::قصائـد الديـوان:: للمغفورله الشيخ زايد رحمه الله

[بن حاضر]

الصقور المخلصين


مرحبا يا هلا حي بالشهامه
مرحبا بالصقور المخلصين
ضامنين الوطن صانوا احترامه
قدرهم عندنا عالي أو ثمين
هم حماة الوطن يوم ازدحامه
يوم ولد الردي كابي أو مهين
جمعنا كالجبل عسر الصدامه
والنشاما لهم علم يبين
يوم سمعوا الندا هبوا التحامه
زاحفين كما أسد العرين
من بلانا له الحزن او ندامه
والفلس حقهم لو طامعين
يا نشاما لكم عز أو كرامه
عندنا أو عند أهلكم لاولين


يا سلام على صباكم



يا نسيـم هـب جدواكم أسهر أعيوني ابطاريكما
ما سخيـت آنا ابفرقاكم فرحتـي ساعـة ألاقيكم
تبتهـج نفسي ابرؤيـاكم مـن مـزايا تتلقي فيكم
مثل ما تهـوون نهواكم يعـل تتحقـق مناويكـم
يا عجيـد اريـوم ندراكم يعـل رب العرش يحميكم
كل ما حـاولـت بنساكم عادت الذكـرى إتناجيكم
ابحشى وانهـود وفاكـم فايقـه عن لي شراويكم
ميزة في اسلوب معناكم والملاحـه ضافيـه فيكم
ما وجدت إنسان شرواكم فاضل ابضافـي معانيكم
تطمعون اللي بينصاكـم بالجمال أو مـن مواريكم
ليـت ما هالشح هوياكم تلهفـون اللـي بيعنيكم
ما تبـده غيـر رؤيـاكم لـو حريص أنه يوافيكم
يا سلام الله على اصباكم عـزة في النفس تحميكم

[بن حاضر]

ويه باسم نسيمه


ويـه بـاســم نسيـمـه
واتـحـف بـــه لفـراح
وعيـن حــورا عديمـه
فيـهـا الدعايــا اصحاح
وصـدر وزن تقسـيـمـه
ونهـــود كـالتـفـــاح
وخصر هايــف بريـمـه
يزهــو فيـه الـوشـاح
لـو مــر بارض امحيلـه
سدى عشبـهــا أو سـاح
ينعـش نفس سجيـمــه
وتشفى مــن لانـضـراح


إنت فاهم كل دعوايه


صافني يااصخيف الخدي
يا حسين اللون والهايه
ما صفيت إلغيركم حدي
يا شفـا روحي ومنوايه
مالجسمي غيـر امغذي
وانت فاهم كـل دعوايه
إن نظرت بنظره اتسدي
ذيك كيفتيـه ومعنايـه




روياك تفرج ضيقة البال


يا محتوي حسنات لخصال
أطباع واسلـوك لطيفـه
قم سو لي م البـن فنيال
وضيف الذي تبغي تضيفه
يا نور عيني مالـك أمثال
و لا لي أنـا دونك نكيفه
روياك تفـرج ضيقة البال
وبسمة ثنايـاك الخفيفـه



إبسم

إبسـم تبسـم حياتــك يا قايـد الخفـرات والعيـن
عطاك ربـي لـك غناتك واصبحـت سيد في المزايين
هنيت يا سيـدي بصفاتك وانا غني بـك " م " الملاييـن
كل يوم بي تكبـر غلاتك والقـاك دوم بعينـي تـزين
من بالحسن سيدي شراتك مثلـك فـلا قـد شافت العين
الشمس تخجل من بهاتك والبـدر لـك يا نـواره يدين
مثل العسل منطق شفاتك ذرب .. ومـوزون بمـوازين
والطيب من أصلك وذاتك اواضـح ولا يحتـاج تبييـن

[بن حاضر]

يا حي فضل الله


مرحبا يـا حـي فضـل الله حـي من تزهي به اوطاني
الغضي لـي لـه قـدر والله إحتـرام و يـاه وشـانـي
لي ينيـر الحـوش والفلـه والحشـا منهـوب يفـلاني
لـي بقلـبـي بانـي حلـه ما يخـلفـه واحـد ثانـي
يا شبيه المـوز فـي حلـه تايـه والعــود رويانـي
والهـدب لمسويـن ظلـه فوق طرف العيـن له زاني
والنهـد ثوبيـه قـد شلـه مثـل شوبينـن برمـانـي
والمعـنـق زاهـي ابدلـه والخـدود بـروق فمـزاني



يا خفيف الروح


يا خفيف الــروح كيف انتوا يا شفا قلبي مــن اعواقه
ارحمـوني لـو تكــرمتـوا بالوصل وانــا من اشفاقه
مـر وقـت لي ولا بنتــوا انتظر مـن طــول افراقه
ارحموا ذا الــروح لا هنتوا لي لكـم بالشوق تواقــه
ما زهالــي وقـت لو منتوا انت سعد القلــب واشراقه
انتـوا اللي بــي تملكتـوا بالرضا والطيــب واخلاقه
ارحموا مـن به تحكمتــوا مـن جفــاه النوم ماذاقه
في سويدا القلــب شيدتوا منــزل ماحـد قـد فاقـه
بخفــي امابي اذا عدتــوا لا يشيــع السـد واشواقه
السواب اللي بيــه صبتــوا عالجـوها النفس معتاقــه

غايــة امنايــه اذا جدتـوا بعدكـم لي نـار حراقــه


مترى العدل


احـذر ولا تشتط تنـدم
يا جان تبغي الشي تنضيه
يا كـم واحـد قبلك ازتم
يركض ولا يوصل لي يبغيه
ومن الحماقه جسمه انحم
ومن العيا ما تقبض إيديه
ومترى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في أمـر بتعنيـه
إعمل بطيب أو زين وفهم
ومترى العدل يعدل إبراعيه
إصبر ومترى الصبر يسهم
في الجزل يوم أنك توافيه
والإحتـرام إيعالج الهم
والغيـر هذا ما تواحيه

[بن حاضر]

آه يا من ون من حده


آه يـا من ون من حده
يا سعـادة عمري الثاني
ارحمـوني يازجـي يده
من مودة جسمي الفاني
الوجـن كالـورد محتده
ولخـدود ابروق زفاني
والمعنـق مـا حلا قده
والثنايـا حـب رمـاني
والهـدب والعين مسوده
والمدامـع نورها جاني
الحسن والزيـن ما سده
في محله أو يترك الثاني
كل جسمه م الحسن بده
م الحـلاه ابغير ميزاني


يعل يسقى يوم بالاجي


يعـل يسقى يــوم بالاجـي لي ايسلي القلـب ويريحـه
نظـرة مـن شوقه اعلاجـي ينعش اللـي نفسه امسيحه
هوه لي لي في الحشا لاجـي فيه ما اسمع قـول نصيحه
ولا عيوني اتخايـل الباجـي او لا الضحل لي سده ايبيحه
بوعيــان نعس اد عاجـي هوه لي بعنيـه وآصيحـه
بـو ثـمـان لولـؤ ناجـي تشرح الخاطـر تفاريحـه
لي جماله فـاج لـي فاجـي لا و لا في الحـور تمريحه
النهـد في منحــره لاجـي كامل الشايـات والطيحـه


يا مرحبا يا حي هالفال



يا مرحبا يا حي هالفـال يللي نسيمه ينعش الروح
غض غضيض الطرف والحال وسده غزير أو مبعد الصوح
عديم ماله في الملا امثال لي بالحسن فايز أو ممدوح
إرموش عينه امسويه اظلال والقلب منها صابه الموح
وميدل يكسيـه لـي يال ذرب أو في المنطوق مملوح
مع النسيم إلى مشى مال والطيب من أردانه ايفوح
لي شيفته تبري م لعلال لو هو سبب ما بي من اجروح
ريـم عن القنيص يفال يرعى اقفور ارمال واسيوح
هذاك لي يشرح لي البال ويفرج الضيجات والنوح
وده سكن في القلب ماحال وشيدت له بنيان واصروح



شطن بي الغزلاني


شطــن بــي الغــزلاني لــي الهــن عيــان سود
والســولــعــي وزانــي فــي امتابــعه مجهــود
إمــن الــوزا ظميــاني أولا نلــت لــي مقصــود
او حقــه ذرب المعــانــي ســلام عــد الــنــود
واعــداد شرتــا وانــي لــي ينــعــش الميهــود
بــنــاتــه زعفــرانــي ومســك ونفحــه عــود
مــا يحتــرم لانسانــي إلا بخــصــال الــيــود
إن كــان مــن الشبــان والا كــهــل امــعــدود
الشهــم لــه ميــزانــي حشمــه او قــدر عــود
يــا ذا الشبــاب البــاني بــادر أو قــم بجــهــود
او لا تقلــد الدلــهــاني لــي مــا وراهــم زود
وتــرى الــردي والــداني فــي سعيهــم منــقــود
شمــر الوقــت إن زانــي واعمــل شــرى ليــدود
وعســى شبــاب اوطانــي يحظــى بمجــد أوفــود



بينونه


يعـل نـوٍ بانت امزونه يسجي الظفره أو يرويها
لين يزخر عشـب بينونه والغـزر تسقي سواقيها
والرمل يعشب أو يرعونه والبـدو تزهـي مبانيها
ويستجي م الغيث في السونه شـرق والوديان ييريها
والجبل تدفـق اركـونه ويملي الجيعـان ياريهـا
والغضي تتنقـل اظعونه لي اهمـوم القلب يشفيها
وان عرض يمشي على هونه بيس بالدنيـا وما فيهـا
هو دعاها النفس ممحونه والطبيـب اللى ايشافيها
محترم والناس يحضونه لي وصوفه نافـل فيهـا
نطقته وان يات موزونه من صخاوة نفس يفضيها
والملاحه فيـه مكنونـه من لبوب الوشي يكسيها




مشغوب منك ومشغلني



مشغـوب منـك ومشغلني ياالسولعي يـاأريش العيــن
ما حـد انـا غيرك فتنـي في الخـود يا سيـد المزايين
نظـرات عينـك صوبنـي بألحاظهن واصطبت في الحين
او آزمت من مـا بي أغني بالحـب لك يا لغالـي سنيـن
حزت الحسن مـن كل فني يا كامـل في الوصف و الزين
غض غضيض صغير سني تكبـر و كل ما تكبـر اتزيـن
ماخلـق في الغيـد الدمني مثلك ولا قـد خلـق في العين
لك يـادل كالليـل جنـي طايح على الأمتـان رظفيـن
و الجيـد باطيـاب يبنـي والصـدر به رمـان و تيـن
والعـود مـن شافه يظني امن الخصـر مقسـوم نصين

[بن حاضر]

حبك ملك قلبي


انا ما سعـدت بطيب وقتي ولا حسيت إلا بوجـودك شفـت وقتـي ولـذاته
لك موقـع في داخـل القلب به حطيت حبـك ملـك قلبـي تحكـم بنبضاته
لا شفت انا شرواك ولا اتصور ولا ريت مثل الحيا تضفي على الآرض بهجاته
ربي عطـاك اخـلاق اتميزك واحظيت حتى جميـل الخود تشهد لك اصواته
شروى القمـر فـوق الكواكب تعليت كل شهـد في حكمة الخالق وقدراته
انت الجميـل المميـز لي بـه تعنيت اللي أسرنـي بطيب اخـلاق عاداته
يا هايف الخصريـن يا منـور بالبيت يا جيـد ريـم نافـل عـن مثيلاته
وعيـون حـور تحيي بهـا وتميـت نظرتـك تشفي صويـب منك ويعاته
إرحم رحمـك الله لو ريتني تشافيت قربـك يزيـح العـوق مني وليعاته
ارجوك واترجـاك تضفي علي بصيت ويمنـاي له في لمس يمناك راحاته

لولا خيالـك في منامـي فلا غضيت يا منـوة المقصود في غاية اوقاته
انته طبيب النفس وانـا لـك اتعنيت تعلم بمـا في القلب وتعرف خصاته


صوتك الموسيق


صوتك الموسيق بالهاتـف لفانـي او صويت الراعبي في الموسميه
ياثليل العيـن لي صوتـك سباني ياعويـد المـوز في بكس غنيه
يا خفيف الـروح يا سيد الغواني بيـن كـل الخـود فايز بالمزيه
االسجايـا أو خاطـر لك مرحبانـي والحلا في الطبع والنفس الزكيه
طيفك الشفـاف في نومي ظواني ما يفارجنـي صبـاح اولا مسيه
كامل الاوصاف في فكري اوذهاني انتظر شوفك كمـا عيد الضحيه
وان سالت اليوم يا مانع اشياني أني المشتاق ال حلـو السجيه
بي افـارق الخـل لي حبه كواني قبـل لا اشوفه في حلـه أو زيه
لي سكن في اليوف وامشيد مباني أو حاطهـا بأسوار في قلبي عليه
ذاك يللي بي وسجلتـه أو عانـي للحبيـب امسلـم وادي التحيه



الأمطار



يالسيد اثـره العيد عيدين وثالـث اعيـاد الدر لمطار
والغيث عـود بعـد سنتين واتباشروا به الناس والدار
مالت له اغصان البساتيـن والزهـر يانـع والحياثار
وانشـم بنـات الرياحيـن الوطير غني فوق الاشجار
حتى الغضي لي كامل الزين راتع ويلعـب بين الازهار
خذ "م " الهايا جيد وعين وم الليل ماخذ شعر واقمار
فايق على كـل المزاييـن له في سويدا خاطري دار
حبه في قلبي عايش سنين ما يختلف لو صار ما صار



عذلت نفسي عن هواكم


عذلـت نفسي عـن هواكم واقنعـتـها بللي لهـم قـد
ضافين مـا صاروا شراكم يـروون ولهـم دونيـه حـد
وابعدت نفسي عن حماكم ومن النكـاده ريـت لـي بد
واخلصت نفسـي من عناكم واليـوم قلبـي عنكـم ابعـد
في ربـوة مـا هـو حذاكم فـي شامخ اخضـر ويسنـد
والشهد اضرب عقب ماكم لي مدحـن مكـدر ومسـود
مرفوض عـذر من جداكم ومحال نفسي صوبـك اتـرد
هـذا جـوابي اليـوم ياكم والباب عنكـم غلـج وانسد
دخـن لـي كـدر سماكـم ماهـوب غيـم خيـره ايبـد
لي عاضني هـب مستواكم عالـي مقامـه عنـدي وقـد

واخـلاق واطباعه عداكـم جيـون مـن الدانـات يفنـد

[بن حاضر]

من وين هذا الريم


الزيـن هـذا حلـو وزين خصه يلـي لبس القلايـد
فتان يسبي القلـب والعين ابه الحسن والزين زايـد
ماشفت انا في وصفه اثنين ترف الصبا غض النهايـد
من وين هذا الريم من وين لي صار للغـزلان قايـد
مفنـود عن كـل المزايين نوره لنور الشمس عايـد
في مبسمـه در مثاميـن يـك ودنــات فـرايـد
عوده اذا هـب الهوا يلين فـارع وميـاس ونايـد
تحلى به الاوصاف وتزين وتزين به حتى القصايـد


هلا ابنور الفجر


هلا ابنور الفجر زاح الظلامي هلا بـه ألف ترحيبـه وحيـه
هلا به عد مـزن في غمامي وما هبـت نسيـم المطلعيـه
أقـدم له تحيـات أوسلامـي جـواب يوم بـادر بالتحيـه
فهيم أويفهم الـ معنى كلامي لبيب العـود لفتاتـه ذكيـه
معاه إيتـم إنسي وانسجامي إبدونه حالتـي حالـه شجيـه
وحبي لـه تسبب في غرامي أنا راضي أونفسي له هديـه
تملكنـي واملكنـي بالزمامي و انا سلمت له بنفس رضيه
فـلا والله لـي مثلي ايلامي وفعل الخيـر ما يجزى ابسيه
رعـاك الله يا ظبـي العدامي أميـر والغوانـي لـك رعيه
جديـر ابكل حبي واحتـرامي أو يكفيني متى ترضى عليـه


العيد عيدك


العيد عيـدك يا مهـا الخود والافنـا مـا جانـي العيـد
يا ما كثر اللي هـوب مقصود هشل ولا تهـزف لـه الليد
قلبي امعبـا منـك بنضـود أو لا له مجـال إيضيف ويزيد
إلا انت لي ساكن او موجود لك منـزل في باطن اسعيد
يالسولعي يـا تـرف لخـدود يا سيـد الخفـرات والغيـد
مهما بعدتنـي عنـك لحدود واتوعرت مـن دونـك البيد
شوقي إلشوفك غيـر محدود لو إنـت نائـي عني بعيـد
يانـي خيالك والمـلا رقود إيزورني وانـا بـه اسعيـد
ونشيت ابغي الهاتـف ايرود كود أو عساه إلرقمـك ايصيد
ناديـت وتريـيـت مـردود وياني الجواب اللي له آريد



يا ركن عود الهوى


يا ركن عود الهوى أو فنه شاقني جيلك بالاوصافي
طيف رويا لي امشجنـه شط بك والحقـك لتلافي
يعل ودك منـك أو منـه بالتجـاوب بينكـم وافي
ما ينال االحاسـد أو ظنه واشي يسعي بلخـلافـي
كيف حيلـة لي امزونـه ود كامـن عنده أو خافي
طال صبره أو تم في هنه في خيال أو كيف بيوافي
عود مـوز رابي إبجنـه بازغ زاخـر أو غر يافي
غصن والخالـج إمسونه خالجنه ابحسن لوصافي
جيد والمنحـر إمحلنـه لي إنهـوده فاعن أوقافي
والذوايـب سمر يضفنه امعثكـلات فوق لردافي
كم صبري يالغضي عنه يا نديمـي نسل لشرافي
يعل لـي بـه ود مقصنه بهتنـي بالوصل ويوافي
فرحتـه بللـي ملاجنـه تنسجـم ما بيـن لولافي


نسنس شرتا الفجر


نسنس شرتــا الفـجـر ويا ذعـذاعه عبيـر
فــل وعنبـــر عبـر عطـر كـل الحضيـر
يا نــور و يـا قـمـر يـا شمس مستنـيـر
ودك خـذنـي جـبــر قلبـي عنـدك أسيـر
لــك يـا دل منحــدر يثـل ضافـي مثيـر
مالـي دونــك صبـر مـن عنده بستجيـر

[بن حاضر]

شاطيء الراحة


ياشاطئ الراحـة وياشاطئ الزين القلب بك يلقي غرامـه وراحه
ييتك وقـرت من بعد شوفك العين وانسيت بك هم الزمان وجراحه
فيك النسايم مثـل فـوع البساتين لي بالزهر يانـع وفاحت رياحه
بك تنتعش روح المولع من سنين والقلب في قربك يزيد انشراحه
تلفـي على شاطيـك كل المزايين لي نافـلات بالحسن والمـلاحه
البيض لي شروا الحصابي المثامين الخـرد اللي ينـورن كل ساحه
والزين لي يسكن وسط ناظر العين ياكم زاره فـي مساه وصباحـه
زاره وزاده فـوق زينه بعـد زين حتى غدا للحسن والزيـن واحه



قاصد جداكم



قـاصــد جـداكــم حـافـي يـا حلـويــن المشـم
ولكــم ضـمـيـري صافـي ولـغيـركــم مـايظـم
وانتـوا مــن الاشـرافــي ولـكـم قــدر بيـعــم
منـتـوا مـن الاطـرافـي دانــات غــزر ويـم
والاحـتـــرام الــوافـــي حـق علـيـنــا يـتـم
افضيــت ســر خــافـي فـي قلبـــي منـكـتـم
يـا كـامـــل الاوصـافـي الـزيـن فيكـــم عـم
مـذهـب وخلـــق وافـي وبسمـاتــك تـنـسجـم
ما هو مــن الاخـفـاقـي رزيـــن ومحـتـشـم
يـاصـافـــي الاطـرافــي انتــه قصـــد الـلـزم

[بـو راشـد]

تسسسلم يالعاصمه على هالقصائد الرائعه

والله يرحم الشيخ زايد يارب

[بن حاضر]

الله يسلمك ياخويه

ومشكور على المرور

[المنصوريه]

تسلم أخويه على القصايد والمجهود

والله يعطيك العافيه

والله يرحمه ويغمد روحه الجنه

[بن حاضر]

الله يعافيج اختي

والله يوفقك الجميع

[السـwloolـويدي]

تسسلم الغالي على الجهد

ويزاك الله الف خير

[بن حاضر]

الله يسلم غاليك يالسويدي

مشكور على الرد

[مطلع الشمس]

تسلم أخوي الهاجس ............. الصراحه واااااااااااااااااايد فرحتني

أحب قصايد الشيخ زايد رحمه الله

[بن حاضر]

يعل ايامج دوم فرحه

مشكورة اختي على الرد

[مطلع الشمس]

تسلم اخووووووووووووووي الهاجس

[بن حاضر]

الله يسلمج ..

[الظهوري]

[Link nur für registrierte Benutzer sichtbar]

زايد يا بونا زايد زايد يا بونا زايد

زايد يا بونا زايد زايد يا بونا زايد

زايد يا بونا زايد زايد يا بونا زايد

زايد يا بونا زايد زايد يا بونا زايد

[بن حاضر]

مشكور على المرور اخوي

[::: ونـــــــــه :::]

يعطيك الف عافيه على هالمجهود ..

[بن حاضر]

الله يعافيج

مشكورة على المرور

[شهدالدموع]

تسلم اخويه الله يعطيك العافيه


اللهم ارحم زايد الخير

واسكنه فسيح جناتك


اللهم اغفر له

اللهم اغسله بالبرد


اللهم اجعل قبره روضا من ريااض الجنة




تحيااتي:

[بن حاضر]

شكرآ على المرور

[Don.sh]

الله يرحم الشيخ زايد

[بن حاضر]

آمين

مشكورة على المرور

[بنت دار الزين]

مشكوووووووور أخويه على القصايد

والله يعطيك الصحه

[بن حاضر]

وياج

مشكورة على مرورج

[دمـ الليل ـوع]

ed"]تسلم أخوووي .....على القصايدالحلوه والمجهود....


والله يعطيك العافيه.... ونترياا المزيد....


والله يرحمه ويغمد روحه الجنه....آآآآمييييين....

اختك :h023: :h023:

دموووع الليل[/COLOR]:h023:

[خالد]

مشكور على المرور

[العيناويه قويه]

مشكور اخوي على القصائد
الله يرحم ابونا ويغمد روحه الجنه

[أميرة القوافي]

بينونه


يعـل نـوٍ بانت امزونه يسجي الظفره أو يرويها
لين يزخر عشـب بينونه والغـزر تسقي سواقيها
والرمل يعشب أو يرعونه والبـدو تزهـي مبانيها
ويستجي م الغيث في السونه شـرق والوديان ييريها
والجبل تدفـق اركـونه ويملي الجيعـان ياريهـا
والغضي تتنقـل اظعونه لي اهمـوم القلب يشفيها
وان عرض يمشي على هونه بيس بالدنيـا وما فيهـا
هو دعاها النفس ممحونه والطبيـب اللى ايشافيها
محترم والناس يحضونه لي وصوفه نافـل فيهـا
نطقته وان يات موزونه من صخاوة نفس يفضيها
والملاحه فيـه مكنونـه من لبوب الوشي يكسيها

رحم الله من قالها
مشكور ع النقله

[uaebadboy]

يسلموووو

[حد مثلي بات مشجنه]

تسلم خويه الهاجس .. وربي يعطيك الف عافيه

[ولد اليوم]

مشكوووووووووور