هل يحق للشاب تفتيش جوال أخته؟؟

[سنادالامارات]

السلام عليكم ورحمة الله وبركاته
اكيد الكل يعلم ان في بعض الشباب فيهم مثل ما نقول وسوسه او شك او فضول او لقافه بأنه يفتش

جوال اخته سواء كان يفتش الرسائل او الارقام المكالمات او اي شي ثاني واليكم احبتي الاسئله الاتيه:
هل يحق للشاب تفتيش جوال اخته ؟

ماذا ستفعلين لو اكتشفتي ان اخاك يفعل هذا بصراحه؟

هل نقول على من يفعل هذا الشي مريض او عديم الثقه؟ ام ماذا؟؟

للبناات: في المستقبل هل تقبلين هذا من زوجك ام لا ؟؟؟

ارجوا ان تكون الأسئله.. خفيفه عليكم واتمنى الاجاابه بكل صرااحه وصدق..



خالص مودتي

[●.. هيبة ملكـ ..●]

اخوووي اذه بالنسبه لي اكيد افتش
لانه هي بنت ولازم يكوون في البيت انضبااط

[الريمانيه]

هل يحق للشاب تفتيش جوال اخته ؟
لا يجوز

ماذا ستفعلين لو اكتشفتي ان اخاك يفعل هذا بصراحه؟
اخوى مايسوى هل الاشياء اذا عرفت بنعال ع راسه انا بشك فيه بعد يمكن يبى يشيل ارقام ربيعاتى خخخ
هل نقول على من يفعل هذا الشي مريض او عديم الثقه؟ ام ماذا؟؟
مريض نفسى وشكاك وقلبه هب نظيف
للبناات: في المستقبل هل تقبلين هذا من زوجك ام لا ؟؟؟

اكيددددددددددددددددددددددددددددددددلا لا لا لا اقبللللللللللللل

[عسل كامل الدسم]

الريمانيه الله يعينج
اصلا في الذيد محد يعطي بنته تليفون اله بعد الثانويه ونادرا تحصلين وحده عندها تليفون وهي صغيره
انتي تقولين الزوج ماله حق عيل
له حق في شو..؟
انتي تقولين اللي يفتش مريض نفسي واللي مايعرف شي عن بناته وين سارت ووين يت شو بيكون...؟
انا مع تفتيش التليفون

[الريمانيه]

الريمانيه الله يعينج
اصلا في الذيد محد يعطي بنته تليفون اله بعد الثانويه ونادرا تحصلين وحده عندها تليفون وهي صغيره
انتي تقولين الزوج ماله حق عيل
له حق في شو..؟
انتي تقولين اللي يفتش مريض نفسي واللي مايعرف شي عن بناته وين سارت ووين يت شو بيكون...؟
انا مع تفتيش التليفون


اتخبرك يا عسل كامل الدسم سناد يقول الاخ هب الاب الاب عادى يفتش لنه مسول عن عياله الاخ مايخصه يفتش والزوج ليش يفتش ف تلفون حرمه ليش يشك فيها مثلن يوم يشك فيها ليش مزوجنها اساسن ومعور راسه

[ذربة_المعاني]

أصلا ليش تعطون موبايلات للبنات الصغار .. البنت يوم تخلص الثنوية وادش الجامعة بعدين عطوها موبايل .. وفي نفس الوقت يراقبونها اذااااااااااااااااااااااا حسوا انه تصرفاتها غريبة اما غير جذي لا

وبعدين ما يحق لا للاخ ولا للزوج التفتيش في موبايل الاخت او الزوجة لانه هذا يعتبر من باب الشك ..

اللي يمشي سيدة محد بيشك فيه والعوي الا بيي يوم وينكشف

[ليــ ألـم ــلي]

والله انا ماحب حد يفتش تليفوني لانه الكل له اشياء خاصه في تليفون هب بظروري يعني يوم الوحده عندها شي خاص يعني انها تسوي شي غلط يمكن في اشياء تحب تحتفظ فيها في تليفون ماتبى حد يشووفها صور ارقام اي شي

ومن ناحيه انه اخوي يشيك على تليفوني لا صراحه ماحب اخوي يشييك على تليفوني حتى لو اني ما سوي شي غلط وين ثقته فيني ؟؟ بعديين تعرفون سوالف بنات اغلبيه السوالف نصايف لليل وتشفيرات بالرمسه يعني مايحتاي يفتش ولا يشووف

واذا دريت انه يشييك بقوله لو سمحت لا تشيييك على تليفوني والا خلني اشيك على تليفونك وانت شيك على تليفوني بعد؟؟

اما من ناحيه الزوج لا يخسي شو يشييك على تليفوني حلوه هاي ليش ان شاءلله وين ثقته فيني ولو هب واثق ليش خذاني؟؟ لانه هو بعد مايرضى انه حرمته تشييك تليفونه يعني اللي يرضى شي لعمره يرضاه لغيره والعكس

واللي يسوي جي هذا انسان هب الا مريض الا حياته صعبه وفيه حاله نفسيه وهي عدم الثقه بلي حووله

[أطيبـ قلبـ]

مممممممممم الصرااحه انا بالنسبه لي لو حد فتش تلفووني عااادي لاني ماخبي شي ...حتى المسجاات الكلااميه ..
ولو صاادف اني اكتشفت ان اخووي يفتش مممممم الصراااحه بتضاايق شوي بس في نفس الوقت خليييه يسوي الي يعيبه ...بس صدقووني انه مب شك او عدم ثقه ..بس اعتقد انه فضوووول ....
والسوال الي يقوول اذا برضا ان ريلي يفتش ..اعتقد انه يووم فكر ياخذني اكيييييد بيكوون عارف هو خذ من وبنت من يعني عاارف التربيه الي تربيتها ^^ واذا صاادف انه يفتش يا انه متعود على هالشي قبل ماياخذني او انه يبي يعرف نووع علااقتي بألي احبهم ^^
خخخخخ بس في النهاايه البنت دااايما تكووون تحت شوور ريلهاا وابووها واخواانها في كل شي ..يعني احييين يت على تفتيش التلفوون ؟؟؟


يسلموو خييو على هالموضوووع ^^

[عيوز استايل]

هل يحق للشاب تفتيش جوال اخته ؟

ماذا ستفعلين لو اكتشفتي ان اخاك يفعل هذا بصراحه؟بخليه يشووف يعني شوو بيحصل فيه غير المسجااات بس اخوووي ما جد شفته قاابض المووبايل و يشووف الى فيه جاان بدس و انا ما ادري...

هل نقول على من يفعل هذا الشي مريض او عديم الثقه؟ ام ماذا؟؟ بخبركم بشى الى يرمس البنااات ااكيد بيلس بيجيك عالتلفوون مثل ااخووي ما عنده ثقك في نفسه عباله ان البنااات شررات بعض ....

للبناات: في المستقبل هل تقبلين هذا من زوجك ام لا ؟؟؟اااااااكيد لالالا بس ما ضني وحده ترضي تااخذ وواحد يلس و يبطل التلفوون و يلس يقرا الى فيهااااااا....

[جوهرة القصر]

هل يحق للشاب تفتيش جوال اخته ؟
بكيفه ع راحته ههههآاااااي

ماذا ستفعلين لو اكتشفتي ان اخاك يفعل هذا بصراحه؟
اصلا اخواني يعرفوني زييين ومستحيل يسووون جي وواثقه منهم .....
هل نقول على من يفعل هذا الشي مريض او عديم الثقه؟ ام ماذا؟؟
لا مريض ولاعديم الثقه ، بالعكس يخاااف ع اخته وبس هع
للبناات: في المستقبل هل تقبلين هذا من زوجك ام لا ؟؟؟

اصلا مستحيل يسوي جي هههههآااااي واذا شاف ع راحته خخخخ

[●.. هيبة ملكـ ..●]

هل يحق للشاب تفتيش جوال اخته ؟
بكيفه ع راحته ههههآاااااي

ماذا ستفعلين لو اكتشفتي ان اخاك يفعل هذا بصراحه؟
اصلا اخواني يعرفوني زييين ومستحيل يسووون جي وواثقه منهم .....
هل نقول على من يفعل هذا الشي مريض او عديم الثقه؟ ام ماذا؟؟
لا مريض ولاعديم الثقه ، بالعكس يخاااف ع اخته وبس هع
للبناات: في المستقبل هل تقبلين هذا من زوجك ام لا ؟؟؟

اصلا مستحيل يسوي جي هههههآااااي واذا شاف ع راحته خخخخ
جوهرة والله انج اصيله ^_^
عسل كامل الدسم الزووج مايفتش بس االاخ والاب عاادي
بعدين دامكم مب مسويين شي غلط ليش ماتبوونه يفتش
اذه اختي عندها تليفوون اكييد بفتشه اذه انا فتشته بكوون مريض..؟
ولاعشاان مصلحتها

[|| المبدعه ||]

انــآ اشوؤوف هالشي عآأإدي و مافي اي مشكله !!


اخوؤج او ريلج بيفج التيــلفون ترآه مــا بيضرج !!


و هــذا مب شك او عدم الثقــه او انه مريض نفسي !!


ليش مريض نفسي يعني ترآآآه ما بيسوي شي !!!


بالعكس لآنه يخآأإف عليج و يبغى مصلحتج "


و اذا انتي’ وآثقـه من نفسج انتي بروؤحج بتعطينه التيلفوؤن ومآ تزعلين لو خذه ^^"


ترآآه إلآ تيلفــوون شو فيه يعني’ !!!!


انا بصرآحه مب مع اللي يقوؤلون لآ و بقوؤلكم ليش !!


اذا قآلج اخوج او ريلج عطيني تيلفونج و قلتيله لآ .


شو بيقوؤل فــ خآآآطره .. ؟!"


جي’ بيــشـــك فيييج و بيي فــ بـآأإله الف سؤآل !!


و لــو عطيتيه ترآه إلآ بيجوفه ولآ كأنه شي صــآآآر و الدنيآ حلوؤوؤه ^___^"



:




هــذآ رأيي و السموؤحه منكم .

[Ice~Cube]

اعتقد ان من حق الأب فقط تفتيش التلفون

اما الأخ ماله حق ان يسوي شئ

[بنت_المهيري]

مرحبا

يسلمو على طرح هالموضوع

مب من حق الاخو يفتش في موبايل اخته وين الثقه بتكون محطوطه هاي الحزه على الرف يمكن

لان ام و ابو واحد مربينهم و اكيد بهالشكل بيكون واثق من اخته

لو حتى اخوي طلب مني فوني بقوله اسمح لي ما اقدر اعطيك اياه لان فيه خصوصيات و اذا اصر عليه بعطيه بس بشرط اكون قاعده معاه وهوه يفتش و بقوله عطني فونك و بجيك مثل ما انته اجيك على فوني

الاخو اللي يشك في اخته معناته هوه يسوي شي غلط و يعتقد اخته بتسوي شي من ورا ظهرهم لان بيتبع مثل اللي يقول كلن يرا الناس بعين طبعه

و اذا على الزوج اصلان ما يقدر يفتش في فون زوجته لان اساس الحياه الزوجيه مبنايه على الثقه و التفاهم و الصراحه فمهما كان الزوجه لها خصوصياتها و الزوج بعد له خصوصيات فكل حد يحترم خصوصيات الثاني


هذا انا رايي بالصراحه و السموحه منكم عالقصور


::: بنت_المهيري :::

[عيون الريم]

واثق الخطوه يمشيها ولو على قمه الجبل ....
خله يفتش الحمد الله انا ع قد الثقه .....
واذا اهو يفتش خايف ع اخته أو على قوله المثل كل من يرى الناس بعين طبعهـ........
يسلمووووووو ع الطرح الغاااااااااااوي.......^^

[سنادالامارات]

واثق الخطوه يمشيها ولو على قمه الجبل ....
صدقتي الريمم

مشكوريين ع تعليقاتكم بين موئد ومعارض

واناراي مثل رايكم الي واثق من نفسه مايخاف من شي

وخاصه علاقة الزوج وزوجته

الاخو تقدرتتفاهم ويا بس الزوج عادي

اذاطلب منج يشوف تلفونج لاتردي

عشان لايكون حساسيه وشك في الامر

واكيد محد بيشل رقم ربيعاتكن انتن البنات سوان كان اخوج اوزوجج

ويتصل لهم ويزعجهم

شكرا ع تعليقاتكم الحلوه ومنوريين الموضوع

وتفاعلكم وياالموضوع جميل

[ليت الزعل ممنوع]

هل يحق للشاب تفتيش جوال اخته ؟
نعم له الحق في العبث هذا من راى

ماذا ستفعلين لو اكتشفتي ان اخاك يفعل هذا بصراحه؟
بصارحه وبشوفه ليش فتش ,, واذا السبب مقنع ,, وفي وجهه الاطمأن
هل نقول على من يفعل هذا الشي مريض او عديم الثقه؟ ام ماذا؟؟
بمأن ان يفتش في وجهه الحرص والاطمأن عادي

للبناات: في المستقبل هل تقبلين هذا من زوجك ام لا ؟؟؟
بصراحه ,, هيه عادي:)

[سنادالامارات]

ليت عيبني رايج موووووووفقه

وربي يرزقج بزوج الصالح^-^

[MSMRS]

هل يحق للشاب تفتيش جوال اخته ؟
انا عادي عندي

ماذا ستفعلين لو اكتشفتي ان اخاك يفعل هذا بصراحه؟
عادي لاني انا فرررررررررررررري

هل نقول على من يفعل هذا الشي مريض او عديم الثقه؟ ام ماذا؟؟
الحمدلللللللللله واثقين مني بس اونهم يدورون مسجاااااااااااات حلوة

للبناات: في المستقبل هل تقبلين هذا من زوجك ام لا ؟؟؟

عادي لانه من حقه

[●.. هيبة ملكـ ..●]

المحروومه كلامج 100 100

[●.. هيبة ملكـ ..●]

المحروومه وليت الزعل و msmr وعسل كامل الدسم بصرااااحه والله انكن عااقلات الله يوفقكم ان شاء الله في دنيا والاخره
ماعرف شو اقووول لانكن يالبنااات كفيتوا ووفيتوا

[قلب بيبي]

هل يحق للشاب تفتيش جوال اخته ؟
اهو كحق لا ما يحق له .. ليش هو هب واثق في تربية هله؟؟ او انه هب واثق في نفسه .. لان اللي امربيينه هم نفسهم اللي امربييني .. واذا كان شاك فشي انا بروحي بسير وبعطية فوني وخله يفتش عراحته .. لانه ما بيلقا شي فيه
ماذا ستفعلين لو اكتشفتي ان اخاك يفعل هذا بصراحه؟
يسويه حذالي على العين والراس .. بس من وراي .. لا ومستحيل .. مثل ما هو ما يحب حد يلعب ب فونه من وراه انا بعد ماحب حد يلعب بفوني من وراي
هل نقول على من يفعل هذا الشي مريض او عديم الثقه؟ ام ماذا؟؟
امممم .. هب مريض ولا عديم ثقه .. السالفه بس انه يبا يطمن ان اخته ما تلعب عالحبلين .. اتبين انها توب .. واهي من تحت لي تحت
للبناات: في المستقبل هل تقبلين هذا من زوجك ام لا ؟؟؟
لا .. اغار .. ليش يلعب بفوني .. فيه ارقام بنات .. هب زين .. الصراحه بشك فيه .. شو دراني يمكن شايف وحده من اربيعاتي وعايبتنه ويريد يتعرف عليها .. واذا سواها .. بتولاه بعصايه امحناية


نصيحه للشباب .. اذا انتوا عاملتو خواتكم انكم شاكين فيها تراها اهي نفسها بتشك فعمرها .. وهالشي بيخليها تسوي الغلط ..

[سماهر الكون]

هل يحق للشاب تفتيش جوال اخته ؟
لايحق له
ماذا ستفعلين لو اكتشفتي ان اخاك يفعل هذا بصراحه؟
صار معي هذا الموقف من اخوي يرسل بنات ويراقبوني موقفي انقهر اعلم امي وابوي عليه وهم يتصرفون معاه
هل نقول على من يفعل هذا الشي مريض او عديم الثقه؟ ام ماذا؟؟
مريض وعديم الثقة وقلة الادب

للبناات: في المستقبل هل تقبلين هذا من زوجك ام لا ؟؟؟

لالالالالالالالالالالالالالالالالالالالالالالالالا لالالالالالالالالالالالالالالا

[ليــ ألـم ــلي]

اوكي مافيها شي يقولي عطييييييييني التليفوون انا اخوي يقولي عطيني التليفون واعطييييييييييييييييه لكن من وراي لالالالالالالالالالالالا

لانه هنيه احس انه هب واثق فيني ,,
وهي كل السالفه مبدا الخصوصيه وبالاسلوب لو الاخ او اي شخص اييج باسلوب حلو بتعطييه مب الا تليفونج الا كل شي يباه

اما الشخص اللي تحسه يدور من وراك صراحه ماحس انه نييته نظيفه

[سنادالامارات]

اشكركم ع تعليقاتكم وردودكم المختلفه

[بنت ديره]

[Link nur für registrierte Benutzer sichtbar]

[Link nur für registrierte Benutzer sichtbar]السلام عليكم ورحمة الله وبركاته[Link nur für registrierte Benutzer sichtbar]



هل يحق للشاب ان يفتش جوال اخته ؟؟

لا ما يحق له لان اخته لها ولي امرها الي هو ابوها او امها
والمتابعه والحفاظ على اهل البيت مب بالطريقه هذه ابداً ..

[فديتني كعبيه]

يسلمووووووو

[كعبيه وافتخر]

هل يحق للشاب تفتيش جوال اخته ؟

الجواب //نعم // ليحافظ على سمعة اخته


ماذا ستفعلين لو اكتشفتي ان اخاك يفعل هذا بصراحه؟

بصراحه اعجب فيه واحس انه محافظ عليه

هل نقول على من يفعل هذا الشي مريض او عديم الثقه؟ ام ماذا؟؟

بالعكس المحافظه عليه

للبناات: في المستقبل هل تقبلين هذا من زوجك ام لا ؟؟؟

اعرف انه يحبني ويغار عليه خخخخخخ << واثقه ههههه

ومشكور على الاسئله الحلوه

[S.Alkalbani]

اكيد يحق له انه يفتش التلفون والا يخلي اخته ضايعة

[شهــۇدهے]

انا رايي يختلف عن راي البقيه .. لا اني مؤيده ولا اني معارضه .. ليش ؟؟

انا ماعندي مشكله اذا اخوي او زوجي خذو تلفووني وتعبثو فيه بالعكس هالشي مايزعل اول شي لاني واثقه من نفسي والحمدالله ..

بس في اصول وفي شي اسمه ثقه وفي شي اسمه شك !!

ياخذ تلفوني يشوفه مب مشكله بس جدامي وهالشي عادي .. بس انه ياخذه من ورا ظهري وانا اكتشف عقب هالشي

هاي طريقه مش حضاريه ابدا ولا تدل على الاخلاق .. لانه تعدى على خصوصيات الغير وفي نفس الوقت

خلاني احس انه شاك فيني وهالشي غلط ..

المفروض اتكون في رقابه هذا محد يختلف عليه لكن بحدود العقل ما اخلي الشخص اللي اراقبه اني اضايقه بتصرفاتي

بالعكس ما احسسه بهالشي .. بالذات الزوج عشان ماتكون في حساسيات بين الزوجين واتقوم الزوجه اتوسوس واتحاتي ليش ريلها يتصرف معاها هالشي هل هو مب واثق ؟؟ هل ممكن يتوقع مني اي شي مب زين لا سمح الله ؟

بيأثر هالشي على نفسية الزوجه واااايد حتى لو الزوج ماكان يقصد شي ..

والاخ نفس شي عشان اخته ماتوصل لمرحلة انها تكرهه او شي من هالقبيل ..

الاحسن يكون التصرف عفوي .. باخذ تلفونها وهي يالسه وياه او عنده والبنت اللي قد الثقه ماراح ترفض ان اخوها او زوجها يشوفون تلفونها ..

لكن مب بالخش والدس .. عيب ^^

والسمووحه منكم ... هذا رايي ووجهة نظري فقط ..

انا الحمدالله ساعات اخلي موبايلي عند زوجي بنفسي واروح عنه بعيد عشان ما اخليه في يوم يتجرأ في مثل هالتصرفات .. لانها تصرفات تسبب المشاكل في اغلب الاحيان ..

الواحد يتجنب المشاكل بطريقته الخاصه واايد احسن