا على هالشي : ترا مثل ما سويتوا فيهم ، بييكم يووم و بيستوي بكم نفس الشي!!


:::::::::::

سوري إذا طلعت شوي عن خارج نطاق الأسئلة ^^

و

.. أتمنى إن أجوبتي توفي بالغرض و السموحــــة عالقصـــــور ..


تحياتي لكم

أختكمـــــــــ

:: إنسـ حسـاسي ـان ::

[Gram.a7baab]

رد جميل ^_^

[إنسـ حسـاسي ـان]

تسلم أخوي قمر الليالي ^^

[× ـغـروريـ طيـبتـيـ ×]

يسلموا على الاجوابة الجميلة أختي

من بعدها

[إنسـ حسـاسي ـان]

الله يسلمج أختي الزهرة العينااوية ^_^ و هذا من ذوقج