صداقة النت (مناقشه)...

[GUCCI]

مرحبا...

حبيت اطرح هالموضووع الجرئ شوي بس عشان نستفيد من بعض لااكثر ولااقل


سؤال للبنات فقط...

في مرة تعرفتي على صديقة او صديق من النت وشفتوا بعض في الوااقع وهل تقبلين بالشئ هذا؟؟؟؟؟؟


هل تقبليين تعطين ارقامج لاشخااص تعرفينهم بالنت؟؟؟؟؟ سواء بنت اوولد


هل واجهتي مشااكل من هالشئ او اعدم الثقة في الطرف الاخر؟؟؟؟؟؟؟؟؟؟


وهل اهلج داريين بهذي الصداقة اولا؟؟؟؟؟؟؟


اتمنى الكل يشارك عشان الكل يستفيد

[فتاة الإسلام]

شكرا اختي Gucci على الموضوع

بالنسبه لي اتجنب تبادل الارقام بين صديقات الانترنت واكتفي بالرسايل الخاصه

مب مسأله عدم ثقه بس تقدرين تقولين حذر

تحياتي لكم

[بـو راشـد]

صح كلامج يا قصه حزينه وانا ماعطي ارقامي حق اي حد اله الي اعرفهم او واثق منهم

[بنوتة الامارات]

هلا والله بالغالية ..

تسلمين ويعطيج العافية على الموضوع النقاشي المهم جدا ..

شي جميل انج تكونين صداقة عبر النت ولكن بطريقة سليمة ..

احب ان اكون صداقات مع فتيات فقط عبر النت ..

ولكن هناك الكثير من انواع الصداقات .. واحب ان اكون صداقات مع الفتيات عن طريق المحادثة عبر المسنجر

او عن طريق المنتديات فقط ..

ولا احب ان اعطي ارقامي لاي شخص كان .. فقط اذا كنت واثقة فيه ثقة عمياء ..

وهناك الكثير من الفتيات يردن التعرف عليه ولكني لا احب ان اتعرف عن طريق توزيع ارقام التلفون

لانه ها الاسلوب ما يعجبني وقليلة الكلام عبر الموبايل ..

:e005:

وانا شو اللي يخليني اعرف اذا كانت هذي البنت صدق بنت ام شاب ..

والواحد لازم يكون حذر في هذي الامور كثيرا وان يكون دقيقا ..

لانه المسألة مب مسألة صداقة او شيء ما .. وانما مسألة سمعة البنت

والله يهدينا ويهديكم يارب

تحياتي الغالية

[x_5]

صح كلامج الله في واايد ناس مب زينين في النت

وف ناس بعد زينيين بس انتي لازم تكونين محاسبه وما تعطين اي حد رقمج