رشح نفسك لكي تكون مشرف

[Sk!nny]

السلام عليكم ورحمة الله وبركاته

بعد الانتهاه من ترتيب الموقع وتعديل الاقسام يسرني ان اقوم بكتابة الموضوع

الذي يتفرض ان اقوم بكتابته من عدة اسابيع ولكن لعدم تفرغي وانشغالي بأمور عديدة

لا تتعلق بالمنتدى بل الحياة اليوميه .....

والان افتح امامكم باب الترشيح أي بمعنى رشح نفسك لان تكون مشرف احد الاقسام

بأمكان اي عضو ان يرشح نفسه في المكان المناسب له وبأمكان عضو الشرف أن يرشح نفسه للاشراف

ولكن اخي العزيز تذكر بأن الاشراف تكليف وليس بتشريف

اي يجب عليك الاهتمام بالقسم وكذلك الدخول يومياً وتخصيص جزء من وقتك لقسمك

وهناك أمور كثيره تتعلق بالاشراف سوف اتناولها في موضوع منفصل

وأما عن نفسي لا استطيع متابعة المنتدى يومياً وذلك لدراسه وللعمل وقمت بتعين بن خرسان

وجنى اداريين للمنتدى

والان الباب مفتوح امامكم للترشيح وما عليك سوى اختيار القسم الذي ترغب بأن تكون مشرف فيه

مع خالص التحيه

بن حاضر

الإدارة العامة للمنتدى

[همس البنفسج]

اتمنى اني اكون مشرفه بس اخاف اقصر يمكن ما اقدر احدر دوم معني من زمان مسجله اكيد في اعضاء غيري احسن مني

والسموحه

[مـديونة الحـب]

وعليكم السلام ورحمه الله وبركاته ..

يشرفني اني اكون مشرفه بس بصراحه اتعذر ..

لان الصبح شغل والمسا دراسه ..
اعطي الفرص لغيرري

[سنادالامارات]

سلام عليك اخوي بن حاضركل عام وانت طيب وبصحة وسلامة

اخوي اظن هالطريقة سبق وان جربتوها بس للاسف مانجحت

لنه في بعضهم يرشحون نفسهم لتغيرلونهم فقط

ويدخل يوم؛ يسولف في الصندوق وشهرمايدخل حتى قسمة مايمرعليه

انارائي انه يتم اختيارهم عن طريق الادارة وكبارالشخصيات احسن بس بشروط >>من غيرواسطات ويعطون كل مجتهدحقة

لني الاحظ ع مشرفين ومشرفات مانشوفهم ابد؛لويوم بشهريحطون موضوع واحد

وخاصةبالاقسام المهمةوالحساسةالي تبي متابعة دائمة

وشفت بعض من الاعضاءالفعاليين والكل يشهدلهم محدقام بترقيتهم والبعض الاخرمايسون شي ومايدخلون دوم تم ترقيتهم عن طريق (الواسطة) واسمحلي ع الكلمة هذي

المنتدى منتداكم وانتم حريين في بس عشان الترابط والمساوى لانفرق حد

واذاكان شخص يعزعليكم عطولون غيرالاشراف لنه الاشراف بمعنا اهتمام بلقسم والردعلى الجميع ليكون دافع للعضوء

واسموحه طولت عليكم واذاكلامي خطاءنرجوء المعذرة

هذه رائي وننتظرالبقية

في مشكلةبالمنتدى للاسف المنتدى من شهرين ماعاجبني من ناحيةالاستايلات الغصب+يعلق وايداذاحطيت موضوع في صوراوماشابة

ياريت تشوفون لهاحل --اتمنالك التوفيج في حياتك العلميةوالعملية

[لولا الامل]

وعليكم السلام ورحمه الله وبركاته
اولا تسلم بن حاضر عل الطرح والاهتمام
ممم راايي لو ترشحووون افضل الاعضاء وتحطون تصويت بيكوون افضل لان في نااس تستحق الاشراف اهنيه في المنتدى
من حيث تواجدهم وجهوودهم الي يبذلونها
وبجي محد بينظلم
مم وفي مشرفين ابد مايدشووون صاار لهم شهوور ومحد مهتم باقسامهم
على العموم الرايي الاول والاخير لكم
والله يوفجكم

[ذيب بن جتب]

صرآحه مـآ زيد عن سنآد الإمـآرآت فعلا كل كلمه قالهـآ صحيحه ,

وهذا الشيء أكيد يرجع لرآي الإدآره ,

ونحن طبعـآ فـ الخدمه بآي وقت ,,

تسلم يالطيب ع الإهتمـآم والله ,

وإن شاء الله من تقدم لـ تقدم ,

[الجريحه]

وعليكم السلام

مممم ماعندي تعليقات بس انتو اختااروو احسن عضوو فالمنتدي وع رااحتكم والله

تحياتي:- الجريــحـــــه ^^

[مياسة العود]

مرحبا بك بن حااضر

امم اناا ويه كلاام اخووي سناااااد

وومشكور على الاهتماااام


ويعطييك الف عافيييه

[دمووووع]

تسلم اخوي بن حاضر على الاهتمام واتمنالكم التوفيق ان شاء الله

[جوهرة القصر]

انا من رآيي تخلي كل أعضاء المنتدى مشرفين خخخ لوووول

بغييت اصحح كلامك سيدي لا تتعلق بالمنتدى بل الحياة اليويمه ، اليويمه من اي قاموس نطلع معناها ههههههه ^_^ اليوميه بليييز

[غرشوب العيـن]

انا داش ابارك حق حبيبنا بن خرسان العزيز الغالي

واقوله يالله يالله ربع ترانا هع هع

مبروك عليك اخوي وانت انسان تستاهل الخير بكل انواعه

[حامل المسك]

وعليك السلام ورحمة الله وبركاته

عساك دوم ع الصحه بن عمي .. وعسى ايامك كلها راحات .. وعسى ختامها بالجنه يارب ..

انا كل ما حاولت اكتب علق عندي المنتدى وظهرني .. بس ان شاء الله هالمره ما يظهرني ..

المهم يا اخوان اظاهر فهمتوا غلط من اخونا بن حاضر .. هو ما قصر معاكم في ترتيب المنتدى واعادة صياغته من جديد وباشتراك الكل في تطويره ..

وهالمره حب يسوي شيئ ثاني لكم .. ويقولكم الباب مفتوح للاشراف بعد ترتيب المنتدى ..

صح انه الاداره لها القرار الاول والاخير في ترقية اي عضو .. لانه هم إلي يشوفوونه ويعرفونه .. نحن قبل لا نرقي عضو .. نرسل له رساله بالموضوع .. فاذا وافق عيناه واذا رفض تعبنا في غيره ..

المهم .. الزبده في الموضوع ..

نحن نشوف في اقسام مافيها مشرفين .. ونبا مشرفين لهذه الاقسام وثاني شيئ هناك في بعض من الاهمال من قبل البعض من المشرفين والمراقبين والاداريين .. واهم شيئ عندنا هو الاساس فاذا كان الاساس ممتاز .. الكل بيكون ممتاز .. فالاساس هو عندنا في نظري انا هو الاشراف لانه هو المسؤول في كل صغيره وكبيره بالقسم .. ام الاداره تخصصها في امور اكبر من هذه في تطور المنتدى وغيره ..

يعني إلي يشوف عمره قادر ان يكون مشرف ومسؤول عن القسم إلي يريده فيتفضل لنا ويقول انا قد المسؤوليه وحتى لو كان مشاركاته بسيطه .. المهم يكون قد المسؤوليه ويكون متابع لقسمه وهب مشكله بين اسبوع واسبوع المهم ما يغيب عنا فتره طويله وتتراكم المواضيع ومنها المتكرر وهو في خبر خير .. واهم شيء ان يشجع الاعضاء وان يطور قسمه .. ونحن ما بنقصر معاه .. بنخدمه دام بيخدمنا للاحسن ..

بس انتبه قبل ان ترشح عمرك .. الأوليه بان ترشح عمرك للاقسام إلي مافيها مشرفين .. وثاني شيئ طالع الاقسام إلي فيها المشرفين ..

ولا ودنا نظلم حد بس نبا نكون اساس ممتاز للمنتدى حتى نعرف نشتغل ع بقية المنتدى .. المهم ان يكون الكل راضي ع قسمه ومتحمس فيه وشاد حيله هب جابرينه ع شغله .. نبا تطور للاحسن ..

والسموحه ع هالكلام واسمحلي بن عمي تكلمة بهذا الكلام ..

إن شاء الله المعلومه وصلت لكم ..

خويكم بن خرسان

[ملاك القلب]

طيب واللي يبى يصير مدير هع هع


بصرآحة أنآ مب وآآآآآآآآآآآآآيد أدش فمحس أني أقدر أكون مشرفة لآنة يحتآجلة متآبعة وأنآ مرآت أكون بزي وغيري أولة بهآ الشي يلا أخوآني شدوآ الهمة أنآ بس أبي أكون مديرة ^^

[حامل المسك]

اتمنى منكم تاخذون الموضوع بكل جديه ..

إلي حاب يرشح عمره حياه .. مافي داعي يرد ويعطينا كلام ثاني ..

إلي يحب يتحمل المسؤليه .. فيرشح عمره للاشراف ..

نحن نبا نتطور هب نتهور ..

نبا متابعه شبه يوميه أو اسبوعيه وهب شهريه ..

[عيوز استايل]

و عليكـــــم السلاام و الرحمـــه^^

انا برشــــح عمري اذا عآآآآآدي

ابا قسم الحوارت الجاااده اذا عآآآآآدي ،،

و السمووحــــه منكـم^^

[عواااش]

يا هلا بن حاضر

انا افضل انك تحط كم اسم للترشيح

والاعضاء يبدون التصويت

هذا افضل بكثير

وانت جوف الاعضاء الاكثر تواجد في المنتدى وحط نكاتهم ونحن نصوت لهم

وشكرا على الاهتمام

ونحن تحت الخدمه شيخي

[أطيبـ قلبـ]

وعلييكم السلاام

حلو الدييموقراطيه في الموضووع

بس انا اشوووف انكم تشووفوون الشخص الي له تاثيير وتوااجد كبيير في القسم ومشااركااته وااضحه وهادفه هو الشخص الي بيكوون مناااسب انه يكوون مشرف

وبلنسبه ان الوااحد يرشح نفسه اشووف انه مابيكوون صحييح مييه بالميه الا اذا الشخص نااوي يكثف وجووده ويثبت مكانه


السمووحه بس هذا راااي

[سنادالامارات]

المشرفين والمراقبين واصحاب الالوان روحو لقسم المشرفين وسوالفهم وردو على موضوع اخونا بن خرسان

وشكـــــــــــــــــــــــــــــرا

[مـديونة الحـب]

أهي أهي ,,


ماقدر :p

[ظبيانية]

اتمنى التوفيق للجمييع =)

وانا رااي من راي اخويه سنآآد الامارات ..:~

[قلب بيبي]

بسم الله ..
السلام عليكمـ ..~

ماعرف مقدمات لوووووووول ..~

احم ،،

نرجوو من سيادتكم الموافقه قبوول طلبي ..

ابا استوي مشرفه قسم القصص ..

واذا هب القصص .. برايه بساعد راعي فالتراث .. بيكوون اخير .. اخف المهمه ..

وافقووو عليه لووووووووول بسرعه خخخخخخخ اسوووووووولف

وانشالله اكون قدها .. واسوي شي زين فحيانيه ،، ..~

عاد سمحوليه ماعرف ارمس عدل فالرسميات .. ياهل خخخخخخخخ .. ~~

[S.Alkalbani]

بسم الله الرحمن الرحيم

السلام عليكم ورحمه الله وبركاته

شحالكم ياعرب زايد

لو سمحتوو يالادارة الكريمه حبيت اقدم للاشراااف

وحبيت اكون مشرف لقسم النقاش والحوار الجاد

وان شاء الله اكون قد الاشرااف وماخيب ظن الادارة لو قبلووني

والسموحه منكم

[جنـى]

السلام عليكم ورحمه الله وبركاته ،،~



اخواني خـواتي


لكل من عرض نفسه للاشراف ،،~

اتمـنى ارسال لي رساله خاصه مع القسم إلي حاب يكون فيه مشرف ،،~



وشكرا لكم ،، لحسن تعاونكم

[◦●{◦●{وي وي}●◦}●◦]

السلام عليكم ورحمة الله وبركآآتهـ..~

اول شي : يسلمو ع الموضوع

ثاني شي : ابي ارشحـ..~ نفسي اني اكون مشرف على قسم الاعضاء الجدد

وهذا بعد موافقتكم ان شاء الله كون عند حسن ضنكم


وثالث شي : دمتم سالمينـ..~

[Mazeo0onah]

بن حاضر
انا بس ابا لون نكي يتغير بس ما اريد اكون مشرفه
5 سنوات وانا في المنتدى ولا تغير لون نكي : (

[رياض الشرقية]

الاشراف تكليف وليس تشريف مثل ماذكر الاخ بن حاضر
ونرجو من جميع الاعضاء الذين رشحو انفسهم
الجدية في طلبهم والتفرق للقسم المطلوب
وعلى الادارة الجدية مع جميع المشرفين والمشرفات السابقين
واعفاء اي منهم تكون دخلاتة محدودة وغير قادر على المهمة الموكلة الية
وانا عن نفسي ارشح مزيونة قطر على قسم الصور
لجهودها الجبارة وتواجدها الدائم والمميز بالقسم
وبارك الله فيكم

اخوكم

رياض

[◦●{◦●{وي وي}●◦}●◦]

مي تو ايد كلام اخوي رياض الشرقيه

[حشيمت الذآت]

مبـــــرؤكـ للمشرفينـ اليداد
وان شآءاللهـ يكونونـ قد المسؤؤليهـ..،
^^

[جنـى]

تم اغلاق الموضوع ووقف طلب الترشيح حتى الدفعه القادمه