زوجي ينظر إلى النساء (( قضية للنقاش ))

[مكسورة الخاطر]

بعض الأزواج لديهم عادة سيئة وهي النظر إلى النساء الأخريات حتى لو كانت
الزوجة تقف إلى جانبه تجده لا يستطيع أن يتوقف عن النظر إلى النساء
الأخريات بل وإطالة النظر إليهن أحيانا.

ما لا يعرفه الرجال هو أن هذه العادة تؤذي شعور المرأة وتشعرها بالاهانه
لأنها تكون برفقته عند قيامه بهذه العادة السيئة
وبالتالي يعد هذه الأمر إساءة واضحة إلى علاقتهما الزوجية والى
أنوثة الزوجة.

طالما أن الرجل يكتفي بالنظر فهذا يعني أن المشكلة لازالت محصورة
وبالإمكان السيطرة عليها أما إذا كان الأمر يتعدى موضوع النظرات
فعلاج المشكلة يكون مختلفا جدا.


فما الحل في حالة كون الزوج من النوع الذي يطيل النظر إلى النساء
الأخريات هل الذي عليك فعله هو أن تجعليه يتذوق من نفس
الكأس التي يسقيك منها ،،،؟؟؟؟
هو أن تقومي بالنظر إلى الرجال الآخرين بنفس الطريقة التي ينظر هو بها إلى
النساء الأخريات دون إعارتك أدنى اهتمام ،،،؟؟؟


الموضوع منقول من إيميلي الخاص ،،، وأحببت أن نناقشه لأنه بصراحة
من الأشياء المنتشرة في مجتمعاتنا ،،،!!!

[زلـ قلب ـة]

والله انا اعرف زين هالنوع من الرياييل
لان واحد الله يستر عليه دومه جي يطالع الحريم
عاد شو الحل
تبون الصراحه
لو ريلي يطالع وحده وانا وياه
اتعرفون والله طراق على ويهه
ولا حل احسن اتعرفون شو
انقع عيونه
لووووووووووووووووول
بس الريال اذا اتعود على هالشي
ماظنتي بيودر هالعاده

[x_5]

تبغين الصدق لو حتي يشوف دام الثقة موجوده ما يهم

[مكسورة الخاطر]

تسلمون على المرور والتواصل

اكس فايف حتى لو الثقه موجوده من بينهم ليش عيونه على بنات الناااس

[بـو راشـد]

والله الواحد اذا شاف شي حلو لازم يطالعه خخخخخخخخخخخخ

[فتاة الإسلام]

شكرا اختي مكسورة الخاطر على الموضوع

الحمدالله نحن مسلمين

والاسلام امر الرياييل بغض النظر
وامر الحريم بالستر والحشمه

تحياتي لكم

[مكسورة الخاطر]

بو راشد

اي شي اشوفونه حلو اطالعونه (( ليش انتو ناقصين عقل ... كونوا احسن من اللي يفتنون اعمارهم حق الريايل ))

تسلمين اختي على المرور والتواصل

[بنوتة الامارات]

هلا والله بالغالية مكسورة الخاطر ..

تسلمين على الموضوع المهم جدا في زمننا الحالي ..

هناك الكثير من الرجال من هذا الصنف ..

عندما اذهب الى التسوق ارى رجل يرى النساء وزوجته واقفة جنبه ؟؟

هل تعتبرها زوجتك فعلا او انما مجرد امرأة واقفة جبنك ؟!!!

لا يعجبني هذا الصنف من الرجال لانه من رجولة الرجل ان يكون محترما ويقدر شعور زوجته في نفس الوقت

لا نقول لا ترى شيئا .. انظر من حولك ولكن ليس لدرجة انه يلصق عيونه في البنات ..

هل ترضى يأتي رجل وينظر الى امرأتك بطريقة مش حلوة .. !!

هل ترضى على بنات الناس ولا ترضى على زوجتك او خواتك ؟؟!!!

اي عقل يمتلكه هذا الصنف من الرجال ..

وبرأيي لحل هذه المشكلة .. التحدث مع الزوج بطريقة جميلة ولبقة .. والتحاور معه بشكل جميل ..

تحياتي الغالية

[مكسورة الخاطر]

تسلمين الغلا كله على المرور والتواصل

[قلب بوظبي]

السلام عليكم ورحمة الله وبركاته

والصراحه هذا موضوع مهم

يمكن الواحد قبل لايتزوج كان يشوف النساء اللي يمشون احذالهم

وخاصه اذا كانو يلفتون النظر

ونتيجه لهالشي

بعد الزواج

يوم يكون الواحد ويا حرمته وشي وحده متكشخه وجيه احذالهم

أكيد بيتم يطالعها لانه اتعود على هالشي

بس كل واحد وشطارته

لازم الحرمه ماتعطيه فرصه عشان زوجها يطالع غيرها

يعني الحين الزوجه والزوج راحو السوق

والزوجه يالسه تتشرى ومن محل لمحل وساحبه الزوج وياها

ويوم تدخل محل خلته وراحت اتشوف الاغراض

وهو بهالشكل عينه بتروح يمين ويسار

بس اذا كانت الزوجه ذكيه

جان في كل محل تستشيره او تساله او تاخذ رايه

فهالشي مابيخليه يطالع النساء الثانيات

بالمختصر المفيد

يالزوجات لاتعطون رياييلكم فرصه عيونهم اتروح يمين او يسار

بهالشي الريال بيتعود على ملازمة الزوجه في كل مكان

وشكرا مكسورة الخاطر على الموضوع

والله يعطيج العافيه

[مكسورة الخاطر]

كم اعجبني رايك اخي

والله يبعد عنك الحزن ويسعدك يا ربي

[x_5]

نفس ما قال اكس فايف دام الثقه موجوده خلاص

[امبراطور الحب]

مشكوره علا الموضوع الحساس

اما عن موضوع العيون
اختي بنسبه للاسلام
فهوه حلل النضره الاولى
و الشباب كفوو و وفوو يعني لو بزيد ما بزيد شي عن الي قالووه


ملاحضة للريايل :=->
يا ذكي يوم اتكون حرمتك عدالك و تبا اتشوف وحده شووف قدامك..............
و جيه ما بتحس

[مكسورة الخاطر]

تسلم اخويا

[امبراطور الحب]

الله يسلم لج غاليج

[مكسورة الخاطر]

امين اخويا

[Sk!nny]

عن نفسي يوم امشي والله ان اذا شفت وحده ما اصد صوبها انزل رااسي

بس القهر ان اكثر الحريم

قانونهم يشوفون الريايل عادي بس الريال ممنوع يشووف الحرمه

غصه

[العامري الوحيد]

هيه والله انا يوم امشي البنات هم اللي يشوفون انا انزل عيني واشوفها اتم اتشوف وتضحك عنبوه وين الخشمه

بس ما اسوي شي حمدلله بعيد انا عن هالسوالف

الحينه بصراحه يعني تشوفون البنات فأماكن هن اللي يلحقن الشباب واللي ما يصدق يسير ويااي وشوفي

بيلحقونا ولا لا

لازم بصراحه من الجنسين كل واحد يحشم عمره ويحشم اللي ويااه واللي عداله وين قبل وين حشمه قبل

الحينه اعووذ يالله اتقول انجليز والله واونه تحضر عنبوه من تحضر ما بغيناه لو هو جيه يخربنا

والسموحه زودتها صح هههههههه بس شو اسوي ومشكوره عالموضوع

[بنوتة الامارات]

هلا والله باخوي :: العامري ::

اقيم ردك عشره على عشره

:h014: :h014: :h014:

بارك الله فيك

تحياتي الغالية

[مكسورة الخاطر]

تسلمون على الردود الحلوه الصراحه

شو انسوي هذي حال الدنيا

بس اهم شي ... انا مب كلنا مثل بعض