{ يوم أفڪَر وأستعيد الذڪَرياتي \~

[راعي فزعه]

السلام عليكم
اليوم الساعه3:14
فتح مذكراتي ..

الـــــــــبطاااقه الــشــخــصــيـــه ..



آلـآسم / محمد الكعبي●● .

آڷڠمڒ / 19 سنه
ۉزنيـ / اخر مره قسته ظهر 55من ييت المانيا ضعفت اكثر

طۉڷيـ / 170 ما ادري اذا طولت زياده ولا
آڷجنسيه/ إمآڒآتي ●●


آڷۉظيفة / آدڒس فآڷكليه


هۉآيتيـ / . آڷتـصـۉيڒ . .والرسم واسير السيح العب بالدراجات
ڷڷۉن آڷمفضڷ/ ازرق●● ۉبني
آلـآگڷه آڷفضڷه / شوارما ●●

آڷمشڒۉب آڷمفضڷ / ديو
آڷمطڒب آڷمفضڷ ڷدييــ/ عبيد بن سرحان ..حمد العامري●●

آمنيتيـ في آڷحيآة / اني اعيش مرتاح ...

[راعي فزعه]

اليوم الاربعاء 16\9\2009الساعه12:21 بتوقيت المانيا
نشيت من رقادي ع صدعت الالمان من قمت مارمت ارد ارقد
سيده من نشيت ماسرت اغسل ويهي يلس افكر وعقب مسكت الاب ويالس ع احم
امس طحت عليهم كنت تعبان ع الاخير ولين اللحين جسمي يعورني الله يقومني بالسلامه
وارد البلاد مليت من المانيااا بالعاده انا اذا سرت مكان ولا سافر ما اطول فيه هالمره طولت وملاااان ع الاخير
وحفظت الاسواق حتى حفظت امكان الاغارض مالتهم لو ايي راعي المحل ويقولي وين الغرض الفلاني بوديه
عقب شوي بظهر السوق بشتري حق كعبيوه شنكه حق المدرسه بطرانه الاخت تباا شنطه من المانيا عشان تتخقق ع اربيعاتها واليوم هني طوووووووووووووووووووووووووووويل الصوم فيه عن يومين ماعليه اجر وراااه
بعدني يالس ع الشبريه اريد انش بس متعاييز طاربني كسل فضيع

[راعي فزعه]

اليوم الخميس الساعه 2:31 بتوقيت المانيا
اليوم نشيت ومالقيت حد في الشقه فاااااااااضيه وبعدني تعبااااان واتشافى من مرضي
ومضاااااايق ع الاخير يالس اطالع مسلسل سدره البيت احسه سخيف بس غصبن عني اشوفه لان ماشي غيره التفزيون اوووووووووووووووووووووووووووف احس عمري بموت من الغصه والضيق
ودي ارجع البلاد اللحين واذا سرت هناك ما اريد حد يدري انيي ياي
يوعان خاطريه في برياني ومجبوس دياي وديو بس ما اقدر اكله

[راعي فزعه]

اليوم الاحد 20\9
اليوم عيد الفطر اسوى عيد عندي ملاااااااااااااااان ع الاخير
ماشي غير اعيد ع اهليه بالتلفون
يوم ارمس حد منهم يعني امايه يدتيه صاحواا ليش الصيااااااح انا ان شاء الله برد سالم البلاد ^^
يوعااااااااان ع الاخير توني مطرش مناقيش وبيبسي محلااااااااته بروح اكل

[راعي فزعه]

الاثنين 21\9 الساعه 12وربع بتوقيت المانيا
توني ياي من السوق وتعبان ع الاخير شايل دبيب ماي واغرااض ياااااربي ومشكله يوم اتشل وياك حريم كل شي يبن ياخذنه اووووووووووووووووف
ولا تريقت ولا شربت حتى جاي كنت راقد يوني محمد نش نش سير السوق يااااااربي
نشيت غسلت ويهي وفرشت اسناني وظهرت وطول الطريج وانا اثاوب عيوني مسكره ~_- جي كانت بغيت بعد الندعم اليوم هالالمان يايين طايرين اعوذ بالله بس الحمدلله انا بخير ماياني شي لو اخبر يدوه انه صاير وياي جي بتحكم علي اللحين ارد البلاد ما بخبرها
خاطريه بهريس وعيش ولحم وخص نص ديوووو =(
يلا ماعليه هانت مابقى شي من العلاج بخلص وبرد البلاد
اللحين بسير اتسبح يمكن اظهر اسير احوط عقب شوي

[راعي فزعه]

اليوم الثلاثاء 22\9 الساعه4:25 بتوقيت المانيا
اليوم يوم قمت قمت رااااايق ع الاخير ومستانس
بس شي قلبني حركه مب حلوه صارت من شخص ما عيبتني يمكن هو سواها بدون قصد وبحسن نيه وانا فهمتها غلط بس خلتني اعصب واضايج فقدت شخص وهالشخص كان لي شي بس فجأه تغير ليش
يالس ارمس بروك واطيب حليلهم ما قالو شي .. عصبت عليهم
اوووووووووووووووووووووووووووووووووف
كرهت الحال من صغري
فديت الموت لو يدري
عساه بس يعبرني
وياخذي بسرعه لقبري

[راعي فزعه]

اليوم الاربعاااء الساعه 11 وعشر دقايق بتوقيت المانيا
اليوم قمت من النوم الساعه 12 الظهر ورااااااااااااااااااااايق ع الاخير امس صار شي خلاني اتعب وايد ورقدت بس الحمدلله قمت بخير ورايق وتغديت بسرعه وما كلت وايد الساعه 1ونص ظهر السوق وتحوطت واشتريت كم شي حلوو حق اخوانيه بس اكره شي يوم اتشل ويااك حريم كبار السوق ودهم ما يظهرن منه رديت الشقه الساعه 7 رديت وانا هلكان من التعب مالي نفس ع الاكل بس خلوني اكل غصبن عني
وعقب شوي بروح ارقد ومااريد اقوم من النوم الا بعد يومين
بوثق
اللورد محمد
اووووووووووووف ملل ^ ^

[راعي فزعه]

اليوم الخميس الساعه 6:16 المغرب بتوقيت المانيا قصدي العصر المغرب الساعه 8
اليوووووووم ما سويت شي نشيت وقت الساعه 9 بالعاده انش الساعه 11 او 12 لاني امس سرت السوق وتعبت من الحواطه وسرت ارقد من وقت ورقدت بدون ما احس ونشيت اليوم مسطل ما شبعت رقاااد
توني ماكل من اصبحت ما كل شي توني يايب بيتزاااا طرررررررر والله ان طعمها فنان واليوم ما ظهرت ماكان متعايز اظهر يالس اكتب واسمع اغنيه بقايا غرامك لحمد العامري ومشغل التفزيون وطالع فلم محمد هنيدي ما اعرف اسمه
طبيته .. الجوو باااارد اليوم نزل مطررر بس مب وايد هني المطر مب حلوووو احلى في البلااااد تظهر اتحوط صوب العراقيب انروح الوديااان ام هني ماشي لا عراقيب ولا وديااان ماعليناا ان شاء الله برد البلاد وبنزل المطر ويروي البلاد ^^ ان شاء الله
اللورد راعي
اووووووووووف ملل

[راعي فزعه]

اليوووم السبت 26\9 الساعه4:27 بتوقيت المانياا
اليووووووم ناااااااااااااااااااش وانا راااايق ع الاخير اول مره احس اني مب ضاااايق ^^ الله يديم ياربيه هالحال
امس صار شي حلووو وخلانيه جي مبسوووط ^^
اليوم كلت ثريد مسوتنه ريمووه حااار ضوو تارستنه فلفل حشى ههههههههه بس والله انه طررر
بعدني يووووعان بالعاده ما اكل شي بس اليوم ميت يووووووووع
يالس اسمع اغنيه ميامي ربشه كشخه ههههههههه ومشغل التفزيون ع الفاضي لجي يشتغل شكليه بروح اشتري شوارما او بيتزا
امس طرشوا لي صورة بنتي فديتها كبرت شوي صارلي شهرين ما شفتهاا
يقولون لي انها قامت ترمس وتتنازع فديتها الله يخليها لي
اللورد راعي
اووووووووووووووووف ملل

[راعي فزعه]

اليوم الاحد الساعه 7:06 المغرب بتوقيت المانيااا
باقي ساعه ساعه عن اذان المغرب قلت بصلي وبنزل اييب لي عشى يوعااان >.<
مشغل امارات اف ام [Link nur für registrierte Benutzer sichtbar]
اسمع اخبارهم
اليووم نشيت من وقت والكل كان رااااقد امس ما رقدت كانن اضروسي يعروني تميت طول الليل واعي من الويع
بس الحمدلله اليوم احسن المهم قمت وسرت اتسبح وحصلت شاهي وشربت وسرت صوب الدريشه وتميت اراااقب الالمان شو يسون فاضي ما عندي شغله
امس قهرني قنااااص بغيب فتره وبس يوم يرد برويه شغله
يالس اسمع اللحين الله يادار زايد كيف محلاها ياللللله محلات الاغنيه اذكريني بايام الشيخ زايد الله يرحمه
ويطيب الله ثرااه
اللورد راعي
اوووووف ملل

[راعي فزعه]

اليوم الاثنين الساعه8:21 المغرب توقيت المانياا
اليوووووووم ما صار شي عااااااااااادي

[راعي فزعه]

اليوم الثلاثاء الساعه 11وربع بتوقيت المانيا
اليوم قمت وجسمي احسه متكسر بس غصبن عني قمت يبون يروحون السوق ولازم حد وياهم
قمت وسرت ويااهم وماخلينا شي ما خذنااه بس خذت اسكريم امممم محلاته حتى تميت اغايض حد خخخخخخخخخ
بس ماصار شي مثير اليوم خخخخخخ
اللورد راعي ^_<

[راعي فزعه]

اليوم الاربعاء الساعه10:59 فليل
اليوووووم قمت وكنت تعبان ع الاخر ما ودي اقوم بس لازم اروح الدختر ..
رحت جي :( لاني اباا ارقد رديت جي :) لانييييييي برد البلاااااااااااااد عقب اسبوعين ان شاء الله ^_^ ان شاء الله ما اطول اكثر هههههه
رديت هلكااان ع الاخير اباا ارقد بس يوو عدنا عربااان ويلست وياااهم لين عقب صلاه المغرب
يوم روحواا نزلت وييب لنا بيتزا محلاتهاا الجبن يسيل منها ياااااااا سلااااااااااااااااام وخذت بيبسي صارلي فتره ما شربته لاني ودرت اشرب الغازيات والثلاجه تارسنها عصير عاد انا عفت العصير فخذت بيبسي قصدي كولاا =)
واللحين فيني رقااااااااااااد ع الاخير بسير ارقد
تصبح ع خير راعي
وانت من اهله راعي خخخخخخخخ
>>اللورد راعي <<؟؟ كـــان هنااا
طبعا بكون هني لانها يومياتي خخخخ

[راعي فزعه]

اليوم الخميس الساعه 8:42 المغرب بتوقيت المانيا
اليوووووووووم قمت ع صدعه هدوي يالسه اتوعيني تباني اقوم عشان اشلها واحوطها قمت واتسبحت
وتغديت كلين اليوم مجبوس لحم لان حد يقربلي يايب لحم من البلاد وعطانا منه وسوا لنا مجبوس والله انه طررررر خخخخخخ صليت الظهر ويبت عربانت هدوي وخليتها وسرت فيها السوق وخذت لها ملاااابس
عقب دشيت محل عشان اخذ ملابس حق عواش بنتي خذت لها بدله يوم اجدمت شوي الا اسمع هدوي محتشره يتها قلت لها شو تبين قالت اريد العروسه قلت لها عندج وايد شلت المحل بصارخها وصياحها حتى طفرت منها ودرتها بعيد وهي اتصيح << شرير صح خخخخخخخ بس انا ما احب الصيااح
وسرت ويبت لها العروسه اللي تباهاا وسكتت اخيرراا اووووووف ياربي منها هالبنت مطلعه لي قروون عقب خذت لي اشياااء وخذت لنا عشى ورديت البيت انا وياها ورديت وريولي يعورني حوطتني اسميها وخذت لها اسكريم واذتني ما كلته بس جي دلع هههههههههههه << شكله حاقد ع البنت خخخخخخ لا حراام ما اتهون علي ^_^
توني اتعشيت الحمدلله بالعافيه علي
اللورد راعي

[راعي فزعه]

اليوم الجمعه الساعه 12:07 فليل بتوقيت المانياا
اليوم سرت السوق اشتري هديه حق شخص غالي علي ^^ وخذت له شي بسيط لين اللحين لين ادور شي زين حقه ^^
واللحين ابا ارقد لاني تعبان ع الاخير
اللورد راعي

[راعي فزعه]

اليوم الاثنين الساعه 9:57 بتوقيت المانياا
اليوم ما صار اي شي سرت احوط في السوق بس المحلات مسكره مليت =(
خخخ عادي تعودت
يالس اسمع فينا لعبيد بن سرحان اسميها طرر ^^
اللورد راعي

[راعي فزعه]

اليوم السبت الساعه11:54بتوقيت المانيا
اليوم قمت من الرقاد وراسي احسه بينفجر من الويع ومعني شابع رقاد وشوي احس جسمي كله حار
وكنت ملااان ع الاخير كنت اروح احوط بس محد طايع يروح وياي <<الحبيب ما يحب يمشي بروحه
ماصار شي مواقف اليوم
هيه صح انا برد البلاد يوم الخميس ^_<
وبفتك من هالبلاد والله بلادي احلى عنها بوايد ^ ^
كلمت بنتي اليوم وخبروني انها صارت اتعصب وايد قالو لي انها ماخذه العصبيه مني اونه يوم اعصب ما اشوف حد خخخخخخخخ حليلي وين اعصب ما اعصب طووووووول خخخخخخخخخخخخ
>>اللورد راعي <<؟؟ كان هنا

[راعي فزعه]

اليوم الاحد الساعه 9:59بتوقيت المانيا
اليوم قمت من وقت بس الكل كان كسلان هني محد له بارض حق شي
االاسواق مسكره
قلنا بنشل الصغيره الحديقه تتحوط يوم ظهرنا خطفنا ع ساحه الاسواق الا اشووووف سوق شرات المعارض اللي عدنا يبعون رقع مالت الستاير والطاولات واللي يلبسونهن
وشفت بنتين تؤام عرفهن << صغاااار بعدهن ما دشن الروضه
متشااااابهات ماعرفت منو منهن عزه ومنو هند وحلوات وايد ماشاءالله عليهن ^^
واختهن اللي في صف ثاني او ثالت ابتدائي اسمها ريم حليلها مريضه يوم اشوفني هي خواتها ايين سيده عنديه ويسلمن ^ ^
توني متعشي ماكل بس بعدني يوعاااااااااااااان ع الاخير
بسير ادور شي اكله
موثق ^^
اللورد راعي <<؟؟كان هنا

[راعي فزعه]

الله يصبرك انا بعد بعت عن البلاد

وجرت الغربه والله انهااااااااا
سم يفتك فيك تحس انك غريب بهاااا

الله يوصلك البلاد بلسلامه

لك مني اجمل تحيه

&
امييييين ياربي ويصبر كل مسلم مبتعد ع بلاده ^ ^
الله يسلمك ياربي^ ^ وتسلم ع هالطله الحلوه ^ ^

[راعي فزعه]

اليوم الاثنين الساعه 12:08 بتوقيت المانيا
اليوم اخر يوم علاج ^ ^ وبنرد البلاد خلاااص ماشي باجي موعد رجعتنا يوم الخميس ^ ^
سرت السوق وخذت كم عطر وخذت حلاوه حق الاهل والربع
يالس ارمس قناااص ع المسن واسمع اغنيه خيال وحقيقه لفرقه المزيود الحربيه ^ ^
ماصار شي مهم اليوم
>>اللورد راعي <<؟؟ كان هنا

[راعي فزعه]

اليوم الثلاثاء الساعه 6:34 بتوقيت الامارات
اليوم نشيت ع الساعه 11ونص كسلان ع الاخير واللي وعاني اكثر كعبيوه هالصدعه لا فديت ختيه مب صدعه
يالس اسمع اغنيه روحي بلقاك



روحي بلقاك إتفزّ فزّة حمامة

وتحوم حولك من غلاك وأملها

يا لين من نظرة غلا وابتسامة

إترد روحي الغالية في محلها



لك في فضى صدري فؤادن غرامه

يحمل محبة انسى تلقى مثلها

يعني إذا قلت احصى شوقه وهيامه

تقدر تقول بكثر هالدنيا كلها



أهواك وأرسم للتعجب علامة

كلما بنورك عيني خطت كحلها

وأسأل هواك اللي عظيمٍ مقامه

هل خلا فيني ذرةٍ ما وصلها



رح للقصيد ودور أعذب كلامه

ون جبت كلمة توصف إحساسي قلها

دامي عجزت ألقالي وصف ومدامه

حبك يسد بلاد ويكفي أهلها



أشكر هواك اللي غمرني اهتمامه

وأشكرها روحك يللي من طيب أصلها

سوت على عمري وعمرك غمامة

تمطر أحاسيسي وينبت غزلها



مثلك على راسي أشيل احترامه

وأعطيه من أيام عمري عسلها

لني مدام انته في خير وسلامه

ما ريد أي حاجة من الدنيا كلها

>>اللورد راعي <<؟؟كان هنا

[راعي فزعه]

اليوم الاحد الساعه 4:10 عصرا
اممم ابا فاتنا ليموون ومتعايز اسير الدكان ومتعايز اسويله تلفون ههههههههههههههههه
ماصار شي مهم اليوم ^_^