حل مؤقت لتسجيل الخروج

[حامل المسك]

السلام عليكم ورحمة الله وبركاته

شحالكم كلن بحاله .. وعساكم بخير وسهاله ..

حبيت اطرح لكم موضوع واغلبكم يشتكي من هالموضوع وهو ..

ـتسجيل الخروج من المنتدىـ

وآخر رساله وصلتني هذه الرساله والسموحه ع عدم ذكر العضو .. لانه الحقوق محفوظه والرساله تقول ..

السلام عليك اخوي بن خرسان
شحالك ان شاء الله بخير ؟؟
بغيتك بخدمه اذا ماعليك امر اخوي
عندي مشكله بتسجيل الخروج كل ماجيت اسجل الخروج مااخرج لا انا ولا بياناتي يعني من افتحه مره ثانيه يستقبلني المنتدى بدون تسجيل دخول
قلت يمكن المشكله من جهازي جربت اجهزة جاراتي ونفس الشي
لاني سويت غلط يومني دخلت من اجهزة جاراتي لان تسجيل الخروج ماصار
واخاف انهم يدخلون باسمي ويكتبون شي او يسون شي
والله اني محتاره الحين !!!
وللاسف اني جربت كذا مره وطلعت المشكله مو من عندي
وسويت فورمات للجهاز وهم مانفع
وانا نخيتك لان ادري ماراح تردني
والانك خبير بالكمبيوتر ماشاء الله
ابي تشوف وش المشكله
وجزاااااااك الله خير

وفالكم طيب =) مع اني هب خبير لهذه الدرجه ..

وكل يوم ادرس ع هذه المشكله .. مااااا تشوفوني هادي بالمنتدى هههههه .. قاعد اشتغل ع حل هذه المشكله^^ ..

المهم انا حليتها ع طريقتي الخاصه .. يمكن هالطريقه تصلح لي فقط لاني استخدم ماكنتوش ..

بس ما يخالف بعلمكم الطريقه يمكن تنفع معاكم ..

يوم بسون خروج للمنتدى .. اغلقوا الصفحه .. وردوا افتحوها من يديد ع موقع احم احم .. اذا شفت اسمك موجود بعد ما سويت خروج .. رد مره ثانيه و سو خروج .. ونفس الشيء اغلق الصفحه ورد افتحها من يديد ع المنتدى .. اميه بالاميه الحين انته مش موجود بالمنتدى << انا جذيه يصير عندي .. يعني مرتين اسوي خروج ..

جربوها وردولي خبر .. ترا العله من الموقع ولا نعرف شو سالفته ومحد حل مشكلته ..

خويكم بن خرسان

[عيوز استايل]

دووم يستويلي جي المهم رمست السويدي و قال من استايل بس غيروه و نفس الحااااااله

و ألحين أخليه يدخلني تلقاائي ما سجل و لا شى حتى يوم اظهر بس الحمد لله ما احب ادش من لابات حد اذا حصلت

لابي ادش منه و اذا مشفر و لا شي اطبه وما اجرب صووبه،،

ان شااءالله اللى عندهم هاي المشكله تنحل وياهم،،،


تسلم لووح ويزاك الله خيــــــــــر،،،

[شيخۃ آلحسن}~]

..

انا يسجل عندي خروج عادي

والحينه بعد جربت سجلت ورجعت ادخل مره ثانيه ^^..

..

[تبوله]

تسلم اخوي بن خرسان وماقصرت
حتى انا تصير لي نفس القصه
لكن ان شاء الله بجرب طريقتك
وفالك طيب
والله يخليك ذخر للمنتدى انت وامثالك الطيبين

[إنسـ حسـاسي ـان]

و عليكم السلام و رحمة الله و بركاته

فعلا هالمشكلة موجودة و تصير معاي بين فترة و فترة.. !

مرات تنحل بحذف الكوووكيز و مرات ما تنفع هالطريقة .. !

و الحين انا داشه من لاب ثاني - مب كمبيوتري بس مب موجودة هالمشكلة ..
لكن يوم ادخل من لابي ، تكون موجودة مراات!! وحتى لو اسجل خروج اكثر من مرة .. نفس الشي ما تنحل!

تسلم بن خرسان و يزاك الله خير ..

[x_5]

ممكن سؤال بسيط
بأي أستايل تصير المشكلة

[حامل المسك]

يزاكم ربي كل خير ع الردود ..

واقول لأخي ـأكس فايفـ ربي يعطيك الصحه والعافيه ع لب الدعوه وهذا شيء شرفنا ^^ ونفتخر فيه ..

سؤالك غريب أكس فايف .. لانه انا إلي أعرفه ماله خص الاستايل والعلم عند الله .. لانك انته اعلم بهذه الامور واخبر عني ..

وعن ـنفسيـ اتكلم حدثة المشكله عندي في ثلاث استايلات وهن :

الاستايل الحالي ومال رمضان اليديد والوردي .. ومال الامدارس ما اتذكر اذا استوالي نفس الخلل ..

إلي مشكلتي فقط تسجيل الخروج وحليتها بنفسي .. وشرحت المشكله وعلاجها نفس ما طرحته هنيه بهذا الموضوع ..

ويزاك ربي خير أكس فايف مره ثانيه ^^

[x_5]

يرجي التجربة الان
كذلك يرجي الانتباه عند الدخول للموقع
ادخل ب
[Link nur für registrierte Benutzer sichtbar]
لاحظ وجود علامة ال
[Link nur für registrierte Benutzer sichtbar]