هل الوظائف بالحكومه والمؤسسات الكبيره بالواسطه ؟

[الهايم]

حبيت أطرح عليكم هذا الموضوع وبالتأكيد أنه شي مب غريب على أغلبية المشاركين كونها مشكله تلازم الخريج الجامعي , وهى الوظيفه المقرره للتخصص اللي درسه , طيب نود رايكم وتوسع الموضوع أكثر من خلال مناقشاتكم , هل الوظيفه الحكوميه أستوت بالواسطه وبالمؤسسات الكبيره التبابعه للحكومه , وللمدير لهذي المؤسسه الحق لمن اراد ولو على حساب من هم أكفاء لهذي الوظيفه لأجل مصلحه شخصيه أو لقريب , دمتم جميع طرحت الموضوع وعليكم الباقي .

[غدير الحب]

السلام عليكم

الاجابةنعم؟؟؟


لان عدد الخريجين المتواجدين بعد التخرج علىالمقاهي وفي البيوت

كثيرة... ووعدد المقيم القادمين من خارج الدولة اكثر..

والمناصب التي يشغلونها .. لا يعطونها للغير..خوفا من ان تطير للخريج الجامعي...


لو كان الاهتمام بالخريج لما وصلت فئة العاطلين اكثر من النصف....

واسباب توفرالواسطة لانه الاشخاص معينين ...
فالخريج لو حق بالراتب اكثر من المقيم فليش يخسر راتب مضاعف للخريج...


اذا فالواسطةموجودة ... وستظل..ومن يدري هل ستحل؟؟

تحياتي
غدير الحب

[بن حاضر]

تم النقل الى منتدى القضايا الساخنه

[الهايم]

غدير الحب

رد نحترمه ولكم كل الشكر



العاصمه


نشكركم على النقل ودمتم

[بـو راشـد]

عاد الواسطات لازم الحين في كل مكان

[بنوتة الامارات]

هلا والله باخوي :: الهايم ::

تسلم والله على الموضوع

وصدقت الحينه اي مكان رحت لقيت واسطة ..

او شخص يبي يقدم على طلب وظيفة ..

يقول لك تحتاج واسطة علشان تشتغل عندنا ؟؟

زمن العجب والعجاب .. اذا دام الواسطة لاحقتنا كل مكان .. الناس كيف راح يعيشون ؟؟!!!

سؤال يطرح نفسه !

وهذا الشي موجود في واقعنا وحياتنا اليومية .. مب في الشغل الواسطات موجودة ..

في كل مكان .. مثلا واحد سوا حادث يسون له واسطة .. واذا واحد مشى فوق ال 120 وزخه الرادار

يسون واسطة بسبب المخالفة المرورية ..

اي مكان رحت تجد كلمة واسطة على باب المكان او المؤسسة ..

والله يكون بعون الجميع

تحياتي الغالية

[Najm SaheeL]

الهايم

مشكور عالموضوع المفيد

والله اشوف الواسطات صار لها دور حيوي وزايد عن حده ! في كل مكان لها دور , مرات لها ناحيه ايجابيه مثل التوسط في المشاكل بغض النظر عن فاعلها ,

والسلبيه في ناحيه الشغل والدواير الحكوميه ,, اذا انته بدون واسطه فـ عطنا مقفاك ولاتعب روحك , يااخوان قسما بالله اعرف خريجه كليه تقنيه درسة 7 سنين ( 3 تحضيري , 4 دبلوم ) وتخرجت ومالقت اي شغل لين ماتوضفت والله نسيت وين براتب قدره 2000 وشي !!!!!!!!!!!!!!

تخيلوا مواطنه وتستلم هالراتب !! اذا كانت راعيه واسطات مش لازم تدرس بالاساس كل هالسنين , كول واحد والا هي في اعلى المناصب

المهم

اظن قله اللي يعتمدون ويتوكلون على الله عزوجل , لانه الواسطه دشت بكل شي حتى في عمليه الولاده >> عمليه قيصريه !!

والله انه شر البليه مايضحك

وانا من النوع اللي ارفض الواسطات بغير حقها , الله يكون بعونا