:: يانــــــــــــــــاس ذبحني اخـــــــــوي مــعــقــد ::

[ضي الكويت]

السلام عليكم ورحمته الله وبركاته


ياهوه ياعالم انا لي اخو معقد ذبحني
لاتلبسين
لاتروحين السوق
لاتدخلين نت
لاتسوقين
لاتسوين
لاماحنا معطينك موبايل
لا ولا ولا...

وكل ماقلت شي قال لا؟؟؟؟
وانا اقول
ما لك شغل
ماانت ولي امري
يمه شوفيه
تراك ذبحتني
انت تغازل
قصدك سيطره
لدرجة احيانا تاصل طق وطقيق :a004:
والاهل مايقصرون يفكون الاشتباك



: :
:
.


هذه عبارات اخواني واخواتي ليست بغريبه على اسماعكم فقد تسمعونها تكرارا..
ولكن في الحقيقه انا هنا اقول تحيه لك اخوي المعقد(قصدي المتفتح) على بلاوي العصر الحديثه فحينما يقول الاخ لأخته لاتسوين الشي الفلاني ليس معناه سيطره وانما حفاظ فالاهل اقصد الاب والام لايعلمون عن مصايب هذا الجيل وبما ان الشباب فاضي فلديه المعلومات الكافيه لكي يتصدى لهذه الافات واقصد بها افات هذا العصر من عبايات مخصره جولات كميره شات غزل وغيره ..
اخي المتفتح اتمنى ان تصلك رسالتي هذه واتمنى ان تكون قد طبقت كل مابها من كلمات حتى لاتكون معقد
اخي حينما تطلبك اختك اي امر لاتقول لا فقط وانما قل لا لانه كذا اي الامر الذي رفضته علله لكي تقتنع اختك ولاتنظر لك بنظرة الاخ الذي يقصد المنع بلا التبرير وكن قدوه لها لكي لاتنجر خلف الضياع حينما تراك تمنع وتفعل....
وتحيه لكم جميعا واتمنى ان لاتزعل اي فتاة من بنات جيلي من هذا الكلام لانه في الوقع لولا الاخ المعقد لااصبحنا في مغبة الضياع واقصد في كلامي الاخوات اللواتي في سن المراهقه....

[ضي الكويت]

البنت متى تشوف الاخ معقد؟؟ :f001:
وتشوف ان كل نصحه لها من باب التعقيد ؟؟

طبعاً اذا كان الاخ ينصح وهو من جنبها

او اذا كان ينصحها بيده من دون مايستخدم الحوار او النقاش ..

او اذا ماكان من الاساس ما بينهم حوار غير الهواش والتوجيهات وبس..

انا الحين ممكن اعطي اخوانا الشباب مفاتيح الدخول لقلب خواتهم ومن بعدها يمكنكم تباتون وفي بطونكم بطيخ صيفي وراح تتأكدون حزتها ان خواتكم في امان من كل الاخطار اللي في الشارع وفي السوق وفي النت ومع كل التقنيات الحديثه.. :f019:

[x_5]

القضية هاي منتشرة بكل بيت وبكل مكان وحلها صعب حاولي تتعاملين معاه بنفس الطريقه هو متشدد انتيي رخي لا تحاولن تعصبين معاه ..

[ضي الكويت]

هههههههههههه

فديته اخوي هو يدرس بره يعني يالله يالله بالتلفون وياااااااه


بس هذي قضيه منتشره وحبيت اناقشكم فيها

واشوف رايكم فيها

وتحياتي اختكم ضي الكويت

[شيخۃ آلحسن}~]

تسلمين اختي على موضوعج صراحه اكثر من رائعه وين هذيل البنات الى يسمعون بس هم يفكرون انه اذا قال شي يعني حرمان لا غلط بعكس هو يبا مصلحتها ويخاف عليها يوم هي بتغلط بعدين بتعرف وبتقول كلام اهلي صح وربي يوفقج.........

[بـو راشـد]

يعطيج العافيه اختي ضي الكويت وهاذا الشي دليل انه الأخ مب واثق من اخته ولا يحترمها

[ضي الكويت]

اقتراحات :

ليش اول ماتدخل للبيت وفي يدك جريده بدال ماتروح لغرفتك وتصك على عمرك وتجلس تقراها .. تجي تجلس في الصاله او في المقلط او في المكان اللي امك وخواتك مجتمعين فيه وتسمع سوالفهم وتشاركهم الرأي في بعض السوالف ,, لو قريت خبر غريب ممكن تقراه لهم او تناقشهم فيه ..

صدقوني شوي شوي راح تتكسر الحواجز ..

اختك بدال ماتكون تعوذ منك تصير زي الخاتم في اصبعك ..

بتلقى خواتك يركضون وراك ركض ..

كل وحده فيهم لــ ناديت تقولك يالبيه ..

بيتسابقون على خدمتك .. :inlove:

غير هذا انا احب اقول للبنات اللي يشكون من اخوانهم انهم يمشون صح ..


والمثل يقول : امش عدل يحتار فيك عدوك

وصارحه مره قريت مقاله

عنونها استقبلت انا وزوجي حبيبي وهو جاي من المطار!!!!

وتحكي صاحبة المقاله انها كانت مع اخوها في شجار دائم لين ما جا يوم
قررت تغير من هذا الشي وصار اخوها اقرب صديق لها اتشاركه اسررها وكل شي...
هذا الهدف الي بوصل له تمادي بالرأي وكل شخص يحاول يفرض شخصيته على الثاني ماتؤدي الى اي نتيجه..
غير عوار الراس.. :f016:

حاول تخطون خطوه اجابيه وخصوصا واحنا في الشهر الفضيل....



وعطوني رايكم... :i005:


==========================


ويعطيج العافيه اختي زهرة الاوركيد :inlove:

وصح وايد بنات اعرفهم يعانون من هالمشكله واعناد بعناد مع اخوانهم او اهلهم
واالاخوان يبون يثبتون حالهم في البيت وبعد مابنوقف مع الولد دايم لانه يمكن قصده العناد..
لكن المسايسه هي الحل..

[شيخۃ آلحسن}~]

مشالله عليج اختي موضوعج رررروعه وااايد وانا معاج لو الاخت تروح عند اخووها وتيلس عنده عادي وتفتح قلبها له هذا حل حلووو
وتتقرب منه مااعتقد اخو مايحب مصلحت اخته وانا اقوول حق كل بنت افتحي قلبج حق اخوووج فى بنات واايد مايحبون يتقربون من اخواتهم اكثر من اخوانهم وتسلمين الغاليه وربي يوفقج.................

[x_5]

مشكووورة اختي على الموضوع الحلو وشي واايد ناس
شرات هذيله ...........

[ضي الكويت]

تسلمون على ردودكم في هالموضوع

بس حبيت يوصل هالموضوع لاصحابه... الاخو او الاخت تقول من اليوم ببتدي اكلم اخوي ابدي اشاركه
والله الحين هالايام صار الاخوان بالبيت يالله يسلمون على بعضهم
او يدرون بالي يصير
وصار الغريب يدري باسرار البيت قبل اهله...

<<<<متاثره من المسلسلات

بس يعني هذا الواقع بدال مانتجاهله وانقول هو حر بتصرفاته!! ولا تقولون مالي شغل فيه!!! هو عنيد!!؟ او او او....

هي كلمه او موضوع تتشاركون فيه وشوفو وين يوديكم وهذا كله يعتبر صلة رحم والقريب الاخ والاخت اولى من البعيد بعرفة كل شي يطري في بالكم.. : : :h015: .

[شيخۃ آلحسن}~]

صح كلامج اختي حتى لو كان الاخ او الاخت فيهم طبع العناد كل شي واسلوب الشخص الى يبا يسوي جي اهم شي التقرب من بعض صراحه اختي موضوعج وااايد جميل وحلووو وربي يوفقج الغلااااا

[بنوتة الامارات]

السلام عليكم ورحمة الله وبركاته

تسلم ايدج الغالية على الموضوع الجميل والمهم في زمننا الحالي ..

بما اني ما جربت هذي الاشياء بس سمعت عنها من قبل صديقاتي والاهل وارى امامي من خلال البرامج والمسلسلات ..

بما انه ما عندي اخوان ولكن الحمدلله على كل حال ..

الاخو يخاف على مصلحة اخته اذا ما سوا كل هذا يعني ما يهتم لاخته ولا يحبها ..

ولكن الزمن تغير ومع تغير الزمن الناس تتغير ..

ولكن هل هذا هو الحل الصائب لحل هذه المشاكل المنتشرة بشكل كبير في المجتمعات الخليجية خاصة ..

لازم ان يكون هناك حوار جيد ومفيد بين الطرفين لكي يستفيد من كلا الطرفين من اللي صار ..


واذا البنت محترمه ومحتشمة وما تسوي شي غلط الاخو ما بيشك فيها ولو مرة وحدة ..

ولانه الاخ يعرف باللي يصير من حوليه ويجوف من اللي يصير مع البنات خارج المنزل

لانه لا يحب ان يرى اخته بمثل مواقف سخيفة وتافه خارج المنزل ..

ولانه البنت لها سمعه وشرف ومكانه بين اهلها والمجتمع ..

اذا الاهل واثقين منها ليش ما تطلع ليش ما يكون عندها موبايل ؟؟

بس كل شي يكون بحدود .. وما يعطونا الحرية الكاملة لعمل اي شيء ..

لكل شخص حريته الشخصية ولكن لكل شيء له حدود ..

والله يوفق الجميع يارب

تحياتي الغالية

[GUCCI]

قضيه منتشره وتشكرين على طرحها....

تدخل الاخ بتصرفات اخته او طريقة لبسها او ذهابها اذا كان بحدود معقوله

لا تمس كيانها وحريتها الشخصيه انا اشجعه... لانه دليل خوف عليها

من هالعالم اللي صار فيه كل شي جايز

صراحه دنيا صارت تخوف...

بس اكيد ان التدخل ما يزيد عن حده....

شكــــــــــــــــــــــرا

[ليالي]

بالعكس انا يعيبني هذا الاسلوب
علي قولتهم هذا وليناا حتى لو اصغر منا 10 سنين

[روح زايد]

الصراحه موضوع عجيب بس تبون الصدق كل الاخ اللي يقوله لاخته صح لان الاخ خايف على اخته وعلى سمعة الاهل يعني الاخ يحب لخته الخير ولان الاخ شايف مشاكل المجتمع لازم يسوي كل هذا وفي ناس الله لايرونك يعاندون :a007: ولا يغازلون :h009: :g022: عشان شوه عشان يحسون انهم كسرو كلام الاخ وهذا النتيجه في النهايه ان المصيبه ما بتطيح على البنت لا على الاهل كلهم ولا وزيدكم ان البنت ما حد بياخذها ولا بيستر عليها ويالله نتريا يديدج يا حبوبه وتسلمين على الموضوع

[قلب بوظبي]

السلام عليكم ورحمة الله وبركاته

وهاي المشكله لايخلو منها بيت في الوطن العربي

لأنه الدنيا مافيها امان

والأخ يبدا يخاف على اخواته

عشان جيه دوم اتشوفونه يمنعهم يقوللهم لالا

والاخ طبعا مب غلطان في هالشي

بس المشكله في الاسلوب اللي يمنعهم فيه

يعني يكون بأسلوب التفاهم ويعطي أخته سبب منعه لها حق هالشي

في بعض الاخوان يكرهون اخواتهم لهم

يعني الطريقه اللي يمنعونهم فيها

مثلا قالت البنت ابا اروح بيت اربيعاتي في وقت متاخر يمكن

يرد عليها يقوللها مابتطلعين وبتمين في البيت واذا قالت ليش قاللها مايخصج وغصبن عنج اتمين في البيت

هذا مب اسلوب فأكيد اخته بتكرهه

يعني اذا اتفاهم وياها وقاللها عشان الوقت متاخر ومب زين وجيه فاكيد أخته بتقدر حرص اخوها عليها

وهذا ملخص كلامي

وشكرا على الموضوع الجميل

والله يعطيج العافيه أختي