المساعد الشخصي الرقمي

مشاهدة النسخة كاملة : في 2 نوفمبر فقدنا اجمل ماملكنا ..!!

أميرة القوافي
30_10_08, 06:56 PM
السلام عليكم ورحمه لله وبركاته

الكل يذكر هاليوم ومستحيل حد ينساه

يوم فقدنا اغلى انسان

يوم دمعة عين كان صعب تدمع

وحزن قلب مايعرف الحزن

وبكى من طفل ومن شاب ومن شايب

يوم حتى الحيوانات بكت بفرقاه
حتى الشجر
حتى الحجر
يوم بكت
في

الامارات
يوم صعب انه ينوصف

يوم فيه فقدناك يازايد الخير

هذا اليوم الي اكباء جميع دول العالم
بمختلف الجنسيات وللغات

نعم فقدناك يازايد


حبيت اسالكم
شوه اكثر شي يذكركم هذا اليوم..؟؟

ومن الي نقل لكم خبر وفاة زايد..ووين كنتو....؟؟

اوصف لي كيف كان حزنك؟؟

بالمختصر تكلم بشكل عام عن هذا اليوم

شوه سويت..؟؟


بتكلم عن نفسي..

انا كنت اذكر لانه كان عليه امتحان

اول سنه جامعه.. اتصلت لي اختي تخبرني
قلت لها هب شووووووه فيج انتي مب صاحيه
قالت ولله روحي شوفي قناه دبي
وشفت المذيع يوم يرمس بعدين صاح

ولله ماقدرت اصدق وكنت واقفه وريولي ماقدرن يشلني يلست في الارض
وكان قبل مايي الخبر ازعاج في البيت بس بعد شوي الكل ساااكت ولاحد رمس
حسيت مب بس زايد مات

حسيت المكان العالم كله مات

لا حركه لا حس ....
الصرحه يوم مستحيل حد ينساه

........
اللهم أنزله منازل الصديقين الشهداء والصالحين وحسن أولئك رفيقا"



اتمنا انكم تتفاعلون عند الموضوع
●.. هيبة ملكـ ..●
30_10_08, 07:17 PM
والله انا كااان علي امتحااان
وعلى ماعتقد كااان بعد الصلاه الخبر ف يووم دشيت البيت شفت الوالده تصيح قلت بلاها سئلتها قاالت توفى الشيخ زااايد الله يرحمه
انا زعلت بس ماصحت لانه مب زيين تصيح ع الميت
المرسيدس
30_10_08, 07:36 PM
الله يرحمه برحمته الواااسعه


كان في رمضاان . ...... وكنت اشووف التلفزيووون وشفته على قناة بوظبي

بعد صلاة التراويح


مااظن حد ينسى هاا التااريخ ...

لاأرااكم الله مكروها في عزيز
Ice~Cube
30_10_08, 07:58 PM
انا اتذكر كنت ناش من النوم

و اول ما بطلت الكمبيوتر استغربت

خلفيتي مكتوب فيها ان الوالد زيد توفا

الله يرحمه و يغفر له

بس انا الصراحه ما تأثرت وايد

لأن انسان واحد منا

و يا يومه

الله يرحم جميع موتى المسلمين

وتسلمين اميرة ع الطرح
حامل المسك
30_10_08, 08:17 PM
يزاج ربي ألف خير يا أميرة القوافي على هذا الموضوع المميز

شيء أكيد بيتم محفور هالتاريخ في كل شخص عاش وعايش الشيخ زايد الله يرحمه ويغفره له إن شاء الله

هذا اليوم محد يقدر ينساه ... أولاً لانه صانع الدوله وبانيها وسوف يذكر اسمه من جيل إلى جيل ولاكن الجيل إلي ما بينساه هو جيل زايد ...

يكفي المنظر إلي شفته في هذاك اليوم ويكفي الخبر إلي سمعته ولا صدقته إلا يوم شفته على التلفزيون

يكفي صياح البيت بكبره وصياح الدولة ... بالفعل لله ماا أعطى والله ما أخذ ... الموت حق ولا بد منه ... بس يوم تفقد انسان له معزه في قلبك ومحبه كأنك فقدة الدنيا وبما فيها ... كيف تفقد إنسان أحبته الدوله بل العالم على اجماع ... شيء أكيد محزن والله العظيم انه هذا اليوم إلي توفى فيه الشيخ زايد الله يرحمه ويغمد روحه الجنة إن شاء الله أشوف الشير مايله على مماته .. إذا الشير ظهر عليه الحزن كيف عيل الحزن فينا ..

وليين الحين لما أذكر أسم زايد عيني تدمع من اسمه ... كيف يوم وفاته !

الله يرحمه ويغمد روحه الجنة إن شاء الله والله لا يحرمكم من غاليكم
ذربة_المعاني
30_10_08, 11:36 PM
احس بقشعريرة كل ما اذكر يوم وفاته

انا ماحسيت انه مات ... زايد حي في قلوبنا .. زايد موجود في كل بقعة في بلادنا .. اسمه انحفر في كل مكان .. ونحس بوجوده في كل زمان ..

زايد .. نعم زايد .. وخيره زايد لين يومنا هذا ..

ان العين لتدمع والقلب يحزن ولا نقول الا ما يرضي الرب .. إنا لله وإنا إليه راجعون

رحمك الله يا والدي وسيدي وقائدي

نلقاك في جنات الخلد بإذن الله
دلووعةدبي
31_10_08, 03:15 AM
الله يرحمه ياااااااااااارب
جوهرة القصر
31_10_08, 12:35 PM
الله يرحمه ويغمد روحه الجنه ، تسلمين اميره القوافي ع الطرح المميز ...
مافيني اعيد الذكريات........
بنت ديره
31_10_08, 02:49 PM
[Link nur für registrierte Benutzer sichtbar]

[Link nur für registrierte Benutzer sichtbar]السلام عليكم ورحمة الله وبركاته[Link nur für registrierte Benutzer sichtbar]



انا شفته في التلفزيون وكان المذيع يصيح
بصراحه صحت من القلب والخاطر لان البلاد عقب الشيخ
زايد ما راح تكون مثل ماهو موجود وحالياً نشوف الشي هذا
الله يرحمه ويغفر له
هو حي في قلوبنا
أميرة القوافي
31_10_08, 05:06 PM
تسلمون ع المرور ولله يرحمك يا زايد
عاشقة الامارات
31_10_08, 08:19 PM
انا كنت اذاكر امتحان وابووووووووي خبرني ف الفووووون
ما صدقت قال لي سيري شوفي ف التلفزيون
ما اعرف كيف كانت حالتي هذاك اليوووووووم
ما بنسى هذاك اليوم

الله يرحمه ويغمد روحه الجنة
ليــ ألـم ــلي
01_11_08, 12:50 AM
الله يرحمه ويغمد روحه الجنه,,

انا كنت يالسه ادرس عندي امتحااان Math تتصل فيني ربيعتي تقولي ابويا زااايد مااات انا ما صدقت ونزلت تحت واسمع القرااان والقى يدتي تصييييييييح اتخبرها تقول زاايد مات بعد ما صدقت حتى يوم شفت في تليفزيون بعد ما صدقت
يتني شراات الصدمه طلعت برع في الحوي اطالع السما واحس انه في شي غلط (اللهم لا عتراض) بس مادري تمييييييييييييييييييييت من صدمه امشي شرات الخبله

زااايد في قلووبنا حي ولا يمكن يموووووووووووووووووووووووووووووووووت في كل مكان تشووف خيييييييييييره ولا عمره قصر لا ويا شعبه ولا ويا الشعووب العربيه والاسلاميه,,

زايد وهو زاايد بخيره وبفعله ,,, حتى جيل هالزمن اللي ماوعوا على ابونا زاايد يقووولن بابا زاايد ويطروونه ويسئلوون عنه( زااايد في قلووووووووووب الصغير قبل الكبير)


الله يرحمه ويغمد روحه الجنه
أميرة القوافي
01_11_08, 08:20 PM
تسلمون ع المرور
ولله يرحمك يازايد
عيوز استايل
04_11_08, 12:24 PM
الله يرحمه و يغمد روحه الجنه:schmoll::schmoll:
أميرة القوافي
04_11_08, 02:51 PM
امين يارب تسلمين ع المررور
**shoogdubai**
04_11_08, 09:00 PM
تسلمين اختي على الموضوع بصراحه ذكرى مؤلمه المدرسه كلها في الطابور قرينا عليه الفاتحه

انا اظن كنت اذاكر ودايما ابوي يشوف اخبار الامارات الساعه تسع على ما اظن والا وسمعنا الخبر والله ما صدقت بعدين سمعت الخبر بنفسي وانصدمت بصراحه كان رجل عظيم
.................