رفضت فتاة سعودية تبلغ من العمر ( 21 ) عاماً الزواج من ابن عمها

[S.Alkalbani]

إيمان المحمد ( الوئام ) الرياض :
رفضت فتاة سعودية تبلغ من العمر ( 21 ) عاماً الزواج من ابن عمها الذي تقدم لخطبتها الإسبوع الماضي
مبينة لأهلها ان سبب الرفض يعود لعدم وجود تشابه ومقارنة بين الخطيب الذي تقدم لها وبين
"مهند" بطل مسلسل "نور"، الذي يعرض على قناة mbc.


ووضعت الفتاة التي لازلت تدرس الطب شروطاً تعجيزية لزوج المستقبل من اهمها ان يكون مشابهاً
لـ "مهند" بطل مسلسل "نور" وان لايكون أقل رومانسية عن تعامل مهند مع نور .


يذكر انه مؤخراً انتقد عدد من علماء الدين في العالم العربي انتشار ظاهرة الطلاق في المجتمع العربي بسبب غيرة الرجال العرب
من حال الهوس المسيطرة على زوجاتهم تجاه "مهند" بطل مسلسل "نور"

[Alseer_alsnafi]

يابوك مهند مهند
جنه في البشر ما انخلق غير مهند
تسلم عالموضوع

[S.Alkalbani]

تسلم اخوي السنافي ع الرد

[المرسيدس]

هههههههههههههههههه والله شباابناا احلى عن مهند

خباال في البناات .. الصرااحه

ثاانكيووووو

[Ru7.Alemarat]

امحق
و دكتورة بعد!! الله يعين مرضاها!
تسلم اخوي ع الموضوع

[زهرة التولب]

مرحبا

عرفنا ان مهند جميل وانا الصراحه أشوفه جميل بس
هذا ما يمنع أبدا أني أرفض المعرس المتقدم لي عشان
أبغيه كله رومانسية في رومانسية ليش الرومانسية ما تنشرا
عشان يشترونها

والسموحه منكم على الإطاله
ومن بعد الغيبه الطويله
أحترامي لكم
أختكم زهرة التولب

[× ـغـروريـ طيـبتـيـ ×]

الله يهديهم البنات

^^

تسلم يمناك اخوي

× عاشق الاشواق ×

ع الخبر

وما قصرت

نتريا كل يديدك

موفق

[ريمـ البـــداوهـ]

قسم بالله ما عندها سالفه .. من مزينه عاد ..
تسلم اخويه ع الموضوع ..
ربي يعطيك العافيه ..

[أميرة القوافي]

اللهمى اهدينا في مااهتديت

احس اكثر الدول تاثره بهالمسلسلات التركيه السعوديه مدري ليش
تقليد او بليسهم واحد هههههههه
واي مهند بالله عليكم وين الجمال الي فيه والله جمال الانسان تشوفه في ويهه يوم يتمسك بدين لله
وهذا لادين ولا اخلاق

والله يهديها يارب

((((((((( كل داء له دواء ولكن الحماقه اعيت من يداويها)))))))

[فرعونة]

لاحول ولا قوة الا بالله

مساكين الشباب الي ف السعوديه اتوهقوا .مايقدرون يتزوجون خخخخخ
البنات ظاربنهن مرض يديد اسمه "حمــى مهند">>الله يشفيهن

واللهم لا تبلانا ..وارزقنا العقل والخلق الطيب :)

[طبعي شيوخي]

لا حول ولا قوة الا بالله
الله يهديها

ما ادري منو هالمهند اللي ذابحين عمارهم عشانه

يسلموو عاشق الاشواق ع الطرح

[عيون الريم]

هههههههههههه
من زين مهند الي ف البلاد احلى عنهـ
يسلموووووو ع الطرح .......^^

[S.Alkalbani]

يسلمووو اخواني واخواتي ع الردود كلكم ذوق

[عاشق الزعيم]

تسلم ع الخبر

[أم البلجاء]

تسلم أخي
وعسى الله يهدي
الجميع

[ضيا-_-نجد]

والله انا قريت هذا الخبر من فتره في منتدى ثاني ان الفتاة اردنيه

ع العموم سعوديه او اردنيه

الله يكملها بعقلها

مدري ليش موجه الاعجاب لمهند ما اشوفه حلو ابد

احد يحب شخص شنبه لونه بيج <<خخخخخخخخخخ

عاشق الاشواق مشكور على النقل

مودتي

ضيا-_-نجد

[Ice~Cube]

تسلمين ع الخبر

الله يهدي الجميع

[الخقاق]

ابصراحه وااااايد قريت مواضيع غريبه اتخص هالمسلسل... و كلها يا رفض زواج او طلاق مع مرتبة شرف بسبب غيرة الزوج أو هوس الزوجه بالممثل (مهند).

انا ما اعرف شو الحلو في المسلسل أو في الممثلين/الممثلات,,,
اذا مهند هذا اللي يقولون عنه البنات حلو و رومانسي... عيل انا و بكل ثقة بكون مب بس ملك في الجمال والرومانسيه... انا بكون فتنه و آيه في الجمال والرومانسيه... و بعدين ترى وايدين اللي يشبهون مهند موجودين في بوظبي... واللي مب امصدقني يروح مطعم زهرة لبنان في الليل و يتريا أي مهند يطلعله عشان ياخذ الطلبيه... وااااااااايدين...

عموما الموضوع غريب و شيق في نفس الوقت... بس صار عادي.. يعني هالسوالف ما تحصل إلا في دول عربيه.. ولا شفت أو قريت اي سالفه (أو خبصه) مستويه في الدول الثانيه بخصوص هالمسلسل.. أو غيره..

و شكرا,,,

[mowade3]

يا جماعة شو مهند مهند
يحليله يكد ليل ونهار يشتغل علشانا هههههههههههههههههه
خلهم يكدونه للحين ماعرف كم وصلت عدد حلقاته
هههههههههههههههههههه
فلانه اطلقت وفلانه تراضت صدق مصخرة ههههههههههههههههههه
تحياتي لج على الموضوع اختي
مـــ الرحال ــــوادع

[تبوله]

الله على مهند اللي رجونا فيه
واللي خلقه ماخلق غيره
بارد وجهه ومايع
لكن هذا نقص بالحريم وطريقة تفكيرهن
الحمد لله والشكر

[S.Alkalbani]

يسلموووووو ع مروركم الطيب

[مياسة العود]

بعـــــــــــد مهند

اي مكان رحت مهند مهند ههههههه

الي يقوول ما في غيرره هع هع

يسلموو الحكوومه ..

[مزيون راكـ]

مهند عاد والله شبابنا احلى عن مهند مهند ما عنده 5 ريال عشان يحلق ههههههههههه