سؤاااااااال للشباب بــــس ؟؟

[مكسورة الخاطر]

مرحبا اخواني اعضاء منتدى احم احم

اسمحولي بس حبيت اطرح موضوع لنقاش و الصراحه هو شرط اساسي في الردود .

اخواني الي يظهرون يتمشون و يسيرون المولات و الاسواق !! شرااااااايكم في البنات
المتغشيات و المتنقبات و الي ما يتغشوون موليه يعني كاشفين ويووهم !!!

لا تستغربون من السؤال لانه سؤالي له هدف معين و بنعرفه ويا بعض بعد ما نشوف
ردودكم تحيتي لكم

اختكم
مكسورة الخاطر

[أفـًٍجرَ أمَريَـِكآإَ لَأجـَُل عـُيوؤنـَهآِ]

السؤال مب مواضح





امممممممم



قصدج الي شو راينا بيهم ولا كيف الي متغشيات والمتنقبات .........

[x_5]

والله تبين الصراحه انا اشوفه هالايام اللي راعيات سوالف وحركات هم المتغشيات واللي متنقبات واللي
بس كاشفه ويها تكوون عادي اوكي.........

بس انا يوم اشوف وحده تغشه ولا متنقبه مستحيل اقرب صوبها
اما اذا كانت قصه وريحت العطر شايله المركز وما اعرف شو وحركات .......
لازم تحصل لها قرضه على طاير خخخخخخخخخ

[Makaveli Westside]

تسلمين اختى عالسؤال وانا ويا اخوى طق طق بالجابه

[x_5]

زين والله قلت احينه بيوقفون ضدي زين حصلت حد وقف وياااي خخخخخخخخ

[Makaveli Westside]

ههههههههههههه لالالا انا وياك عالطولللللللللللللللللل اعجبك

[مطوع الفريج]

صدقت اخويه طق طق
واضني البنات يعرفن هالشي

[الكتبي]

المتنقبات والمتغشيات انواع:-

النوع الاول مال ابوظبي والعين واحيانن من دبي المتغشيات والمتنقبات يكون لهن رغبه اكثر عن البنات الباقيات واللي مطيحات الشيله هذيلا بروحن يرقمنك.

النوع الثاني مال الشارجه وعجمان وراس الخيمه المتغشيات والمتنقبات يكونن حاشمات عمارهن ومالهن خص في المغازل بس كم وحده منهن ومطيحات الشيله هذيلا يبالهن ضحكه او ابتسامه ويمشي الحال.

النوع الاخير مال الفجيره وام القيوين بصراحه هذيلا البنات حياتهن كله في التيلفون لان المراكز عنده قليله.

[x_5]

والله مو شرط نقاب ولا شي ثاني البنت المحترمة محترمة وين ما تروح ومو شرط عندهم مركز ولا ما عندهم البنت تربت علي شو المهم كيف كانت تربيتها ونشاتها بين اهلها ويااخوان مو شرط بنت التفت صوبك وضحكتك يعني تبغي ترقمهم لا غلط والف غلط والله بس كلمة احب اقولها للكل وما اقصد حد فيها ..

يوم تشوف البنت باي مكان ومهما تكون لبسه وقبل ما تفكر تقولها شي فكر بشي واحد
انه عندك اهل وخوات وبنات عم وبنات خاله .
وانه كما تدين تدان طال الزمن أو قصر

[بنوتة الامارات]

هلا والله بالغالية ..

تسلمين الغالية على الموضوع .. صح انه مالي دخل بالموضوع للشباب فقط

ولكن حبيت ابدي رأيي في الموضوع لا اكثر ..

كلام اخوي اكس فايف 100% صحيح وماعليه اي غبار ..

:h014: :h014: :h014: :h014:

عن نفسي اظهر ولا اتغشى ولا شي عادي .. والحمدلله محشومة ومستورة

ولاحد يتعرض لي من الشباب .. لانه البنت يوم تظهر من بيتها شاله معاها

سمعتها وشرف اهلها .. واذا كانت محترمة ومستورة محد يتجرأ انه يجربون صوبها ..

والبنت تنعرف من شكلها اذا كانت محترمة او غير محترمة ..

ولكن حبيت اعرف الغالية هدفج من السؤال !!

الله يوفقج

تحياتي الغالية

[بـو راشـد]

والله يالغاليه يمكن تكون منقبه بس لانها عند اهلها

ويمكن بعد تكون فاجه ويهه بس هي بنت اصل وحاشمه عمرها

المفرضو البنت ماتعطي فرصه للريال انه يتحرش فيها

[زلـ قلب ـة]

وانا مع اخويه اكسو فكل كلمه قالها
الصراحه كفيت ووفيت ياخوي
وبعدين مو شرط اذا البنيه اضحكت انها تبي شي
انا مشكلتي اذا استوالي موقف يضحك ماروم ايود عمري ولازم اضحك
عاد المشكله اذا الواحد تفكيره ضيق لهدرجه

[مكسورة الخاطر]

الصراحه ارااااااااائكم وااااايد حلوه

وخاصه اخويا اكس فايف كفى ووفى وعيبني كلامه صدق حسيت ان مب كل الشباب ينضرون الى البنت نظره وحده


وحبيت اعلق على كلام طق طق

مب كل المتغشيات والمتنقبات حركات وتطلع منهم بلاوي

مثل ما اقولون ... أصابع ايديك هب وحده

تحيااااااااااااتي لكم

[x_5]

اختي انا ما قلت كل البنات
بس انا قلت الاغلبيه
لانه انا شفت يدامي هالشي بنات متنقبات ومتغشيات
تعرفين شو امواعدات والله ما بتصدقين راع المكتبه
يعني انتي تخيلي هالموقف بنات متغشيات ومتنقبات
واخر شي يرمسون راع المكتبه اللي يبيع


ونفس ما قال اكس فاايف البنت المحترمه محترمه
لو شو كانت ........

[مكسورة الخاطر]

تسلم اخويا

وانا وياك في بنات جي وانا من النوع اللي وايد اطلع واشوف جدامي واخواني ما شاء الله ما يقصرون اقولولنا سوالف يوم نيلس وياهم ما انصدق

بس الله يستر علينا وعلى بناتنا يا رب

[قلب بوظبي]

السلام عليكم ورحمة الله وبركاته

وماشي حد احسن عن احد

اذا كانت البنت محترمه محد بيقرب صوبها او بيغازلها

بس اذا كانت مب محترمه حتى لو متغشيه ومتنقبه فالله يستر عليها ويهديها

وشكرا على الموضوع

[مكسورة الخاطر]

العفو اخويا

اشكرك على المرور

[مفتـ العين ـون]

مكسورة الخاطر ...


في البداية مشكورة أختي على هالمناقشة الحلوة وهادفة خاصة للبنات هالأيام مع إنه السؤال موجهة للشباب ...


ولكن اسمحي لي أختي أعارضج على طريقة السؤال .. إنتي أختي عممتي السؤال بصفة عامة على الكل البنات المنقبات والمتغشيات خليتهم في كفة ... وفي الكفة الثانية كل البنات اللي كاشفات وجوهن ...

أصابع اليد الوحدة مب متساويات فما بالج أختي بالبشر ... كل إنسان وله عقليته وله تفكيره ... فمن الغلط نعمم الصفة على الجميع ونجمعهم في كفة وحده ...

فالبنت ليست بلبسها أو شكلها ... البنت بدينها وأدبها ... وهالشي قاله الرسول صلى الله عليه وسلم عندما قال فأظفر بذات الدين تربت يداك ...


وكلام الأخ اكس فايف كان رائع



وعندي ملاحظة على كلام الأخ الكتبي في رده ...

أخوي على أساس عممت الصفة على كل بنات العين وبوظبي ... أو دبي عن الفجيرة وراس الخيمة ..

هل كل مدينة إذا شفت فيها بنت خايسة صارن الكل خايسات ؟؟؟


السموووحة منك أخوي راجع جوابك عدل ...



السموحة على الإطالة ولكن يقال الاختلاف في الرأي لا يفسد للود قضية ...


مفتـ العين ـون ...

[مكسورة الخاطر]

تسلم اخوي على رايك الحلو

واشكرا على المرور والتواصل

ولا تحرمنا من طلاتك

[x_5]

اوكيييييي يا مفتون العين صح كلامك
عيبني

[النـ§ــزيــ§ــلـ§ــي]

المشكله مب بلمنقبه او بلمكشوفه المشكله في البنت نفسها في منقبات وايداات يتنقبن عسب يطالعن في الشبااب براحتهن بدون مااحد يحسس وفي منهن محشومات بنقااب وبدون نقاب الحشمه فيهن في دمهن تربع لا بيغيرهن لا نقاب ولا غيره واكثــر البنات مظاهر يعني من بااب الكشخه تتغشى وفي منهن ماتغشى عسب تبهر الشبااب بحسن الشكل مع انه كله ديكورات وخربطه من ينغسل ترد لك وحشـي..




شكــرا اختي العــزيزه عــ الوضوع ...يعطيج العافيه يـا مكسورة الخاطر

[مكسورة الخاطر]

مشكورين على التواصل